Undirritaði varð boðin við at hyggja eftir filminum hjá Sakaris Stórá, sum hevði frumframsýning í Norðurlandahúsinum fyri nøkrum døgum síðani. 

Og sjálvandi skal eg eisini umrøða filmin, sum vit føroyingar hava bíða við spenningi eftir.

Filminum sum er 1 tíma og 20 minuttir til longdar og viðgerð evnir, sum vit mangan hava ilt við at tosað um. Hann snýr seg í grundini um eina regliøsa familju og eina minni regliøsa familju, har vit síggja tvey fólk knýta saman vinarbond.

Hetta er ein filmur, sum er meistarliga samansettur við fáum orðum og ein varnast ikki fyrr enn filmurin er liðugur. Tí evnini alkoholisma og trúgv er ein cocktail av evnum, sum ein sjálvdan verður troyttur at hoyra um. Har er sjálvandi eisini vakrar myndir úr Sandoynni, sum ein býtir merki við - men tíbetur stjelur hetta ikki fokus av filminum - tí søgan í sær sjálvum er berandi ígjøgnum allan filmin.

​Sjálvt um ikki so nógvir dialogir er ígjøgnum filmin og mangan tøgn er, so sigur hetta nógv fyri ein, sum hyggur eftir hesum. Orð nýtast ikki altíð vera har, fyri tað um onkur hevur okkurt at siga. Og hetta dugir Harra Stórá sera væl at fáa framm í myndum. Um eg skuldi koma við eitt sindur av kritikki, so haldi eg ikki, at eg altíð hoyrdi so væl hvat sjónleikarnir søgdu í filminum - men hetta kemst so kanska eisini av, at ein er vanur við at lesa tekst við filmi, tá ið ein gongur í biograft og hyggur eftir útlendskum filmum.

Alt í alt, so varð hetta ein avbera góður filmur, sum lýsti eina søgu av tveimum vinkonur, hvat teirra lív hevði at innibera og hvat í ein maður úr Skopun megnar at gera, um hann bert fær loyvið at folda út síni talentir via eitt kamera. 

Við hesum filmi, so hava Sakaris Stóra og Igun í Skrivarastovu sett hol á føroyska filmslist og vónandi vera tað so fleiri um boðið, har vit í Føroyum kunna gleðast yvir føroyska filmsframleiðslu, sum saknur hevur verið í. Filmar kunna í stóran mun seta Føroyar á heimskorti og gera sítt til, at kreativ fólk vinna sær pening til nakað, sum allur heimurin kann vinna sær gleði av. 

So takk fyri, tit - fyri eina avbera góða løtu í Norðurlandahúsinum og góðan byr framyvir. Vónandi fara øll fólk úr Føroyum at hyggja eftir hesum filmi og sjálvandi eisini siga sína hugsan um filmin.

Keyp atgongumerkir til filmin á www.bio.fo

JáH (y) 10.09.2017

Klaksvíkar bókasavn hevur nú 65 ár á baki, og hetta verður hátíðarhildið hesa vikuna.

Í gjár, 3. september, vóru 65 ár síðani Klaksvík bókasavn var sett á stovn. John Reid Bjartalíð var undangongumaður at seta bókasavn á stovn, og starvaðist hann eisini á bókasavninum í mong ár.

Fyrstu tíðina húsaðist bókasavnið í leigaðum hølum úti í Búðunum, har KFUM og K hevði hildið til. Síðani hevur bókasavnið húsast í øðrum leigaðum hølum, men í 1977 flutti bókasavnið undir egna lon á Biskupstøð, har bókasavnið er í dag.

Í sambandi við 65-ára dagin eru øll vælkomin til kaffi við onkrum góðum afturvið í dag, mánadagin 4. september. Harafturat er ein framsýning sett upp við søguni um bókasavnið, og hon verður at síggja alla vikuna.

Kelda: www.klaksvik.fo

​SáH