Kaj Leo Holm Johannesen, landsstýrismaður í heilsumálum, tók stig til at fara undir arbeiðið at endurskoða faldaran við tilboðum um endurvenjing og venjing innan Sjúkrahúsverkið, Almannaverkið og kommunur. Nýggi faldarin er liðugur og klárur at taka í nýtslu.
Eg vil takka arbeiðsbólkinum, sum er mannaður við umboðum úr heilsuøkinum, almannaøkinum og frá kommununum, fyri tykkara íkast til hetta arbeiðið. Eg eri sera fegin um, at vit hava gjørt hetta í felag, og tað er mín vón, at hesin faldari kann vera við til at tryggja, at borgarar fáa sama tilboð um endurvenjing, uttan mun til hvar í landinum teir búgva.
Kaj Leo Holm Johannesen, landsstýrismaður
Ein góð og smidlig yvirgongd millum almennu geirarnar, í hesum føri millum Sjúkrahúsverkið, Almannaverkið og kommunurnar, kann vera við til at fyribyrgja, at ein borgari missir endurvunnar førleikar.
Sólvit E. Nolsø, landsstýrismaður í almannamálum, fegnast um at hava fingið eitt endurskoða yvirlit yvir øll tilboð um endurvenjing og venjing.
Tá ið borgarar fáa endurvenjing og hava tørv á at flyta millum endurvenjingartilboð í almennu geirunum, er sera týdningarmikið, at endurvenjingin kann halda fram óbrotin í skiftinum millum geirarnar.
Sólvit E. Nolsø, landsstýrismaður
Fyri at tryggja, at tey, ið hava tørv á endurvenjing og avvarðandi heilsustarvsfólk teirra, eru nóg væl kunnaði um, hvørji tilboð eru kring landið, varð ein faldari gjørdur í 2017, við kunning um tilboð um endurvenjing innan Sjúkrahúsverkið, Almannaverkið og kommunur. Hesin faldarin er nú endurskoðaður og dagførdur.
Í faldaranum er kunning um, hvørji endurvenjingar- og venjingartilboð eru hjá ávíkavíst Sjúkrahúsverkinum, Almannaverkinum og hjá kommunum. Kunnað verður um, hvørji tilboð sjúklingurin hevur rætt til í sambandi við innlegging í Sjúkrahúsverkinum, og hvørji tilboð sjúklingurin kann ávísast til ambulant í Sjúkrahúsverkinum. Kunnað verður eisini um, hvørji tilboð viðvíkjandi bæði endurvenjing og viðlíkahaldsvenjing eru at fáa í Almannaverkinum, og hvørji tilboð til bæði endurvenjing, viðlíkahaldsvenjing og heilsufremjandi venjing eru hjá kommununum.
Heðin Mortensen Formaður í Kommunufelagnum fegnast eisini um at faldarin nú er dagførdur.
Tey 7 eldrasamstørvini og Heilsu- og umsorgarnartænastan í Tórshavnar kommunu veita endurvenjing, viðlíkahaldsvenjing og heilsufremjandi venjing til okkara eldru borgarar. Kunning um hesar tænastur eru sum oftast á heimasíðunum hjá eldraøkinum, men tað er eisini gott, at ein faldari í pappírs formi er til taks. Hesin gevur bæði borgara og starvsfólki eina greiða fatan av hvussu endurvenjingarøkið er skipað í Føroyum og hvussu ábyrgdarbýti er millum um ymsu geirarnar.
Heðin Mortensen, formaður í Kommunufelagnum
Faldarin verður til taks í kommunulæknaviðtalum kring landið og á øðrum stovnum og viðtalum, har mett verður, at tørvur er á at kunna um tilboð um endurvenjing og venjing. Faldarin er eisini tøkur á netinum, millum annað her.
Heilsumálaráðið
Eg vil takka arbeiðsbólkinum, sum er mannaður við umboðum úr heilsuøkinum, almannaøkinum og frá kommununum, fyri tykkara íkast til hetta arbeiðið. Eg eri sera fegin um, at vit hava gjørt hetta í felag, og tað er mín vón, at hesin faldari kann vera við til at tryggja, at borgarar fáa sama tilboð um endurvenjing, uttan mun til hvar í landinum teir búgva.
Kaj Leo Holm Johannesen, landsstýrismaður
Ein góð og smidlig yvirgongd millum almennu geirarnar, í hesum føri millum Sjúkrahúsverkið, Almannaverkið og kommunurnar, kann vera við til at fyribyrgja, at ein borgari missir endurvunnar førleikar.
Sólvit E. Nolsø, landsstýrismaður í almannamálum, fegnast um at hava fingið eitt endurskoða yvirlit yvir øll tilboð um endurvenjing og venjing.
Tá ið borgarar fáa endurvenjing og hava tørv á at flyta millum endurvenjingartilboð í almennu geirunum, er sera týdningarmikið, at endurvenjingin kann halda fram óbrotin í skiftinum millum geirarnar.
Sólvit E. Nolsø, landsstýrismaður
Fyri at tryggja, at tey, ið hava tørv á endurvenjing og avvarðandi heilsustarvsfólk teirra, eru nóg væl kunnaði um, hvørji tilboð eru kring landið, varð ein faldari gjørdur í 2017, við kunning um tilboð um endurvenjing innan Sjúkrahúsverkið, Almannaverkið og kommunur. Hesin faldarin er nú endurskoðaður og dagførdur.
Í faldaranum er kunning um, hvørji endurvenjingar- og venjingartilboð eru hjá ávíkavíst Sjúkrahúsverkinum, Almannaverkinum og hjá kommunum. Kunnað verður um, hvørji tilboð sjúklingurin hevur rætt til í sambandi við innlegging í Sjúkrahúsverkinum, og hvørji tilboð sjúklingurin kann ávísast til ambulant í Sjúkrahúsverkinum. Kunnað verður eisini um, hvørji tilboð viðvíkjandi bæði endurvenjing og viðlíkahaldsvenjing eru at fáa í Almannaverkinum, og hvørji tilboð til bæði endurvenjing, viðlíkahaldsvenjing og heilsufremjandi venjing eru hjá kommununum.
Heðin Mortensen Formaður í Kommunufelagnum fegnast eisini um at faldarin nú er dagførdur.
Tey 7 eldrasamstørvini og Heilsu- og umsorgarnartænastan í Tórshavnar kommunu veita endurvenjing, viðlíkahaldsvenjing og heilsufremjandi venjing til okkara eldru borgarar. Kunning um hesar tænastur eru sum oftast á heimasíðunum hjá eldraøkinum, men tað er eisini gott, at ein faldari í pappírs formi er til taks. Hesin gevur bæði borgara og starvsfólki eina greiða fatan av hvussu endurvenjingarøkið er skipað í Føroyum og hvussu ábyrgdarbýti er millum um ymsu geirarnar.
Heðin Mortensen, formaður í Kommunufelagnum
Faldarin verður til taks í kommunulæknaviðtalum kring landið og á øðrum stovnum og viðtalum, har mett verður, at tørvur er á at kunna um tilboð um endurvenjing og venjing. Faldarin er eisini tøkur á netinum, millum annað her.
Heilsumálaráðið
RSS Feed
