Nordurbryggjan 14. novembur 2015 – 10. januar 2016
Norðurbryggjan hevur framsýningina, Tvær sterkar, sum vísir verk hjá tveimum sterkum norðuratlantiskum kvinnum, sum hava borið seg fram í eini mannfólkamentan; føroyska Ruth Smith og íslendska Julíana Sveinsdóttir.
Í sambandi við 100 árahaldið, síðan kvinnurnar í Íslandi, Føroyum og Danmark fingu atkvøðurætt, samstarva listasøvnini í Reykjavík og í Føroyum og Norðurbryggjan um at vísa listasýning vid verkum frá tveimum listakvinnum: íslendska Júlíana Sveinsdóttir (1889-1966) og føroyska Ruth Smith (1913-1958).
Hesar báðar listakvinnurnar eru báðar vaksnar upp í harðbalnum og veðurbardum oyggjasamfeløgum ávikavist í Heimaey, Vestmannaoyggjunum og Suðuroy í Føroyum. Báðar vóru millum tær fyrstu listakvinnurnar í sínum heimlandi, har málningalistin í byrjanini av 20. øld enn var ung. Báðar hava tær lisið á Kunstakademinum í Keypmannahavn.
Báðar lýstu tær heimlandið og natúruna við eini djúpari kenslu av litum og tí stóra valdinum, ið natúran hevur í tí æviga bardaganum millum land og hav, og hóast tær í tíðarskeiðum búðu í Danmark, arbeiddu tær mest við heimlandslagnum.
Framsýningin gevur innlit í førleikan hjá hesum báðum listakvinnum at tulka og lýsa landslag og ikki minst myndir av teimum sjálvum og teirra samtíð.
Felags fyri tær báðar er teirra megnararbeiði við sjálvsmyndum, har einki verður fjalt, hvørki tunglyndi ella elli.
Framsýningin er skipað í samstarvi við listasavnið í Reykjavík, Listasavn Føroya og stuðlað av Norðurlendska mentanargrunninum.
Kurator: Hrafnhildur Schram.
Norðurbryggjan hevur framsýningina, Tvær sterkar, sum vísir verk hjá tveimum sterkum norðuratlantiskum kvinnum, sum hava borið seg fram í eini mannfólkamentan; føroyska Ruth Smith og íslendska Julíana Sveinsdóttir.
Í sambandi við 100 árahaldið, síðan kvinnurnar í Íslandi, Føroyum og Danmark fingu atkvøðurætt, samstarva listasøvnini í Reykjavík og í Føroyum og Norðurbryggjan um at vísa listasýning vid verkum frá tveimum listakvinnum: íslendska Júlíana Sveinsdóttir (1889-1966) og føroyska Ruth Smith (1913-1958).
Hesar báðar listakvinnurnar eru báðar vaksnar upp í harðbalnum og veðurbardum oyggjasamfeløgum ávikavist í Heimaey, Vestmannaoyggjunum og Suðuroy í Føroyum. Báðar vóru millum tær fyrstu listakvinnurnar í sínum heimlandi, har málningalistin í byrjanini av 20. øld enn var ung. Báðar hava tær lisið á Kunstakademinum í Keypmannahavn.
Báðar lýstu tær heimlandið og natúruna við eini djúpari kenslu av litum og tí stóra valdinum, ið natúran hevur í tí æviga bardaganum millum land og hav, og hóast tær í tíðarskeiðum búðu í Danmark, arbeiddu tær mest við heimlandslagnum.
Framsýningin gevur innlit í førleikan hjá hesum báðum listakvinnum at tulka og lýsa landslag og ikki minst myndir av teimum sjálvum og teirra samtíð.
Felags fyri tær báðar er teirra megnararbeiði við sjálvsmyndum, har einki verður fjalt, hvørki tunglyndi ella elli.
Framsýningin er skipað í samstarvi við listasavnið í Reykjavík, Listasavn Føroya og stuðlað av Norðurlendska mentanargrunninum.
Kurator: Hrafnhildur Schram.
RSS Feed