Umframt at vit tora at skriva um onnur ting - sum hinir portalarnir ikki skriva um, so hava vit eisini tann fyrimunin - at vit gjalda onki í løn til okkum sjálvar og tískil so kunna vit eisini bumba prísirnar av lýsingum for niður í botn.

Nú ár 2015 er í nánd - so hava vit planir um at gera meira fyri okkara sjófólk og fáa tíðindaflutning umvegis tey, sum sigla. 

Minningarorð verður eisini ein teigur - har tú kanst senda skriv inn til okkara, har vit minnist til tey, sum farin eru í Harrans hendur. Eisini kunna tit skriva til okkara - um tað er konfirmatión, barnadópur, Gullbrúdleyp osv.

Meira um tað omanfyri seinni ...

Eisini verður ymiskt nýtt & forkunnugt at síggja á Norðoya Portali - sosum greinar, sum staðið hava í Ð blaðnum o.a. Tíðarleysar greinar fara vit at gera nógv meira burturúr og har afturat, so verður ein teigur, sum ætlaður verður til ungdómin.

So tað er bert at gleða seg til ár 2015 - har Norðoya Portalur fer at taka kampin upp ímóti hinum portalunum. Hví ..? Tí soleiðis er tað bara !!!

JáH (y) 28.12.2014

Landverk ávarar um, at hálka er kring alt landið - so at bilførara muga vera varnir, um teir nú ætla sær ein biltúr í dag.

Nú teir seinastu dagarnir hevur tað verið sera hált kring alt landið og eisini í dag kann roknast við, at hálka ger um seg.

JáH (y) 28.12.2014

Ákæurnar ímóti Bill Cosby vera bert fleiri í talið - har Bill Cosby er ákærdur fyri at hava neyðtikið fleiri av kvinnunum - sum ákært hava hann. Summar er hann ákærdir fyri at hava neyðtikið og uppaftur aðrar er hann ákærdir fyri, at hava følt uppá.

Tíðarritið Vulture hevur sett eina grein uppí tíð - har Bill Cosby longu bleiv ákærdur fyri at gera seg inn á kvinnu longu í ár 2004.

Fylg tíðargreinini hjá Vulture HER

Annars - tað seinasta nýggja er Kathy McKee - sum nú fortelur frá, at Cosby neyðtók hana í 1970'inum. Tá á sinni gekk Kathy saman við Sammy Davis Jr. og hevur síðan 70'inum hugsa: "Um eg latið vera við at hugsa um tað - so fer hetta ikki at skaða meg." Men nú forelur hon fyri Daily News, eftir at fleiri og fleiri koma framm - at Cosy eisini hevur neyðtikið seg.

Uppá núverandi tíðspunkt eru tað heili 21 ákærir ímóti Bill Cosby - har hann seksuelt skal hava gjørt seg inn á kvinnur.

JáH (y) 28.12.2014

Ferðafólkini við WestJet blivu sera bilsin, tá ið tey lendu aftur, eftir at tey høvdu tosað við jólamannin, tá ið tey fóru á flog, hygg hvussu bilisn tey blivu, klikk á myndina til vinstru ella sjá filmsklipp herundir:

SáH

Nógv fólk hava verið í býnum í nátt í Klaksvík og eitt nú - so varð húsið fult á tí nýggja dansistaðnum Ásgarð longu kl. 02.00.

Barrurnar kring býin lata eisini væl at og fortelja fólk handan cowboy-barrini Maverick fortelja fyri okkum, at har varð ongin ballada 2. Jólakvøld og eisini  - so teir kundu ikki vera meiri nøgdir.

Vit hava enn ikki tosað við løgregluna, men av teim støðum - sum vit hava tosað við, so lata fólkini væl at og ikki sær út til at nakað stórvegis óhapp er hend 2. Jólakvøld í Klaksvík. Tað hevur (sum sagt) verið friðarligt í Klaksvík og fólk sum hava verið í býnum lata væl at, so tað kundi næstan ikki verið betri.

JáH (y) 27.12.2014

Talið av fulltíðararbeiðsleysum, árstíðarjavnað, var 879 í november. Hetta er 3,2% av arbeiðsfjøldini. Hjá monnum var árstíðarjavnaða arbeiðsloysið 2,3%, meðan tað var 4,4% hjá kvinnum.

Ikki árstíðarjavnað var talið av arbeiðsleysum 846, tað er 3,1% av arbeiðsfjøldini.

JáH (y) 26.12.2014
Kelda: Hagstova Føroya

Nú nærkast til at umsóknarfreistin at søkja starvið sum skúlastjóri í Klaksvík gongur út, hetta skrivar Mentamálaráðið á teirra heimasíðu:

Mentamálaráðið hevur sett Símin Petur Hjelm sum virkandi skúlastjóra í samanlagda fólkaskúlanum í Klaksvík frá 1. januar 2015. Søkt er eftir skúlastjóra við umsóknarfreist tann 7. januar 2015.

SáH

Síðan Klub 700 lat aftur fyri einari tíð síðani - hevur ungdómurin ikki havt nakað stað at fara til í Klaksvík, tá hugsa verður um eitt dansistað.

Nokk av barrum eru tó í Klaksvík - men nú hava stigtakara tikið um endan og ætla at lata Barok uppaftur - so at ungdómurin í Klaksvík sleppur at dansa aftur.

Barok (fer nokk ikki at eita Barok) fer at hava opið 2. Jólakvøld og eisini Nýttársaftan við brakandi góðum tónleiki.

Meira um hetta seinni ...

JáH (y) 24.12.2014

Í fleiri ár hevur Ægir selt fyrverk, í samstarvið við Litaval (Vøruhúsið) og aftur í ár ferð Ægir at selja fyrverk á Stongunum í Klaksvík.

Hetta fyri at fáa pengar til felagið, so at okkara svimjarar og venjarar fáa so góðar umstøður sum møguligt at kappast við hinu feløgunum í Landinum.

Við at keypa fyrverk frá Ægir, fáa tit tvær flugir við eitt smekk. Fyrst eitt góðsku fyrverk og samstundis stuðla til Ægir.

Vit síggjast á Stongunum í handlinum hjá Vøruhúsinum. Sølan byrjar leygardagin tann 27. desember kl. 10.00 - 18.00.

Hesar tíðir selja vit fyrverk:

Leygardagin 27. desember kl. 10.00 - 18.00
Mánadagin   29. desember kl. 10.00 - 18.00
Týsdagin       30. desember kl. 10.00 - 18.00
Mikudagin     31. desember kl. 10.00 - 18.00

Her eitt sindur av okkara úrvalið, sum bleiv sent upp í 2013/2014 og væntandi verður úrvalið uppaftur størri í ár 2014/2015.

Gott nýttár øll somul.

Ægir

Í kalda veðrinum hósdagin 18. desember bleiv hol set á nýggja skúlan í Klaksvík. Tað var borgmeistarin Jógvan Skorheim, sum setti seg aftanfyri gravmaskinuna og byrjaði at bróta tann tiltikna elevator bygningin 
niður í Skúlanum á Ziskatrøð. Vónandi verður nýggið skúlin, ikki ein líka stór skandala, sum elevator byggingin á sinni, sum ongantíð bleiv tikin í brúk og kostaði Klaksvíks borgarnum í millión klassanum.
Kanska illa tonkt, at byrjað eina skúlabygging við einari skandalubygging ella var tað klókt tonkt, tí tað kann minna okkum á, at tað kann enda galið, um man ikki hevur eftirlit við byggingini.

Hátíðarløta var hildin í einum stórum telti, sum var sett upp í skúlagarðinum í skúlanum á Ziskatrøð. Har vóru sangir og fleiri talir blivu hildnar, eitt nú hevði borgmeistarin eina talu, har hann fór aftur í tíðina og fortaldi okkum søguna um skúlabyggingina í Klaksvík. Jóhann Lützen helt eisini eina talu og so vóru fleiri jólasangir, sum børn undir leiðslu av Steintór Rasmussen sungu.

Aftaná fór alt fylgið niðan í skúlagarðin, har byrja var við at byggja nýggja skúlan, við at seta hol í skúlan á Ziskatrøð og bróta elevatorpartin niður. Spennandi verður at síggja, hvussu hendan byggingin ferð at eydnast og er ætlanin tann, at fyrsta byggistig skal standa liðugt eftir summarferiuna í 2018.

Skúlin kemur at kosta okkum Klaksvíks borgarum 106 milliónir og var Klaksvíkar Kommuna noydd til at hækkað skattaprosentið fyri at klára at fíggja hesa risa byggiætlan, sum er tann størsta í søguni hjá Kommuni.

Eftir at hamaraborurin varð settir í, bleiv bjóða til gløgg og eplaskivur í fimleikarahøllini og børnini fingu bomm og sunkist.

Norðoya Portalurin ynskir góða eydnu við byggingini.

SáH