 Nakrir av teimum sum svomu í 70-80unum vóru til staðar í Vági og sjálvur primus motorurin hjá VS var í høllini sunnudagin, nevnliga "Kissaba" Eg spurdi hann, hvat hann minntist best til, hansara tíð innan svimjingina. Jú sigur hann, tað skal eg væl siga tær, tað var til eina kapping, har tú og Heri Mortensen svomu í Klaksvík, har tit báðir komu líka inn og báðir blivu dømdir nummar eitt, men eftir kappingina, fórt tú yvir til yvirdómarin og segði við hann, at Heri nam fyrst við kantin og tískil vann Heri Kappingina. Rokni ikki við, at eg hevði gjørt tað nú :) Annars svam "legendan" Heri Mortensen 100 blandað sunnudagin, men eg hevði gloymt mínar svimjibuksir eftir, so Guð viti hvør hevði vunnið hesuferð. Takk fyri ein super tíð í Vági og ein serlig tøkk til "Kissaba", sum eigur størsta heiðurin fyri, at Suðuroyingar eru so frammanliga innan svimjing. SáH   Hetta var seinasta kappingina í gomlu svimjihøllini í Vági og eins í, tá ið hon opnaði, einaferð í 70unum, ja, so vann Ægir eisini hesuferð flest kappingar. Næstu ferð svomi verður suðuri í Vági, verður tað í Pálshøll. Um vikuskiftið var stór kapping suðuri í Vági. Kappast var í 32 kappingum, har Ægir gjørdist sigursharrin við 15 gull, SUsvim 13 gull og Havnar Svimjifelag 5 gull. Hetta er nøkur ár síðani, at Ægir er blivin nummar eitt samanlagt í einari svimjikapping, so hetta boðar frá góðum. Ægir hevur fingið nýggjan venjara, Juan Jaime Arroyo Toledo frá Mexico og var hann samanlagt nøgdir við úrslitið. Onkur forbetraði seg heilt nógv, men hjá onkrum gekk ikki serliga gott, men soleiðis er einaferð innan svimjing, nú nýggjur venjari er, so verður vant ørvísið og tað kann taka eitt sindur av tíð, at venja seg við tað. Spennandi verður, um tey, sum ikki slógu ígjøgnum suðuri í Vági, fara at sláa til í næsta mánað, tá ið svimjinkapping verður í Klaksvík. Vit ynskja Ægir stórt tillukku. SáH  Signhild 2:15.64 og føroyskt juniormet í 200 rygg
Ótrúðliga flott klára, at sláa tað føroyska juniormetið við nærum 3 sekundum og nú manglar sera ltíð í, at Signhild Joensen slær sera gamla metið hjá Elspu Mørkøre, sum er heilt frá 2007. Nýggið venjarin Jaime var sjálvsagt eisini stoltir av tíðini og nú lovar tað sera gott fyri kappingarárið 2015-2016 hjá Ægir. Hetta skrivar svimjing.com um Signhild ígjár: Signhild Joensen úr Ægir setti í dag stórt nýtt føroyskt juniormet í 200 metra ryggsvimjing, tá ið hon á SuSvim Open í Vági svam teinin uppá 2:15.64. Hon átti sjálv juniormetið á 2:18.17 frá FøroyaMeistarastevnuni í mai mánaða, og er nú rættiliga nær føroyska metinum hjá Elspu Mørkøre, á 2:15.15 frá donsku meistarastevnuni á stuttgeil í 2007. Kelda: www.svimjing.com og mynd Jón Bjarnason. SáH  U9 gentuliðið hjá KÍ var til seinastu kapping í ár úti í Runavík í dag.
Tær spældu tríggjar dystir. Fyrst spældu tær javnt 2-2 ímóti EB/Streymi, síðan vunnu tær 3-0 ímóti NSÍ b og 6-2 ímóti NSÍ a, og vunnu tískil kappingina. Í ár hava tær luttikið í 6 kappingum. Onkuntíð við tveimum liðum og onkuntíð við bert einum. KÍ hevur vunnið 4 av hesum kappingum og er endað nr 2 í hinum báðum. Allar gentirnar hava verið sera raskar í ár og hava ment seg og hugna sær nógv, bæði til venjing og dystir. Sigast má at kvinnusíðan hjá KÍ sær út til at ganga einari bjartari framtíð ímóti. Koyr á KÍ! Kelda: Klaksvíkar Ítróttarfelag SáH Á myndini eru Karsten Hansen, venjari, Durita Vang, Fríðgerð Hansen, Jóna Miðalberg, Elspa Maria Zachariasen. Fremst frá vinstri, Vár Eliasen, Lena Loburak, Oddbjørg í Buð.  Stór svimjikapping verður í Vági ídag og ímorgin. Ægir luttekur við 1. lið og 2. lið. Hetta fyrsta kappingin, har okkara nýggji venjari JJaime Arro ferð at royna seg við okkara svimjarnum. Onkur hevur forbetra seg nógv, men sjálvandi tekur tað eitt sindur av tíð, áðrenn man ferð at síggja fruktirnar av góða arbeiðinum, sum Jaime gerð. Norðoya Portalurin ferð til suðuroyar seinni ídag og væntandi vera fleiri myndir at síggja sunnukvøldið ella mánadagin. Vit ynskja okkara svimjarnum í Ægir eina góða kapping. Kappast verður soleiðis í Vági og er tað í gomlu svimjihøllini: Leygarmorgun kl. 09:30 (Upphiting kl. 08:30) 01 50m Bringusvimjing Kvinnur 02 50m Bringusvimjing Menn 03 400m Blandað Kvinnur 04 400m Blandað Menn 05 50m Firvald Kvinnur 06 50m Firvald Menn Pausa í 15min 07 100m Ryggsvimjing Kvinnur 08 100m Ryggsvimjing Menn 09 400m Frísvimjing Kvinnur 10 400m Frísvimjing Menn 11 100m Firvald Kvinnur 12 100m Firvald Menn Leygardagur kl. 16:00 (Upphiting kl. 15:00) 13 100m Bringusvimjing Kvinnur 14 100m Bringusvimjing Menn 15 200m Frísvimjing Kvinnur 16 200m Frísvimjing Menn Pausa í 15min 17 200m Ryggsvimjing Kvinnur 18 200m Ryggsvimjing Menn 19 50m Frí Kvinnur 20 50m Frí Menn 21 200m Blandað Kvinnur 22 200m Blandað Menn Sunnudagur kl. 14:00 (Upphiting kl. 13:00) 23 50m Ryggsvimjing Kvinnur 24 50m Ryggsvimjing Menn 25 200m Bringusvimjing Kvinnur 26 200m Bringusvimjing Menn 27 100m Frísvimjing Kvinnur 28 100m Frísvimjing Menn Pausa í 10min 29 200m Firvald Kvinnur 30 200m Firvald Menn 31 100m Blandað Kvinnur 32 100m Blandað Menn Kelda: www.svimjing.com SáH  Stjørnan fekk eina ynski byrjan uppá kappingarárið og tað eydnaðist okkara kvinnum, at leika javnt ímóti Føroyarmeistarnum Neistanum, 19-19 og hevði eydnan verið við teimum, so átti tær at vunnið dystin, tí í seinasta sekundinum átti Størnan at sett bóltin í málið, men bólturin endaði uttanfyri. Sera spennandi dystir í KÍ høllini og eftir eina katastrofu byrjan, har Stjørnan var aftanfyri 5-0, ja, so tiku tær seg saman og spældi fult upp ímóti Føroyameistarnum Neistanum, har teir ofta vóru nær við at koma framum, men tað eydnaðist teimum ikki. Málkvinnan hjá Stjørnuni spældi ein branndyst og nógvu áskoðarnir í KÍ høllini fingu ein góðan og javnan dyst at síggja, har okkara kvinnur stríddist meistarliga og fult uppiborið fingu ein javnleik. Stjørnan er tendra aftur og tað verður spennandi at fylgja teimum hetta kappingarárið. Koyrá Stjørnan SáH  Mánakvøldið hevði svimjifelagið Ægir sín árliga fund.
Har møtti ikki nógv fólk til fundin, men tó so mikið, at Ægir fekk mannað eina nevnd. Dann Hjelm og John D. Olsen tóku ikki við afturvalið og í teirra stað komu Josef Jacobsen og Rannvá Sigfríðsdóttir. Formaður er Símun á Høvdanum og eyka limir eru, Oluffa á Høvdanum og Carsten Wigant Andersen. Fríggjarliga hevur gingið niður á bakka í fleiri ár, men væntandi vendir gongdin í 2015/2016. Ægir hevur fyri fyrstu ferð í søgu felagsins fingið ein útlendskan venjara, Jaime Arro, sum er frá Meksiko. Hetta hevur gjørt at limatali er økt munandi og er ætlanin tann, at Jaime skal aftur fáa Ægir á fremstu rok. Fyrsta svimjikappingin í hesum kappingarárinum verður suðuri í Vági tann 25 - 27 september. Meira um Ægir á hesari Facebook síðuni, klikk her: https://www.facebook.com/AEgirklaksvik?fref=ts  Tann 5. september hevði Svimjisambandi sín árliga Kalendarafund. Øll feløgini luttóku og har blivu allar kappingarnar fastlagdar fyri árið 2015 og 2016 til summarferiuna. Samtykt bleiv eina nýggja bólkagreining hjá teimum yngru svimjarnum, so aldurin ikki gjørdist so stórir ímillum teir fýra bólkarnar. Kjak stóðst av, at kappingin skuldi gerast longri. Tey stóru feløgini ynsku, at leingja kappingina, so hon endaði síðst í juni ella fyrst í juli, tí tað var best fyri okkara allerbestu svimjarnar, sum luttaka í altjóða kappingum, men tey smáu feløgini vóru ímóti og vildu hava kappingina, sum hon var í ár. Grundgevingin var tann, at tá fóru allir svimjarnar í aðrar ítróttargreinar, so næstan ongir svimjarar vóru eftir. Hetta hildu stóru feløgini í landinum vera óseriøst, at vit skuldi taka hædd fyri fótbóltinum og aðrar ítróttargreinum, tá ið tær ítróttargreinarnar ikki tiku hædd fyri svimjingini. Tískil skuldi atkvøðast um hetta stóra mál og úrslitið gjørdist, at tey smáu feløgini vunnu og sostatt endar svimjiárið í mai 2016. Samanumtikið ein góðir fundir og samtykt bleiv, at hava ein kalendarafund aftur í desember mánaða í ár. SáH  Ljóðar kanska øgiligt, men leygardagin hevði nýggju venjarin hjá Ægir, eina grót harða venjing við svimjarnum, har eisini foreldrini luttóku. Venjingin gekk út uppá, at svimjarnir svomu við fullari ferð í ein tíma, har teir svomu 50 metrar, hildu eina lítla pausi og so við fullari ferð aftur. Nýggið venjarin Jamie koyrdi á svimjarnar og tann seinasta hálvan tíman, komu foreldrini eisini á banan, har tey heppaðu síni børn, til at klára tað. Svimjarnir góvu seg 150% og teir vóru fullkomiliga útkoyrdir, tá ið venjingin var liðug. Aftaná var samankomstir fyri svimjarnar, har foreldrini høvdu gjørt gjørt pasta rættir, lasagne, kakur og annað gott. Hetta trongdi svimjarnir eisini harðliga til og ein strævin dagur var at enda komin. SáH |
Greinar
August 2019
Categories |
RSS-feed