​Hvørji frítíðartilboð eru í kommununi?

Á heimasíðuni hjá Klaksvíkar kommunu eru 16 ítróttafeløg upplýst at vera í kommununi. Ein vifta av sera fjølbroyttum felagsskapum, sum í høvuðsheitinum verða rikin og ment av sjálvbodnum eldsálum.

Umframt ítróttafelagsskapir, er ein ørgrynna av øðrum frítíðarvirksemi. 

Í samband við kommunuætlanina, sum Klaksvíkar býráð hevur samtykt at farast skal undir, so er ein liður í arbeiðinum at finna útav, hvørji frítíðartilboð eru til borgarar í býnum. Bæði til børn og vaksin. 

Vit vilja fegin hoyra um øll tey fjølbroyttu frítíðartilboðini, sum eru í kommununi. Alt frá skótavirksemi, føroyskum dansi til andalig frítíðartilboð. 

Um tú umboðar ein sjálvbodnan frítíðarfelagsskap ella annað frítíðarvirksemið, sum er opið fyri almenninginum, lat okkum so endiliga frætta. 

Send boð til [email protected] Upplýs navnið á frítíðarfelagsskapinum, og gev okkum navn og telefonummar hjá einum ábyrgdarfólki. 

Les nærri um endamálið við kommunuætlanini her: Tíðindaskriv um kommunuætlanina

Send boð til [email protected] Upplýs navnið á frítíðarfelagsskapinum, og gev okkum navn og telefonummar hjá einum ábyrgdarfólki. 

Yvirlit: Ítróttafelagsskapir í Klaksvíkar kommumu

Klaksvíkar Kommuna

---