Í gjár var Signhild V. Johannesen, varaborgarstjóri vertur fyri vitjan av japansku sendistovuni í Keypmannahavn.
Áhugin fyri vinarbýarsamstarvinum millum Klaksvík og Taiji tykist hava lagt lunnar undir eitt gott samstarv millum londini bæði, Føroyar og Japan. Herfyri var landsstýrismaðurin í Uttanríkis- og vinnumálum í Klaksvík við gávu úr Japan, og í gjár vóru tað umboð fyri japansku sendistovuna í Keypmannahavn, sum saman við Sigmundi Ísfeld, sendimanni á føroysku sendistovuni í Keypmannahavn, sum vitjaðu í Klaksvík.
Signhild V. Johannesen, varaborgarstjóri tók ímóti teimum báðum, Yoshifumi Sasatani og Tokuro Ambe, umframt Sigmundi Ísfeld og Elisabeth Reinert Djurhuus frá Uttanríkistænastuni.
Í Klaksvík vitjaðu tey fyrst á skrivstovuni hjá Christian í Grótinum í Norðhavnini, har Pól Huus Sólstein, stjóri í sølefelagnum North Pelagic greiddi frá, og síðan vitjaðu tey á Kósini hjá JFK, har Hanus Hansen, stjóri tók ímóti saman við Jógvan Hansen og Markus Tummas á Gravarbø.
Eftir hetta vórðu gestirnir bodnir til miðmála í Býráðshúsinum, har teir fingu ymiskt gott úr nærumhvørvinum og sjónum, og harumframt nýtti varaborgarstjórin høvið at vísa gestunum japansku knívarnar, sum herfyri komu sum gáva við landsstýrismanninum, og sum nú prýða skrivstovnua hjá borgarstjóranum saman við eitt nú Klaksvíksfarinum eftir Edward Fuglø.
Ein av orsøkunum til, at Klaksvíkar Býráð einmælt samtykti at játta umbønini um vinarbýarsamstarv við Taiji var vónin og væntanin um, at eitt slíkt samband kann fremja møguleikarnar fyri góðum vinnuligum samstarvi millum føroyska og japanska fiskamarknaðin, og higartil tykist hetta eydnast avbera væl. Eitt nú eru londini so smátt farin undir samráðingar um fríhandilsavtalu, og í hesum sambandi hevur vinnumálaráðharrin greitt frá, at sambandið millum Klaksvík og Taiji hevur havt stóran týdning fyri jaligu tilgongdina.
Kelda: Klaksvik.fo
SáH
Áhugin fyri vinarbýarsamstarvinum millum Klaksvík og Taiji tykist hava lagt lunnar undir eitt gott samstarv millum londini bæði, Føroyar og Japan. Herfyri var landsstýrismaðurin í Uttanríkis- og vinnumálum í Klaksvík við gávu úr Japan, og í gjár vóru tað umboð fyri japansku sendistovuna í Keypmannahavn, sum saman við Sigmundi Ísfeld, sendimanni á føroysku sendistovuni í Keypmannahavn, sum vitjaðu í Klaksvík.
Signhild V. Johannesen, varaborgarstjóri tók ímóti teimum báðum, Yoshifumi Sasatani og Tokuro Ambe, umframt Sigmundi Ísfeld og Elisabeth Reinert Djurhuus frá Uttanríkistænastuni.
Í Klaksvík vitjaðu tey fyrst á skrivstovuni hjá Christian í Grótinum í Norðhavnini, har Pól Huus Sólstein, stjóri í sølefelagnum North Pelagic greiddi frá, og síðan vitjaðu tey á Kósini hjá JFK, har Hanus Hansen, stjóri tók ímóti saman við Jógvan Hansen og Markus Tummas á Gravarbø.
Eftir hetta vórðu gestirnir bodnir til miðmála í Býráðshúsinum, har teir fingu ymiskt gott úr nærumhvørvinum og sjónum, og harumframt nýtti varaborgarstjórin høvið at vísa gestunum japansku knívarnar, sum herfyri komu sum gáva við landsstýrismanninum, og sum nú prýða skrivstovnua hjá borgarstjóranum saman við eitt nú Klaksvíksfarinum eftir Edward Fuglø.
Ein av orsøkunum til, at Klaksvíkar Býráð einmælt samtykti at játta umbønini um vinarbýarsamstarv við Taiji var vónin og væntanin um, at eitt slíkt samband kann fremja møguleikarnar fyri góðum vinnuligum samstarvi millum føroyska og japanska fiskamarknaðin, og higartil tykist hetta eydnast avbera væl. Eitt nú eru londini so smátt farin undir samráðingar um fríhandilsavtalu, og í hesum sambandi hevur vinnumálaráðharrin greitt frá, at sambandið millum Klaksvík og Taiji hevur havt stóran týdning fyri jaligu tilgongdina.
Kelda: Klaksvik.fo
SáH
RSS Feed
