​Tað eru fýra nøvn. sum eru innstillaði til ársins ítróttarnavn 2018 og tey eru Signhild Joensen, svimjing, Torkil Veyhe, súkkling, Hávard Vatnhamar, paratriatlon og Vípan (Støkk) estetiskur fimleikur.

Innstillingarnar hava hesar grundgevingar:

Signhild Joensen:
– Fyri á EM í Glasgow í august 2018 at vera einans 38 hundraðpartar, ella éina plasering, frá hálvfinaluni í 200 metra ryggsvimjing

– Fyri sítt silvurheiðursmerki í 200 rygg á 8 Trofeo Citta di Milano í mars 2018

– Fyri sítt bronsuheiðursmerki í 200 rygg á 27e Meeting International de Saint-Dizier í oktober 2018

– Fyri síni 2 gull og 1 silvur í 50, 100 og 200 rygg í opnu kappingini á Bergen Swim Festival í apríl 2018

– Signhild svam seg í 2017 við 2:14.01 í 200 rygg undir B-kravtíðina hjá FINA á 2:14.30 til OL 2020 í Tokyo, og prógvaði aftur í 2018 at hon er ein hin frægasti kandidaturin hjá føroyingum til OL 2020, við 2:14.99 á Bergen Swim Festival 2018.

Torkil Veyhe:
– Tíðliga í fjør bleiv Torkil kosin sum mest álopssinnaði súkklarin í allari kappingini, tá seks daga kapingin Tour de Normandie endaði í Caen.

– Í juni fekk hann kanska sítt besta úrslit, tá hann gjørdist næstur um málstrikuna í fyrstu etapu av Ronde de l´Oise.

– Í 2018 skrivaði Torkil undir sáttmála við PRO kontinentalliðið Riwal-CeramicSpeed

Vípan:
– Estetiska unglingaliðið Vípan hjá Støkk megnaði í 2018 at gera seg galdandi á altjóða pallinum, tá tær gjørdust nr. 10 til HM í Estetiskum fimleiki, sum varð hildið í Budapest.

At gerast millum 10 tey bestu unglingaliðini í heiminum er ikki komið av sær sjálvum, tí hetta liðið hevur vant sera hart og miðvist saman síðani 2013, soleiðis at tær kunnu kappast við tey bestu úti í heimi.

– Estetiski fimleikurin kom á fyrsta sinni til Føroyar fyri knapt 15 árum síðani, og tað er at frøðast um, at vit nú eru komin hartil, at vit kunnu bjóða heimselituni av.

Hávard Vatnhamar:
– Hávard Vatnhamar hevur seinastu tvey árini arbeitt miðvíst fram ímóti einum paratriatlon startplássi á Paralympisku leikunum í Tokyo í 2020

– Hávard er seinasta árið klatraður uppá 16. pláss á heimsrankinglistanum fyri Paratriatlon íðkarar, eina løtu í 2018 var hann á 15. plássi.

– Besta úrslit hansara í 2018 var gerast nr. 2 í world cup kapping í Magog i Kanada, men Hávard var eisini nr. 1 í Fyn Duatlon world championships, og nr 2 í FM í triatlon (ikki paratriatlon).

– Hávard er ein stór fyrimynd fyri føroyska paraítrótt, bæði við sínum kappingarvilja og sínari jaligu og professionellu tilgongd til ítróttin.

Her tíðindaskriv frá Ítróttarsamband Føroya:
Fríggjadagin 1. februar 2019 kl. 16.00 skipar ÍSF fyri tiltaki í Smæruni at avdúka Ársins ÍtróttaNAVN 2018, Ársins ÍtróttaÁTAK 2018 og heiðurskjal Poul E. Petersen. Endamálið er at varpa ljós á tey, sum íðka, virka og skipa fyri í vanliga gerandisdegnum úti í ítróttafeløgunum.

Saman við heiðurskjali fáa hesi eisini eina peningaupphædd afturfyri síni avrik:

Atlantic Airways stuðlar Ársins ÍtróttaNAVN 2018 við kr. 10.000

Tórshavnar kommuna stuðlar Ársins ÍtróttaÁTAK 2018 við kr. 10.000

Klaksvíkar kommuna stuðlar viðkomandi, sum fær heiðursskjal Poul E. Petersen’s við kr. 10.000

Tiltakið er alment og øll eru hjartaliga vælkomin. Les meira her: https://isf.fo/isf-heidrar-itrottinum/

Leygardagin 1. juni 2019 rennur HKH Krúnprinsurin 10 km í Klaksvík. Hetta er í sambandi við Royal Run 2019, sum í ár verður skotið í gongd í Føroyum.

Í sambandi við 50 ára føðingardagin hjá Krúnprinsinum í mai 2018, rann Krúnprinsurin Royal Run saman við 70.000 luttakarum í fimm ymiskum býum í Danmark. Í ár verður startskotið til Royal Run renningina 2019 í Klaksvík. 

-Hetta er ómetaliga spennandi fyri allar Føroyar. Í Klaksvík eru vit sjálvsagt errin av, at tað er Klaksvíkar kommuna, sum saman við Treysti, fær møguleikan at samskipa Royal Run. Vit høvdu vitjan av Krúnprinsfamiljuni seinasta summar, men høvdu ikki ímyndað okkum, at Krúnprinsurin fór at vera so skjótur aftur, sigur Jógvan Skorheim, borgarstjóri, sum tó leggur aftrat, at hann undir veitsludøgurðanum í Spinnarínum spurdi, um tað ikki var ein møguleiki, at hava Royal Run í Klaksvík.   

-Góða móttøkan uttanfyri Norðoya Sparikassa, har føroyskir rennarar frá Royal Run 2018 tóku ímóti Krúnprinsafamiljuni, hevur kanska eisini havt sína ávirkan, at Klaksvík varð valt sum staðið, har renningin skuldi vera, sigur Jógvan Skorheim, borgarstjóri.  

Royal Run er ikki ein kapping um bestu tíðina, tí møguleiki er bæði at ganga og at renna. Tí er talan um eitt tiltak fyri øll, óansæð um mann er royndur rennari ella um mann bara ynskir at ganga eina enska míl, sum svarar til 1,6 km. Sostatt kunnu fólk í øllum aldri, familjur við barnavognum og fólk í koyristóli ella líknandi eisini luttaka saman við Krúnprinsinum.

-Okkara luttøka í Royal Run skal eggja øllum til at røra seg, sigur Guttorm Sørensen, næstformaður í Treysti. Hetta er eitt fantastiskt tiltak, sum eisini hevur til endamál at savna føroyingar. Vit eru mong, sum minnast Tunnilsrenningina í 2006, tá 3.200 luttakarar fóru ígjøgnum Norðoyatunnilin. Tað varð ein hátíðarløta, sum vit vóna at endurskapa við Royal Run, sigur Guttorm Sørensen.  

Royal Run verður í Danmark 10. juni 2019, og tekur átakið støðið í hugsjónini “Bevæg dig for livet”, sum er eitt samstarv millum donsk ítróttarfeløg, har endamálið er, at 75% av íbúgvunum skulu verða virkin. Hesum máli vilja vit eisini arbeiða fram ímóti, og metir Guttorm Sørensen, at Royal Run avgjørt kann birta undir, at fleiri fara at røra seg.

Meira kunning um Royal Run í Klaksvík 1. juni er at finna á facebook leinkjuni her.

Tilmelding á royalrun.dk

Tað loysir seg at gera nakað við venjingina og tað kann Signhild Joensen staðfesta, tí í dag fekk hon mest frá úrvalsstuðlinum, sum bleiv latin í dag í ÍSF húsinum

Signhild Joensen frá Ægir fekk 189.000,00 kr. og ein annar svimjari úr Ægir fekk eisini pengar frá Úrvali og tað var Rókur Trygvason og hann fekk 59.000,00 kr.

Hesa hava eisini klára seg einastandani í 2018, so tað er fult uppiborið og nú kunnu tey satsa enn meira uppá svimjingina í 2019.

Tað var Rigmor Dam, landsstýriskvinna sum býtti pengarnar út og hesu fingu pengar:

Svimjing:
Signhild Joensen Bólkur 2 189.000,00 kr.
Óli Mortensen Bólkur 2 163.367,00 kr.
Alvi Hjelm Bólkur 2 140.386,00 kr.
Vár E. Eidesgaard Bólkur 2 124.000,00 kr.
Rókur Trygvason Bólkur 2 59.000,00 kr.
15 úrvlssvimjarar Bólkur 3 50.000,00 kr.

Fimleikur
Astrið Nanly Breckmann Bólkur 3 50.000,00 kr.
Rebekka Ingadóttir Rein Bólkur 3 50.000,00 kr.

Frælsur ítróttur
Kastarakvinnur Bólkur 3 50.000,00 kr.
Tórur Mortensen Bólkur 2 136.000,00 kr.

Súkkling
Torkil Weyhe Bólkur 2 117.000,00 kr.

Trialhlon
Hávard Vatnhamar Bólkur 2 156.000,00 kr.

Aðalmálini hjá Úrvali eru m.a. at:
– støðið í allari føroyskari úrvalsítrótt alsamt hækkar,
– menna og stuðla serliga evnaríkum og ágrýtnum ítróttarfólkum, sum kunnu gerast úrvalsítróttafólk,
– gera tað møguligt hjá úrvalsítróttafólki at sameina ítrótt, útbúgving og arbeiði.

Hetta er sætta árið, Úrval letur stuðul. Í ár verður íalt latið 1.284.753 mió. kr. í stuðli.

​SáH

Hvat hendir í KÍ fyri tíðina? Nú kann eg skjótt ikki fylgja við meira, hvør rýmur frá okkara stolta felagið.

Her nøkur nøvn og eg rokni við, at eg havi gloymt fleiri, Ronni Møller Ivertsen, Pedrag Pocuca, Páll Klettskarð, Hørður Askham, Henry Heinesen, hjálparvenjarin Jákup Mikkelsen og nú stóra stjørnan á liðnum Semir Hadzibulic.

Tað lovar ikki gott fyri kappingarárið 2019. Her farvæl orðini hjá Semir Hadzibuliz og tey eru rørandi:

It is hard to find words that i could explain my feelings right now, because this day has come when i have to say goodbye to the best supporters in the World, to the most honest people in my football career. With tears in my eyes i am leaving this club and team. Thanks for this 3 beautiful years and seasons. I met great people in Faroe Islands. Again thank you for the best 3 seasons

SáH
​