Tað varð tann 27. mars 1980, at Erik Andersen tók stig til at stovna nýtt skjótifelag í Føroyum, felagið fekk navnið Veiðifelagið Byrsumúli.

Í dag skriva vit 27. mars 2020, so tað vil siga, at felagið í dag hevur 40 ára føðingardag.

Felagið heldur til á Sandvíkum í Tórshavn, har skjótibreytin eisini liggur. Framtíðin fyri skjótibreytina, er spennandi, tí Tórshavnar Kommuna hevur fyri stuttum, sett av pening til at uppstiga og nútíðargera breytina, so hon m.a. lýkur altjóða krøv.

186 skrásettir limir eru í felagnum, harav tveir eru heiðurslimir. Seinasta tíðina, hevur tilgongdin av nýggjum limum verðið stór, og hevur felagið tískil sett í verk eina skipan, til móttøku av nýggjum limum. Yngsti limur í felagnum er 12 ár, og elsti limur er 88 ár.

Uttanfyri Føroyar hava skjúttarnir í felagnum eisini staðið seg væl, m.a. eigur felagið fyrsta skjúttan, sum vann heiðursmerki í skjóting á oyggjaleikum.

Eftir ætlan, skuldi føðingardagsveitsla og føðingardagskapping verðið avgreidd í morgin, leygardagin, men orsaka av Korona smittuni eru bæði tiltøk avlýst.

Veiðifelagið Byrsumúli

Tað eru tvær vikur síðani, at Løgmaður boðaði frá, at tað føroyska samfelagið fór niður í ferð. Eins og við nógvum øðrum almennum tiltøkum, bleiv øll telving løgd lamin alt fyri eitt. Men leygardagin verður so aftur talvkapping.

Tað er sjálvandi ikki møguligt at hava eina vanliga talvkapping, men Talvsamband Føroya hevur avgjørt, at ein roynd verður gjørd, við at hava eina talvkapping á netinum.

Kappingin verður partur av Grand Prix kappingunum, sum hava verið gjøgnum veturin. Men øll kunnu luttaka í kappingini, eisini um mann ikki hevur verið við til kapping fyrr.

Kappingin verður leygardagin kl. 18.00. Telvað verður á heimasíðuni chess.com. Meira kann lesast um kappingina her: https://faroechess.com/?p=5035

​Talvsamband Føroya

Hoyr Mikkjal greiða frá hvussu gerandisdagurin hjá KÍ hevur verið og hvussu hann kemur at síggja út frameftir.

Eisini hevur Mikkjal eina heilsan til øll børn og ung sum í løtuni ikki kunnu venja við KÍ ? klikk link herundir.

​KÍ- Klaksvíkar Ítróttarfelag.

Til øll feløgini:

Góðu tit!

Alt virksemið í flogbóltinum er sum við allari aðrari ítrótt í Føroyum sett í time-out. Myndugleikarnir hava nú boðað frá, at alt verður stongt í minsta lagi til eftir páskir, og nógv bendir á, at vit í minsta lagi skulu út í mai, áðrenn samfelagið letur upp aftur.

Vit skulu nýta høvið at takka tykkum fyri tykkara leiklut í øllum hesum. Tá ið boðini komu frá okkum, tóku tit væl undir við teimum, og tað vit vita um, eru allar venjingar steðgaðar úti í feløgunum. Harumframt eru sjálvandi heldur eingir dystir. Vit hava øll gjørt okkara til at steðga smittuni, og tað er tað einasta, ið telur júst nú.

Tað er avgerandi neyðugt, at vit halda fast í hesum stigum. Tað verða eingir dystir, og tað verður inniliga heitt á tykkum øll, at halda tykkum frá øllum venjingum í felag. Vit hava sum so ikki heimildir at nokta tykkum at venja, men haldið tykkum frá øllum felags venjingum og finnið aðrar loysnir at halda tykkum í venjing.

Starvsnevndin hevur framvegis eina vón og eina ætlan um, at FM skal verða avgreitt í øllum deildum, so vit finna allar føroyameistararnar. Júst hvussu hetta skal verða gjørt, hava vit av góðum grundum ikki gjørt av enn, men FM í 2019/20 er ikki strikað.

Við tí vitan vit nú hava, er gjørt av, at:
📍 FM fyri bæði ung og Meistaradeildina er útsett til hálvan mai í fyrsta lagi. Tað kann verða útsett enn longur.

📍 EM-kappingin fyri U20 dreingir, sum skuldi vera í Føroyum síðst í mai er útsett. Hon verður væntandi í september ístaðin.

📍 EM-kappingin fyri U19 gentur, sum skuldi vera í Íslandi fyrst í juni er útsett. Vit hava ikki hoyrt um nýtt dato enn, men hon verður væntandi tíðliga í heyst eins og U20 dreingirnir.

Vit skulu kunna tykkum so hvørt, vit vita meira, og hava tit spurningar ella viðmerkingar, eru tit væl komin at koma við teimum.

Ansið so væl eftir tykkum og tykkara og alt tað besta.

Vinaliga
​
Nevndin í FBF

HETTA ER VILT!

Vit eiga nú ENDILIGA okkara egna Fullpowerhús 🙌🏼

Framyvir fara vit at halda til á Klaksvíksvegi 85 💪🏼

Nú fara vit at taka arbeiðshandskarnar uppá, og gera hetta til heimsins wellasta venjingarstað í Klaksvík 💚

Nógv spennandi er í væntu!! So gleði tykkum 😉
Meira kunning um nær vit opna, og hvat og hvussu kemur seinni 👊🏼

#fullpowerklaksvík #fullpowerhúsið #hettaergarvilt

Kelda: Fullpower

SáH

DBU boðar í dag frá at landsdysturin ímillum Danmark og Føroyar, sum skuldi vera fríggjadagin tann 27. mars er avlýstir, les tíðindaskriv herundir:

HERRELANDSHOLDETS VENSKABSKAMPE AFLYST

Venskabskampene mod Færøerne og England er nu definitivt aflyst på grund af corona-situationen

Herrelandsholdet kommer ikke til at spille venskabskampe mod Færøerne og England senere i marts.

Det er definitivt, efter at det engelske fodboldforbund fredag meldte ud, at al fodbold i England er suspenderet indtil den 3. april på grund af den corona-virus, der spreder sig over det meste af Europa.
Allerede i onsdags meldte DBU ud, at al fodbold i Danmark bliver sat på standby i resten af marts måned. Det gælder både 3F Superliga, Gjensidige Kvindeliga, divisionerne samt kampe og andre aktiviteter i breddefodbolden. På det tidspunkt markerede Kenneth Reeh, konstitueret direktør i DBU, at ingen af de danske fodboldlandshold bør spille de planlagte kampe i marts.

DBU har også været i kontakt med det færøske fodboldforbund og bekræftet, at venskabskampen i Herning fredag den 27. marts også er aflyst.

”Det er beklageligt, at Herrelandsholdet ikke får spillet to spændende opvarmningskampe. Omvendt ønsker vi på ingen måde at risikere at sprede smitte, hverken til vores landsholdsspillere og trænere eller til andre omkring holdet og i samfundet omkring os. Aflysningerne er den eneste rigtige og ansvarlige beslutning,” siger Kenneth Reeh.

DBU har allerede meddelt billetkøbere til venskabskampen mod Færøerne, at de får pengene tilbage og bliver kontaktet direkte.

Det engelske fodboldforbund, FA, har meldt ud, at de refunderer billetterne til den aflyste kamp mellem England og Danmark på Wembley.

Kelda: DBU

​SáH

Vísandi til almennu tilráðingarnar og áheitan frá Flogbóltssambandi Føroya steðgar Mjølnir øllum virksemi felagsins.

Hetta merkir, at hvørki venjingar ella dystir verða komandi dagarnar, og er tað galdandi fyri allar deildir. Steðgurin verður fyribils í 14 dagar, tvs. frá 12. – 26. mars. Enn ber ikki til at siga, hvør støðan verður tá, tí tað veldst um tilráðingarnar frá avvarðandi myndugleikum.

Verða broytingar, verður hetta kunnað sum skjótast.

Við flogbóltskvøðu

Mjølnir

Til øll feløgini!
Flogbóltssamband Føroya hevur ráðført seg við ÍSF og heilsumyndugleikarnar.
 
Niðurstøðan er, at kappingin í Kollfirði í morgin leygardagin og sunnudagin verður avlýst.
 
Heitt verður á feløgini at bera hesi boðini víðari sum skjótast til venjarar og leikarar.
 
Vinaliga
 
FBF

Í gjár gjørdist greitt, at Rógvi Joensen og Einar Thorsteinsson verða partur av Betri-hópinum hjá TB.

Rógvi Joensen er einki óskrivað blað í føroyskum fótbólti. Við 208 dystum og 38 málum fyri besta liðið hjá TB, er 26-ára gamli miðvallarin ein hin royndasti spælarin á liðnum. Rógvi er kendur fyri altíð at kempa til síðsta blóðsdropa og eins og hann hevur skorað eina rúgvu av málum, so hevur hann eisini lagt upp til sera nógv mál. Rógvi hevur sera gott ”yvirblikk” á vøllinum og hansara stóra rutina ger, at hann er ein fongur fyri eitthvørt lið – tíbetur fyri okkum, so er tað her á Tvøroyri, hann hevur valt at spæla.

Nýggjasta ískoytið til liðið, er ungi vágbingurin Einar Thorsteinsson. Einar hevur sína fótbóltsuppaling í Vági, hjá FC Suðuroy og royndi seg í tvey ár á næstbesta liðnum hjá TB/FCS/Royn, áðrenn hann í fjør skifti til TB og spældi við næstbesta liðnum her. Einar stendur eisini noteraður fyri ein dyst í bestu deildini, við TB, í 2019. 19 ára gamli Einar hevur tikið seg ótrúliga nógv fram seinastu tíðina, so nógv, at venjari okkara hevur gjørt av, at hann hevur tørv á álopskenda miðvallaranum í besta hópinum. Einar er ein sera skjótur leikari, ið veit hvar málið stendur og vit vænta okkum nógv av honum.

​Vit ynskja Rógva og Einari bestu eydnu í siðbundnu, stríputu blusuni og vóna at tað fer at ganga teimum og TB væl í kappingarárinum 2020.

Kelda: TB

SáH

BETRI DEILDIN MENN
​
Starvsnevndin í FSF hevur efturmett avgerðina at spæla 1. umfar í Betri Deildini hjá monnum uttan áskoðarar, og hevur í staðin avgjørt, at allir dystirnir í 1. umfari verða útsettir til 15. mars

Fríggjakvøldið komu boð frá starvsnevndini í Fótbóltssambandi Føroya, at allir dystirnir í 1. umfari í Betri Deildini hjá monnum skuldi spælast uttan áskoðarar. Orsøkin er smittuvandin frá koronavirusinum.

Avgerðin varð tikin, eftir at heilsumyndugleikarnir fyrr um kvøldi komu við áheitan um, at øll almenn tiltøk, har fleiri enn 500 borgarar kunnu væntast at savnast, annaðhvørt eiga at verða útsett ella fyriskipað uttan áskoðarar.

Men nú hevur starvsnevndin eftirmett avgerðina, og er komin til ta niðurstøðu, at 1. umfar í Betri Deildini hjá monnum verður útsett til sunnudagin 15. mars. Hetta hevur samstundis við sær, at í fyrstu atløgu verða øll umførini flutt eina viku, til møguleiki verður fyri at fáa kappingina í rættlag aftur.

Hans Erik Danielsen

FSF