Havnar Bio hevur tikið avgerð um at taka filmin Spermageddon av skrá eftir, at vit saman við einum minni bólki av fakfólkum, ið arbeiða innan sexuala undirvísing í føroysku fólkaskúlunum, hava hugt eftir filminum.
Av tí at hesin filmurin hevur vakt so nógvan ans, hevur Havnar Bio, saman við einum minni bólki av fakfólkum innan sexualundirvísing í skúlum, havt eina privata undansýning, har vit hugdu eftir filminum og fingu tosað um innihaldið eftirfylgjandi. Úrslitið av sýningini og okkara prát er, at filmurin ikki bert inniheldur ósamsvarandi upplýsingar, men eisini kann viðvirka til at skapa fleiri mytur um sex heldur enn at geva fakliga haldgóða kunning.
Eitt av dømunum kann verða super sáðkyknan, ið bæði dugir at skera hol á hítina umframt at gera av við aðrar sáðkyknur, alt fyri at vinna kappingina um at koma fyrst fram til eggið. Eitt annað dømi er, at allar sáðkyknurnar eru intelligentar og duga at svimja undan tí sáðdrepandi kreminum, sum gentan í filminum nýtir sum fyribyrging.
Filmurin tekur eisini lætt um evnið sum ung og rúsdrekka. Pápin hjá unga dreinginum, uttan at hugsa um tað, gevur honum skeiva posan, ið er fyltur við alkohol ístaðin fyri energidrykkjum og sodavatn til vikuskiftistúr í fjallahúttuni. Hetta hevur við sær, at teir seks ungdómarnir sita einsamøll í húttuni við nokk av rúsdrekka fyrstu ferð, tey smakka sær á.
Við hesum í huga hevur Havnar Bio valt at taka filmin av skránni.
𝐇𝐚𝐯𝐧𝐚𝐫 𝐁𝐢𝐨 𝐬𝐞𝐭𝐮𝐫 𝐢𝐤𝐤𝐢 𝐚𝐥𝐝𝐮𝐫𝐬𝐦𝐚𝐫𝐤 𝐚́ 𝐟𝐢𝐥𝐦𝐚𝐫
Fleiri hava í sambandi við henda filmin vent sær til Havnar Bio og verið sera ørkymlað um lága aldursmarkið á filminum.
Til hetta er at siga, at tað ikki er Havnar Bio, ið ásetur aldursmark á filmar, sum verða vístir í Føroyum. Fyrr var tað eitt filmseftirlit, men hetta bleiv niðurlagt í 2007, og vit fingu eitt miðlaráð, sum hevur til ábyrgd at seta aldursmark á filmar. Tað er landsstýrismaðurin, ið setur fólk í miðlaráðið, men ráðið hevur ikki verið mannað síðan 2011.
Lógin sigur víðari, at um miðlaráðið ikki hevur ásett nakað aldursmark, so er sama aldursmark sum í okkara skandinavisku grannalondum galdandi í Føroyum. Eru ymisk aldursmørk, skal aldursmarkið verða tað sama sum har, filmurin verður innfluttur frá – tvs. í hesum førum Danmark, sum hevur sett aldursmarkið til 7 ár.
Tað kann ongantíð verða Havnar Bio, ið ásetur aldursmark á filmar. Eingin av okkum hevur myndugleika, røttu útbúgvingina ella førleikan at meta um, hvat aldursmark skal verða á teimum filmum, sum verða vístir í Føroyum. Um hetta skal broytast, so má tað verða ein politisk avgerð, og ikki eitt ábyrdarøki hjá Havnar Bio.
Fyri nærri viðmerkingar, vinarliga setið tykkum í samband við Havnar Bio á [email protected]
Havnar Bio
Av tí at hesin filmurin hevur vakt so nógvan ans, hevur Havnar Bio, saman við einum minni bólki av fakfólkum innan sexualundirvísing í skúlum, havt eina privata undansýning, har vit hugdu eftir filminum og fingu tosað um innihaldið eftirfylgjandi. Úrslitið av sýningini og okkara prát er, at filmurin ikki bert inniheldur ósamsvarandi upplýsingar, men eisini kann viðvirka til at skapa fleiri mytur um sex heldur enn at geva fakliga haldgóða kunning.
Eitt av dømunum kann verða super sáðkyknan, ið bæði dugir at skera hol á hítina umframt at gera av við aðrar sáðkyknur, alt fyri at vinna kappingina um at koma fyrst fram til eggið. Eitt annað dømi er, at allar sáðkyknurnar eru intelligentar og duga at svimja undan tí sáðdrepandi kreminum, sum gentan í filminum nýtir sum fyribyrging.
Filmurin tekur eisini lætt um evnið sum ung og rúsdrekka. Pápin hjá unga dreinginum, uttan at hugsa um tað, gevur honum skeiva posan, ið er fyltur við alkohol ístaðin fyri energidrykkjum og sodavatn til vikuskiftistúr í fjallahúttuni. Hetta hevur við sær, at teir seks ungdómarnir sita einsamøll í húttuni við nokk av rúsdrekka fyrstu ferð, tey smakka sær á.
Við hesum í huga hevur Havnar Bio valt at taka filmin av skránni.
𝐇𝐚𝐯𝐧𝐚𝐫 𝐁𝐢𝐨 𝐬𝐞𝐭𝐮𝐫 𝐢𝐤𝐤𝐢 𝐚𝐥𝐝𝐮𝐫𝐬𝐦𝐚𝐫𝐤 𝐚́ 𝐟𝐢𝐥𝐦𝐚𝐫
Fleiri hava í sambandi við henda filmin vent sær til Havnar Bio og verið sera ørkymlað um lága aldursmarkið á filminum.
Til hetta er at siga, at tað ikki er Havnar Bio, ið ásetur aldursmark á filmar, sum verða vístir í Føroyum. Fyrr var tað eitt filmseftirlit, men hetta bleiv niðurlagt í 2007, og vit fingu eitt miðlaráð, sum hevur til ábyrgd at seta aldursmark á filmar. Tað er landsstýrismaðurin, ið setur fólk í miðlaráðið, men ráðið hevur ikki verið mannað síðan 2011.
Lógin sigur víðari, at um miðlaráðið ikki hevur ásett nakað aldursmark, so er sama aldursmark sum í okkara skandinavisku grannalondum galdandi í Føroyum. Eru ymisk aldursmørk, skal aldursmarkið verða tað sama sum har, filmurin verður innfluttur frá – tvs. í hesum førum Danmark, sum hevur sett aldursmarkið til 7 ár.
Tað kann ongantíð verða Havnar Bio, ið ásetur aldursmark á filmar. Eingin av okkum hevur myndugleika, røttu útbúgvingina ella førleikan at meta um, hvat aldursmark skal verða á teimum filmum, sum verða vístir í Føroyum. Um hetta skal broytast, so má tað verða ein politisk avgerð, og ikki eitt ábyrdarøki hjá Havnar Bio.
Fyri nærri viðmerkingar, vinarliga setið tykkum í samband við Havnar Bio á [email protected]
Havnar Bio
RSS Feed
