Viðareiðisfarleið - tunnil og vegur

Lýsing
Endamálið við verkætlanini er at tryggja eina hóskandi farleið til Viðareiðis. Á verandi farleið eru trupulleikar við grót- og skriðulopum, umframt at stórur partur av vegnum er einbreytaður. Neyðugt er at dagføra og tryggja farleiðina til Viðareiðis. Arbeitt verður við einari tunnilsloysn, ið fevnir um ein umleið 1.950 m langan tunnil úr Hvannasundi til Middals. Í Hvannasundi verður nýggjur vegur til tunnilsmunnan gjørdur, eins og nýggjur vegur frá Middali til Viðareiðis verður gjørdur. Samlaða nýggja vegalongdin verður umleið fýra kilometrar.

Støðan
Mars 2014: Lisitatión var á Landsverki hósdagin 19. september 2013. Inn komu fýra tilboð. Av hesum hevði fyritøkan Articon lægsta boðið, sum var áljóðandi 174,9 mió. kr. Hini tilboðini, sum lógu hægri, vóru frá íslendska Ístak, MT Højgaard Føroyar og J&K Petersen. Samtakið Articon fekk arbeiðið, og síðani tá eru sparingar gjørdar, soleiðis at verkætlanin lýkur fíggjarkarmin í verklagslógini á 162 mió. krónur. Arbeiðstakarasáttmáli millum Landsverk og Samtakið Articon/LNS ÍF varð undirskrivaður á Viðareiði 19. februar. Sjálvt arbeiðið byrjar fyrst í juni. Sjálvt tunnilsarbeiðið byrjar í september 2014. Nýggja farleiðin verður tikin í nýtslu í 1. ársfjórðingi í 2017. 

Fakta
Arbeiðsánari: Innlendismálaráðið
Byggiharri: Landsverk
Byggiharraráðgevi: LBF
Tekniskur ráðgevi: LBF
Arbeiðstakari: Samtakið Articon
Tíðarætlan: Eftir ætlan byrjar arbeiðið í mai 2014  
Samlaður fíggjarkarmur: 162 mió. kr. 

JáH 13/03-14 (Kelda: Landsverk)

---