Røðan, sum Forkvinnan í løgtingsins Rættarnevnd Elsebeth Mercedis Gunnleygsdóttur helt, tá ið Viðareiðistunnilin bleiv skotin ígjøgnum 15. juli 2015.
Góðan dag góðu viðingar, norðoyingar og allir føroyingar annars - og tit sum eru komin her í dag til hesa hátíðarløtu, nú hesin dreymurin um tunnil til Viðareiðis gerst veruleiki.
Hetta er av sonnum ein hátíðardagur, ein hátíðarferð serliga fyri viðingar, norðoyingar og onnur, sum nýta hesa farleið, at vit nú loksins fáa hart tiltrongda Viðareiðistunnilin.
Eftir tógvið stríð og tol í mong ár, er nú komið hartil, at vit um lítla løtu fara at skjóta seinasta skotið til eina nýggja trygga farleið til Viðareiðis. Tað verður skjótt veruleiki, at ferðandi nú um stutta tíð kunnu ferðast trygt og vandaleyst millum Hvannasund og Viðareiði.
Tunnil einasta rætta
Tað var ein røtt avgerð, sum bleiv tikin at gera tunnil til Viðareiðis, heldur enn at pjøssa uppá verandi veg. At gera tunnil er besta loysnin í allar mátar.
Foreldur kunnu skjótt óttaleys senda síni børn - og sín ungdóm avstað í skúlabussi og bili - sjálvt í ringum koyrilíkindum. Nú skulu tey venja seg við ikki at skula hugsa um omanlop og skalvalop á vegnum.
Tunnil er eisini best fyri alla vinnu, t.d. smoltstøðina her Inni í Dølum, sum er við til at framleiða fyri hundraðtals milliónir krónur árliga.
Viðareiði hevur møguleikar
Viðareiði er søgulig bygd, og náttúruvakurt pláss við Villingadalsfjalli, Ennibergi og Malinsfjalli. Viðareiði er so nógv annað eisini. Vit kunnu bara nevna prestagarðin í Ónagerði, kirkjuna og helluna. Hetta eru støð sum blíva nógv vitjaði og sum avgjørt eru verd at vitja. Eisini eru lagaðu grótgarðarnir Uppi við Garð verdir at síggja. Teir bera boð um eitt virkið og arbeiðssamt fólk og standa sum varðar og minnir um eina farna tíð.
Viðareiði var høvuðsplássið í Norðoyggjum í gomlum døgum. Onnur krøv verða sett í dag, og eitt gott og trygt ferðasamband kann fáa bygdina í fremstu røð aftur.
So framskygdir sum viðingar eru, so fara teir undir at gera eina náttúrulund fyrsta dagin. Hetta skapar trivna og eisini møguleikar í ferðavinnuni, sum er ein vaksandi vinna í dag.
Gera Føroyar størri
Vit skulu vaksa um landið, og tað gera vit m.a. við at binda landið so gott og trygt saman sum til ber. Føroyar eru allar Føroyar - úr Hattarvík vestur til Mykines- og úr Akrabergi norð til Viðareiðis. Samferðslan er til allar føroyingar at brúka, og Viðareiðistunnilin er eisini til øll.
Í dag setur ongin spurnartekin við teir tunlar, sum eru gjørdir. Gjøldur verður ikki longur gjørt burtur úr tunlum. Teir eru ikki longur óðamannaverk, men ein sjálvfylgja. Ongin ynskir
seg aftur til tíðina tá Sam sigldi um Vestmannasund - Ternan um Leirvíksfjørð og - Immanuel sigldi um Múlan.
Vit, sum liva í dag kunnu bara fegnast um, at tað hava verið eldsálir runt landið, sum hava kempað fyri samferðsluni. Uttan hesar var landið ikki so væl samanbundið, sum vit síggja í dag. Vit eiga tó ikki at steðga her og hvíla á laurberbløðunum. Vit eiga at arbeiða skjótt fram ímóti nútímans tunlum Norður um Fjall - til hábærsliga og stórsligna økið norðanfyri - við nógvari vinnu og møguleikum fyri størri ferðavinnu.
Skulu vit tosa um menning innan ferðavinnuna, so slepst ikki undan nútímans tunlum. Vit fáa ikki fulla nyttu úr Viðareiðistunlinum fyrrenn nútímans tunlar eru gjørdir Norð um Fjall.
Tøkk til øll.
Øll sum hava viðvirka til hesa verkætlan eiga stóra tøkk uppiborna. Ein serlig tøkk til landstýrismannin í fíggjarmálum Jørgen Niclasen, sum eigur ein stóran heiður í, at henda verkætlan bleiv til veruleika.
Takk fyri øll somul - og eg ynski okkum øllum góða eydnu og Harrans signing við Viðareiðistunlinum.
Góðan dag góðu viðingar, norðoyingar og allir føroyingar annars - og tit sum eru komin her í dag til hesa hátíðarløtu, nú hesin dreymurin um tunnil til Viðareiðis gerst veruleiki.
Hetta er av sonnum ein hátíðardagur, ein hátíðarferð serliga fyri viðingar, norðoyingar og onnur, sum nýta hesa farleið, at vit nú loksins fáa hart tiltrongda Viðareiðistunnilin.
Eftir tógvið stríð og tol í mong ár, er nú komið hartil, at vit um lítla løtu fara at skjóta seinasta skotið til eina nýggja trygga farleið til Viðareiðis. Tað verður skjótt veruleiki, at ferðandi nú um stutta tíð kunnu ferðast trygt og vandaleyst millum Hvannasund og Viðareiði.
Tunnil einasta rætta
Tað var ein røtt avgerð, sum bleiv tikin at gera tunnil til Viðareiðis, heldur enn at pjøssa uppá verandi veg. At gera tunnil er besta loysnin í allar mátar.
Foreldur kunnu skjótt óttaleys senda síni børn - og sín ungdóm avstað í skúlabussi og bili - sjálvt í ringum koyrilíkindum. Nú skulu tey venja seg við ikki at skula hugsa um omanlop og skalvalop á vegnum.
Tunnil er eisini best fyri alla vinnu, t.d. smoltstøðina her Inni í Dølum, sum er við til at framleiða fyri hundraðtals milliónir krónur árliga.
Viðareiði hevur møguleikar
Viðareiði er søgulig bygd, og náttúruvakurt pláss við Villingadalsfjalli, Ennibergi og Malinsfjalli. Viðareiði er so nógv annað eisini. Vit kunnu bara nevna prestagarðin í Ónagerði, kirkjuna og helluna. Hetta eru støð sum blíva nógv vitjaði og sum avgjørt eru verd at vitja. Eisini eru lagaðu grótgarðarnir Uppi við Garð verdir at síggja. Teir bera boð um eitt virkið og arbeiðssamt fólk og standa sum varðar og minnir um eina farna tíð.
Viðareiði var høvuðsplássið í Norðoyggjum í gomlum døgum. Onnur krøv verða sett í dag, og eitt gott og trygt ferðasamband kann fáa bygdina í fremstu røð aftur.
So framskygdir sum viðingar eru, so fara teir undir at gera eina náttúrulund fyrsta dagin. Hetta skapar trivna og eisini møguleikar í ferðavinnuni, sum er ein vaksandi vinna í dag.
Gera Føroyar størri
Vit skulu vaksa um landið, og tað gera vit m.a. við at binda landið so gott og trygt saman sum til ber. Føroyar eru allar Føroyar - úr Hattarvík vestur til Mykines- og úr Akrabergi norð til Viðareiðis. Samferðslan er til allar føroyingar at brúka, og Viðareiðistunnilin er eisini til øll.
Í dag setur ongin spurnartekin við teir tunlar, sum eru gjørdir. Gjøldur verður ikki longur gjørt burtur úr tunlum. Teir eru ikki longur óðamannaverk, men ein sjálvfylgja. Ongin ynskir
seg aftur til tíðina tá Sam sigldi um Vestmannasund - Ternan um Leirvíksfjørð og - Immanuel sigldi um Múlan.
Vit, sum liva í dag kunnu bara fegnast um, at tað hava verið eldsálir runt landið, sum hava kempað fyri samferðsluni. Uttan hesar var landið ikki so væl samanbundið, sum vit síggja í dag. Vit eiga tó ikki at steðga her og hvíla á laurberbløðunum. Vit eiga at arbeiða skjótt fram ímóti nútímans tunlum Norður um Fjall - til hábærsliga og stórsligna økið norðanfyri - við nógvari vinnu og møguleikum fyri størri ferðavinnu.
Skulu vit tosa um menning innan ferðavinnuna, so slepst ikki undan nútímans tunlum. Vit fáa ikki fulla nyttu úr Viðareiðistunlinum fyrrenn nútímans tunlar eru gjørdir Norð um Fjall.
Tøkk til øll.
Øll sum hava viðvirka til hesa verkætlan eiga stóra tøkk uppiborna. Ein serlig tøkk til landstýrismannin í fíggjarmálum Jørgen Niclasen, sum eigur ein stóran heiður í, at henda verkætlan bleiv til veruleika.
Takk fyri øll somul - og eg ynski okkum øllum góða eydnu og Harrans signing við Viðareiðistunlinum.
RSS Feed
