Tað er í kvøld at Hodgson tekur Klaksvíkina við einum braki av hittum

Tað er í kvøld Kl. 22.00, at "Supertramp himself" fer at hertaka Vágsbø í Klaksvík við hansara kendastu hittum frá Supertramp tíðini.

Sangir sum ”Give a Little Bit”, ”The Logical Song”, ”Dreamer”, ”Breakfast in America“, ”It’s Raining Again”, “School“, “Fool’s Overture” og ”Take the Long Way Home” gjørdu, at Supertramp seldi væl yvir 60 milliónir plátur.

Soleiðis skrivar Summarfestivalurin um tí legendarisku vitjana hjá Supertramp í 2006:

Nógv munnu minnast tiltiknu løtuna á Summar Festivalinum í 2006, tá ið Roger Hodgson hevði konsert tíðliga sunnumorgun, eftir at hann var meiri enn 30 tímar seinkaður til landið orsaka av vánaligum floglíkindum. Fyri mong er tað størsta løtan, sum hevur verið á Summar Festivalinum. Tann framúr sterki sangarin framførdi stóru hittini, hann skrivaði og sang í bólkinum Supertramp, og løtan í lýsingini kendist gandakend.

JáH (y) 11.08.2018
Kelda: Summarfestivalurin

---