Summir mótar eru stuttir, men sjálvt um hesir mótar vara stutt - so má ein ásanna at teir eru svakir.

Gloym alt um G-strongin, tí tað seinasta nýggja er C-strongurin og tað hevur ikki so ræðuliga nógv uppá seg.

C-strongurin sær út sum um strongurin hoyrir heima á heysinum hjá kvinnum - men ístaðinfyri, so hava tey funnið uppá at brúka strongin sum trussir.

Men kvaliteturin er sum so - ein brúkari av hesum sokallaðum trussunum skrivar soleiðis um tær: "Tær vóru í ringum standi eftir at eg fekk tær "boygdar" - og er annars ein sera vánaligur kvalitetur. Og so er tað eisini óbehagiligt at vera í - tað er næstan sum at vera í okkurt slag av svimjudrakt - sera løgið. Tær standa heldur ikki har tær skula og eg fái meg ikki at trúgva at eg megni at vera í teimum í meira enn 2 minuttir - ikki oysla pengarnar hjá tær uppá hetta. Produkti hevur onki uppá seg !!!"

Vánaligt produkt ella ikki - myndarnir eru hóast alt sexy. Hygg eftir myndarøð niðanfyri.

JáH (y) 21.06.2014

71 ára gomul kvinna hevur sligið sín 80 ára gamla mann til deyðis - har hon hevur brúkt einum "køks mørtel" sum vápn, ið ein annars plagar at elta urtar við.

Hon hevur fingið kelunavnið "Tann kvinnuligi Hannibal Lecter" - tí hon drap ikki bara mannin hjá sær. Hon ár hansara hjarta, nøs og kynsdeilir.

Hon hevur kókað hansara kroppspartar í einari grýtu í køkinum hjá henni í bygdini Longwhy sum liggur í Fraklandið. Hetta skal vera hent tann 22. Mai í ár.

Mynduleikarnir fortelja soleiðis frá: "Tann ákærda hevur kókað hjartað, nøsina og kynsdeilirnar í einari grýtu - men vit vita annars ikki um hon eisini hevur etið kropspartarnar."

Hon hevur annars fingið tað óhugnaliga navnið frá filminum "The Silence of the Lambs" har Anthony Hopkins spælir rolluna sum ein kannibal seriumordari. 

Sakførarin hjá Caroline Depretz segði at hennara klientur hevur vrangforstillingar og legði afturat: "Hon varð nokk í tí svaka lagnum, tá hon gjørdi hesa brotsgerð."

Konan er í varðhaldi í fongslum fyri sinnisveik og har verður  hon so testa um hon kann standa fyri svart fyri hennara brotsgerð.

JáH (y) 21.06.2014

Danska Fólkatingið hevur júst samtykt eitt uppskot um at gera eitt lógaruppskot um eina viðgerðartrygd til børn av rúsmisnýtarum. Samtyktin var einmæld.

Nú er hjálp ávegis til børn og ung, ið vaksa upp í heimum við rústrupulleikum. Í hvussu er í Danmark.
TUBA (terapi for unge, der er børn av alkoholmisbrugere), sum er ein partur av arbeiðinum hjá Bláakrossi í Danmark, hevur í fleiri ár arbeitt við at tryggja skjóta og málrættaða hjálp til børn og ung, ið vaksa upp saman við foreldrum, sum drekka ov nógv, ella sum eru bundin av rúsdrekka/rúsevnum. 

Børn líða skaða um tey ikki fáa hjálp
Blái krossur í Danmark fegnast tí um, at tað nú skal gerast eitt lógaruppskot, sum skal geva børnum hjá rúsmisnýtarum rætt til viðgerð innan ein mánaða.
- Gjøgnum tað hjálpararbeiði, sum vit hava gjørt millum børn og ung, hava vit royndir av, at tað er stórur munur á, hvussu og hvussu nógv kommunurnar hjálpa børnum í rúsdrekkafamiljum. Nakrar kommunur hava serlig tilboð til børn og eina TUBA-ráðgeving, meðan aðrar kommunur hava hugburðin, at hetta ikki hevur verið ein uppgáva, ið kommunan hevur tikið sær av higartil, og tí heldur ikki er ein uppgáva, sum tey nú skulu loysa. Avleiðingin av hesum er, at tað eru nógv børn og ung, sum mugu klára seg sjálvi, og sum líða skaða av at liva saman við ella eru vaksin upp saman við foreldurm, sum drekka, sigur Christian Bjerre, aðalskrivari hjá Bláakrossi í Danmark.

Lætt at søkja sær hjálp
Við eini viðgerðartrygd fáa børn og ung, sum eru undir 25 ár, rættin av fáa hjálp ella viðgerð, um tey hava trupulleikar, tí at teirra foreldur hava eitt rúsdrekkamisbrúk.
- Nú skal tað gerast eitt veruligt lógaruppskot við neyvari greining av, hvat viðgerðartrygdin skal umfata. Í Bláa Krossi vilja vit arbeiða fyri, at tað verður lætt at søkja sær hjálp, uttan mun til hvar í landinum hesi børnini og ungu búgva. Og so vóna vit, at tað ikki gongur long tíð, til viðgerðartrygdin er veruleiki, sigur Christian.

Fakta:
Sunnhedsstyrelsen í Danmark metir, at tað í dag eru 122.000 børn í Danmark, ið vaksa upp í familjum við rúsdrekkatrupulleikum.
Børn kunnu sjálvi verða skadd av rúsdrekkamisbrúkinum hjá foreldrunum. Tað kann vera við at tey sjálvi útvikla eitt misbrúk av rúsdrekka ella stoffum, tey fáa lágt sjálvsvirði, hava trupult við at fáa eina útbúgving, gerast depressiv ella fáa aðrar sálarligar trupulleikar.

Mynd: 
Christian Bjerre, aðalskrivari í Bláakrossi í Danmark (t.h.), saman við Peder Morre, leiðari av "Hjartarúminum" í Aalborg.

Orð og mynd: Frants Jensen

Soleiðis skrivar Sea Shepherd á teirra heimasíðu um, at vit føroyingar drepa grind:

"Hvørt ár krevur grindadráp lívið av 100 vís av pilot hvalum og øðrum delfinum ...

Heil fylgir av hesum serstøku djórunum vera brutalt og sansaleyst slaktaði í Føroyum um árið - júst sum tey jaktstra í Taiji, Japan. Grindadráp umboðar Føroyar sum "Taiji fyri Norðan."

Sea Sherherd hevur verið ímóti grindadrápið síðan 1980'inum - í ár  hava hundravís av frívillugum set sín fót í Føroyum (og vera vit á heimasíðuni hjá Sea Shepherd kallað fyri tey svøku fólkini) har tey halda eitt vakið eyga við føroyingum á landi, sjónum og luftini. Vit atla at standa fast við okkara missión: Grindadráp skal steðgast."

Annars so skriva tey nógv meira um føroyingar og okkara grindadráp á heimasíðuni hjá Sea Shepherd http://www.seashepherd.org/grindstop/ far sjálv/ur inn og hygg hvat teir skriva um okkum !!!

Eisini hava tey fingið kend fólk at siga sína meining um grindadráp og okkum føroyingar. Hygg eftir
 video'ini "Real men don't whale" HER

Hvør vinnur kampin ?!?

Ja, nú er tað komið so mikið langt, at løgreglan mælir fólkið frá at fara í grind - sjálvt um ein grind bleiv funnin fyri løtu síðani. Eisini hevur Sea Shepherd verið í bløðunum (Sosialinum) og nærum beinleiðis hótt við hvat fer at henda - um vit fara í grind. 

Ein propaganda video hevur eisini verið gjørd av fólkunum handan Sea Shepherd - sum seinni aftur er blivin sletta aftur av Youtube. Hvussu er og ikki, so sær tað í hvørtfall út til, at Sea Shepherd hevur vundið uppá seg í Føroyum og skapt mikla øsing ímillum føroyingar.

Men sum Elin B. Heinesen segði í Dagur & Viku í kvøld, so má tó vera frægast at vit latast sum luft og heldur flenna eftir fólkunum aftanfyri Sea Shepherd - tí tað loysir absalutt ongar trupuleikar við at vit sjálvi missa fatningin og fara í hernað ímóti teimum. Tá hava vit longu tapt og tað má fyri alt í verðini ikki henda.

Tey muga skjótt blíva troytt av okkum - og tíð & pening er also ikki nakað, sum tey eiga so nógv av. Og bróta tey lógina, so skal ikki so ræðuliga nógv til fyri at fáa tey "burturvíst" av Føroya landið ... og so er tað aftur "grind & spik" á menu'ini hjá tí svanga føroyinginum.

Kanska hevði tað verið eitt gott hugskot, at vit føroyingar gjørdu ein film um Sea Shepherd - nú tá teir álíkavæl eru her. Tað kundi verið at filmurin bleiv ein altjóða succes og so kundu vit eisini víst á hvat fyri fólkaslag tey frá Sea Shepherd í veruleikanum eru. Also líka fyri líka - um tey spotta okkum út, so hví skula vit so ikki eisini spotta tey út ?!? Hatta varð nú bert ein tanki.

JáH (y) 17.06.2014