Í dag er júst 60 ár síðani bleiv Norðoya Bjaringarfelag bleiv stovnað og er Norðoyar Bjargingarfelag eitt av elstu bjaringarfeløgunum í landinum, um ikki tað elsta.

Hetta skrivar Norðoya Bjargingarfelag á heimasíðuni hjá teimum um teirra søgu:

Søga felagsins
Norðoya Bjargingarfelag varð stovnað 15. desember 1957. Endamál felagsins hevur frá byrjan av verið at vekja ans fyri bjarging, veita hjálp, tá tørvur er á tí og at fáa til vega bjargingarbát til Norðoyggjar. Hetta seinasta málið varð rokkið í 2005, tá bjargingarbáturin Ziska kom til Klaksvíkar. Ziska er keyptur úr Onglandi gjøgnum RNLI (ensku bjargingartænastuna) og æt tá Newsbuoy. Navnið Ziska kemur frá klaksvíkinginum og hetjuni Ziska Joensen, ið bjargaði manningini á Ernestinu.
 
Alt arbeiðið, ið verður gjørt í Norðoya Bjargingarfelag, er 100 % sjálvboðið. Síðani felagið varð stovnað í 1957, er ikki ein króna útgoldin í løn. Nærum allur peningur, sum kemur inn til felagið, fer til víðari arbeiði, antin fyri at viðlíkahalda Ziska ella til at skaffa nýggjari og betri útgerð. Tað sum ikki fer til viðlíkahald og útgerð, fer til rakstur og venjingar.
 
Nógv fólk eru knýtt at felagnum. Bæði sum manning til Ziska og eisini sum hjálparfólk og nevnarlimir. Vit hava útbúnar fjallabjargarar, samarittar og onnur røsk fólk knýtt at okkum. Øll eru ikki aktiv hvønn dag fyri felagið, men tá á stendur, eru øll klár.
 
Nakrar ferðir árliga er Norðoya Bjargingarfelagið við í venjingum. Hetta ger, at útgerðin verður roynd, fólkini læra at brúka útgerðina og at arbeiða saman, umframt at ymisku tilbúgvingarnar í Føroyum, fáa høvi at arbeiða heilt tætt.

Í nevndini sita í løtuni hesi:
Jákup J. Jacobsen, formaður
Poul Ivan Askham, næstformaður
Birna Joensen, kassameistari
Leif Johannesen, skrivari
Kristian Johannesen, umsjónarmaður
 
Tiltakslimir eru:
 Birgir Johannesen
Karola Lydersen

Vit ynskja Norðoyar Bjargingarfelag hjartaliga tillukku við degnum.

SáH

Í morgun byrjaði verkfallið hjá leiðarum og varaleiðarum á dagstovnaøkinum, og hósmorgunin kl. 7 byrjar verkbannið, sum Kommunala arbeiðsgevarafelagið hevur lýst fyri øllum starvsfólkum á dagstovnaøkinum.

Verkfallið, sum pedagogfelagið hevur lýst fyri limum í leiðara- og varaleiðarastørvum byrjaði í morgun, men allir stovnar í Klaksvíkar kommunu hava tó opið sum vant í dag, týsdag 12. desember og í morgin, mikudagin 13. desember.

Tó kunnu ávísir stovnar gerast noyddir at skerja upplatingartíðina ella stongja ávísar stovur hesar báðar dagarnar. Koma slíkar broytingar fyri, verða foreldur kunnaði um hetta.

Frá hósmorgni 14. desember kl. 7 hevur Kommunala arbeiðsgevarafelagið lýst verkbann fyri starvsfólk á dagstovnaøkinum, sum eru limir í pedagogfelagnum.

Hetta hevur við sær, at allir kommunalir barnagarðar og vøggustovur, umframt frítíðarskúlin Snjallabjalla verða afturlatin, til nýggj støða verður millum pedagogfelagið og Kommunala arbeiðsgevarafelagið.

Verkbannið rakar ikki dagrøktararnar í dagrøktaskipanini hjá Klaksvíkar kommunu, men tilboðið um gestarøkt fellur burtur, meðan verkbannið er galdandi.

Kunning um, í hvønn mun verkbannið ávirkar Húsið, verður tøk á heimasíðuni www.klaksvik.fo, og her verður somuleiðis kunnað, tá broytingar verða í støðuni millum Føroya pedagogfelag og Kommunala arbeiðsgevarafelagið.

Kelda: www.klaksvik.fo

SáH

Klokkan 21.15 bleiv Fiskivinnunýskipanin samtykt og endaliga úrslitið bleiv 18 fyri og 15 ímóti. Bill Justinussen úr Miðflokkinum stemmaði eisini fyri uppskotinum.

Ein svartur dagur fyri Norðoyggjar, tí bæði Hanus Hansen og Kristian Martin Rasmussen hava sagt í fjølmiðlunum, at nú vera teir noyddir at umhugsa støðuna og møguliga sleppa sær av vit nøkur skip. 

Góð jólagáva Óluva Klettskarð og Jónleif Johannesen góvu manningini á Sjúrðabergi, nú væntandi hetta skipi verður selt, tí ikki er brúk fyri teimum longur, men Heðin Mortensen úr Tórshavn er glaður, tí nú fær Tórhavnar Kommuna menningarhjálp frá Klaksvík. Einastu økir sum ikki fáa menningarhjálp eru Norðoyggjar og Eysturoyggin.

Eisini verður tað ein katastofa fyri Klaksvíkar Kommunu, tí sambært Jógvan Skorheim, so ferð hetta uppskotið, at fáa álvarsligar fylgjur fyri Kommununa, "nú vera vit noyddir at tillaga fríggjarætlanina av nýggjum", sigur hann við Norðlýsið. Klaksvíkar Kommuna stendur til at missa 70-80 milliónir um árið við hesum uppskotinum

Nógv hava víst sína ónøgd á Facebook við uppskotinum, har tey flagga við merkinum á hálvari stong og tað haldi eg, at vit á Norðoya Portalinum eisini fara at gera.

SáH

Eftir at 27 ára gamli Akayed Ullah royndi at spreingja seg sjálvan í luftini við rørbumbum tætt við eitt buss stað í Times Square í Manhattan, New York - hevur amerikanski forsetin sagt sína meining um flóttafólk.

- Alt ov nógv menniskjur sleppa til okkara land, uttan at tey vera kannaði nóg væl, siga tey úr tí Hvíta Húsinum.

Hví 27 ára gamli Akayed Ullad royndi at spreingja seg sjálvan í luftina, vita tey ikki rættiliga enn - men serkøn fólk meina, at hann hevur fingið inspirasjón frá IS.

JáH (y) 12.12.2017

Fundurin skuldi byrjað kl. 09.30, men enn er ongin fundur byrjaður enn. Hvat hendur í Tórshavn?

​SáH

Fyri 5. min. avlýstið Skúlatrøð skúlagondina ídag.

Hygg heimasíðan Skúlatrøð, klikk her "Skúlatrøð".
​
SáH

Veðrið í Klaksvík er ikki so gali júst nú, men aðrastaðni er vindurin sera nógvur. Eitt nú við Gjáarskarð, har er kolandi stormur og í hvirlunum upp til 51 m/s.

Hetta skrivar Landsverk á heimasíðuni hjá teimum klokkan 06:28, sjá niðanfyri.

​SáH

​Vegna veður siglir Smyril ikki túrin kl.06:00 av krambatanga og túrin kl.08:30 av Tórshavn. Nærri kunning um sigling verður á heimasíðuni og sms skipanini galdandi 07.12.2016

Í løtuni koyra ikki nógvir bussar á fastlandinum. Sjá yvirlit niðanfyri, har allar avslýsingarnar hjá Strandferðsluni eru vístar.

Fyri okkum her norðuri, vera hesar rutur ikki koyrdar í løtuni, tær eru: leið 400, 401, 410, 500 og 504. Soleiðis skrivar Strandferðslan á heimasíðuni hjá teimum:

Vegna verður koyrir leið 400 ikki fyrstu túrarnar í morgun 07. desember 05:55 og 06:50 úr Klaksvík og úr Tórshavn kl. 06:10....

​SáH

​Broytt fráferð 
Fráferðin úr Tórshavn hóskvøldið 7. desember er framskundað til mikudagin 6. desember kl. 17.00.
Check in letur upp kl. 14.00 mikudagin 6. desember.