So er tað í morgun, at leiðin hjá tær burdi fari verið á einari Uppisølu, sum byrjar nú Kl. 10.00 í bygninginum hjá Ansni Trygdarfelag Sp/f, Hoyvíksvegur 61, FO-100 Tórshavn - tí talan er um sølu av speedbáti hjá Sea Shepherd, sum seldur verður.

Meiri um Uppisøluna HER

Og mann ikki, at hesin bátur hevði verið allertiders, at tikið við, at rikið grind við ..? Annars verða fleiri aðrir bátar og ting seld á Uppisøluni og ein kann gera eitt ordans kvetti við at møta upp í morgun - men minst til at taka pening við ella eina bankatrygd, tí tey á Uppisøluni hava boða frá, at teir einans taka ímóti kontantum.

JáH (y) 28.10.2017

Mín favoritt gysari er uttan iva - filmurin frá ár 1973 The Exorcist, sum er um eina lítla gentu, har fanin sjálvur hevur yvirtikið hennara kropp og sinn.

Kenda heimasíðan Rottentomatoes hevur gjørt ein Topp 100 lista yvir teir mest GYSELIGU filmarnir, sum gjørdu eru. Sjá listan HER

Nú Halloween er hetta vikuskiftið, so hevði tað kanska verið eitt hugskot, at fari at hugt eftir einum ordiligum gysara ... er tað nakar filmur, sum tit vilja "anbefala" okkum á Norðoya Portali ..?

JáH (y) 27.10.2017 

Málningurin hjá Leonardo da Vinci, sum verður kallaður Salvador Mundi, ið merkir Frelsarin av Verðini - verður ivaleyst seldur fyri yvir 700 milliónir krónir hjá auktionshúsinum Christies og eisini listaverki hjá Andy Warhol roknast við at fáa nógvan pening burturúr.

Listaverki hjá Warhol, sum eitur 60 Seinastu Kvøldmáltíðirnar verður roknaður at vera seldur fyri yvir 300 milliónir krónir.

So alt í alt, so verða tveir málningar hjá Christies seldir fyri yvir eina milliard krónir. So hvør segði tað, at tað ikki skal loysa seg at mála eitt sindur uppá eitt lørift ..?

JáH (y) 25.10.2017 

Open Access er beinleiðis, netborin og ókeypis atgongd til granskingarúrslit.

Ótarnað atgongd til granskingarúrslit er møgulig við netbornu tíðarritunum og skjótu leitimøguleikunum á netinum. Hesin marknaður ger tað møguligt at útgeva greinar til ein stóran brúkaraskara og at nýta í frálæru, gransking og til almennan kunnleika hjá borgarum.

Open Access verður í alsamt størri mun sett sum krav, tá talan er um gransking við almennum stuðli. Mett verður, at tað, sum er fíggjað við almennum játtanum, skal verða øllum at gagni.

Les meira HER

JáH (y) 25.10.2017
Kelda: Gransking.fo

Mentamálaráðið hevur nú viðgjørt umsóknirnar, sum komu inn til eyka stuðulsumfarið til barna- og ungdómsarbeiði.

Lýst varð serliga eftir umsóknum til verkætlanir, sum kundu stimbra málmenningina hjá børnum, tí hetta er eitt øki, landsstýriskvinnan í Mentamálum, Rigmor Dam, raðfestir høgt.

Fjúrtan umsóknir komu inn - og sjey teirra fingu játtandi svar. Tilsamans vórðu 597.500 kr. býttar út í hesum umfarinum.

Hóast allar verkætlanirnar onkursvegna stimbra málmenningina hjá børnum, so fevna tær sera víða – alt frá eini uppslagsbók um málmenning hjá børnum ætlað foreldrum, til faldarar, sum lýsa týdningin, ið lesing hevur fyri málmenning barnanna, til smáar filmar á youtube, til verkætlanir, sum í størri mun venda sær til starvsfólk á dagstovnum ella børn í yngstu flokkunum.

Eisini vóru onkrar umsóknir játtaðar, sum snúgva seg um alternativar samskiftishættir – til dømis hjá børnum við breki.

Verkætlanirnar, sum fingu stuðul í hesum umfarinum, verða væntandi allar klárar til nýtslu í 2018.

JáH (y) 24.10.2017
Kelda: Mentamálaráðið

Stórfilmurin hjá hjá Sakaris Storá gongur í nú biografinum hjá Atlantis Bio í Klaksvík og í farna vikuskiftið hava fleiri hugt eftir filminum.

Les ummæli av filminum HER

Dreymar við havið er ein inniligur ungdómsfilmur um vinarlag og leitanina eftir egnum samleika.

Keyp atgongumerki til filmin HER

JáH (y) 23.10.2017

​Nú er klárt hjá privatum tíðindamiðlum at søkja um miðlastuðul fyri 2017.

Á fíggjarlógini eru í ár settar tvær milliónir krónur av, sum privatir tíðindamiðlar kunnu søkja um.

Ætlanin við miðlastuðlinum er at hækka dygdina av journalistiska arbeiðinum og at tryggja eitt fjøltáttað útboð av tíðindamiðlum.

Stuðulin er ætlaður prentaðum tíðindamiðlum, loftbornum tíðindamiðlum og skrivaðum tíðindanetmiðlum.

- Eingin spinnir gull av at framleiða journalistikk. Men dygdargóður journalistikkur er alneyðugur fyri fólkaræðið, og hann kostar. Óteljandi uppskot hava verið skrivað, viðgjørd og súltað. Tí er tað gleðiligt, at bæði andstøða og samgonga luttóku í lógarsmíðinum, og at allir flokkar tóku undir við uppskotinum, segði Rigmor Dam, landsstýriskvinna, tá uppskotið varð samtykt fyrr í vár.

Treytirnar fyri at fáa miðlastuðul eru:

• at miðilin er sjálvstøðugur við einum ábyrgdarhavandi redaktøri.
• At miðilin, umframt redaktørin, í minsta lagi hevur tilsamans tvey redaktionel ársverk.
• At miðilin í sínum redaktionella tilfari vendir sær til ein breiðan skara av brúkarum og ikki bert til ávísar bólkar í samfelagnum.
• Miðilin skal hava eitt redaktionelt innihald innan eitt breitt evnisøki, og talan skal í høvuðsheitum vera um viðgerð av aktuellum tíðindatilfari av politiskum, samfelagsligum og mentanarligum slagi, sum er lagað til fólkið í Føroyum og sum hevur eitt føroyskt sjónarhorn.
• Fyri prentaðar miðlar er tað ein treyt, at teir koma út minst einaferð um vikuna. Fyri netmiðlar og loftmiðlar er tað ein treyt, at teir dagliga hava ein javnan og dagførdan tíðindastreym.

Freistin at søkja um miðlastuðul fyri 2017 er sett at vera fýra vikur, og umsóknir skulu tí vera Mentamálaráðnum í hendi innan fríggjadagin 17. november á midnátt.

Allar umsóknir eiga at verða skrivaðar á serstakt umsóknarblað, sum kann takast niður her.
Eisni ber til at venda sær til Mentamálaráðið tlf 306500, e-postur: [email protected]

Kelda: Mentmálaráðið