Komandi mikudag gevur Torleif Johannesen, trúboðari út bókina, Trolaralív – søgur úr Barentshavinum, í býráðshøllini í Klaksvík.

Torleif hevur verið við Ennibergi, Sjúrðarbergi, Akrabergi og Gasusi. Í frásøgunum frá hesum túrum fær lesarin nógva ítøkiliga vitan um skipini, fiskiskap og viðurskifti í Barentshavinum

Ingolf S. Olsen, tíðindamaður, sum aftast í bókini hevur eitt eftirmæli, heldur fyri, at “Hvørt skip á sjónum er sín egni, serstaki siglandi heimur, har lívið verður livað nærum leyst av tí, ið fyriferst á landi.

Hvørt skip hevur sítt sosiala umhvørvi við sínum serligu eyðkennum, serligu persónsmenskum og mannalagnum. Her verða vinarbond knýtt, her verður skemtað, glósað og flent. Men prísurin fyri eitt frælst og huglætt lív, sum sjólívið á mangan hátt er, er saknur og longsul.

Tú verður drigin við umborð av hesi frálíku løtumynd, ið rithøvundurin við sínum lætta frásøguhátti, máli og góðu myndum gevur av lívinum umborð á føroysku langfaratrolarunum”.

“Trolaralív”

Bókaframløga, í býráðshøllini í Klaksvík verður mikukvøldið 19. nov. 2014 kl. 19:00

Signhild V. Johannesen, forkvinna í Mentanarnevndini, bjóðar vælkomin   
Øssur Kjølbro, Heimamissiónsforlagið, sigur nøkur fá orð               
Systrarnar av Strondum syngja ein sang                                          
Torleif Johannesen, rithøvundur, greiðir frá søguni handan bókina    
Snorri Brend, tíðindamaður, umrøður bókina                                             
Systrarnar av Strondum syngja ein sang                                                            

Torleif Johannesen signerar bókina

Klaksvíkar býráð bjóðar ein drekkamunn 

Øll eru vælkomin

Nú er bert ein  dagur til stóra Frændur konsertina í Klaksví. Hetta skrivar Steintór Rasmussen á sínum Facebook veggið ímorgun:

Minnist tú gildið, vit hinaferð hildu?! Ja, sjálvandi minnist eg tað! Har vóru tey flestu av okkara bestu, og øll vóru í góðum lag.....

Løturnar hava verið nógvar og góðar. Men hetta verður helst tann størsta og besta Frændur veitslan nakrantíð.

Vit gleða okkum at hitta frálíkar føroyingar, gott fólk, vinir og kenningar í góðum hýri innandura í hugnaligum stórslidnum hølum, øll undir sama taki til eitt søguligt og ógloymandi kvøld 


SáH

Dagur B. Eggertsson, borgarstjóri í Reykjavík, fekk í gjár tann stóra heiður frá íslendska 'Skógræktarfelagnum' at fella risastóra jólatræið, sum skal standa á Vaglinum til jóla.

Jólatræið, ið er eitt ikki minni enn 12 metrar høgt granntræ úr Heiðmørkini í Reykjavík, er um hálva øld gamalt. 


Les meira HER


JáH (y) 13.11.2014
Kelda: Tórshavnar Kommuna

Nakrir størri skúrar eru komnir at standa á grótútfyllingini í miðbýnum, og onkur hevur spurt, um hetta er byrjanin til miðbýin. Men so er ikki – hetta eru modulbyggjarí, sum Bústaðir stendur fyri, og skulu hesar íbúðir setast á Heygavegi 56 omanfyri fjósið hjá Kjølbro.

Talan er um eitt skilagott samstarv við Klaksvíkar býráð, sum hevur nakað á baki. Býráðið hevur latið byggiøkið lagaliga til Bústaðir til eina verkætlan at byggja 8 íbúðir ár.

Les meira HER


JáH (y) 13.11.2014
Kelda: Klaksvíkar Kommuna

Hesir svimjarnir úr Ægir venja 9-10 ferðir um vikuna og ígjár ringdi Dávur Winther til forðmannin í Ægir Símun á Høvdanum og segði, at Klaksvíkar Kommuna hevur Ægir í tonkunum og um formaðurin vildi geva svimjarnum eina tiltronda gávu frá Klaksvíkar Kommunu.

Hendan gávan, var kanska ikki av teimum størstu, men Dávur helt, at hon var sera tiltrond og har svimjarnir kundi slappa eitt sindur av frá teirra hørðu venjing og tískil vildi hann vegna Kommuna geva teimum 5 atgongumerkir til Frændur føðingardagin leygarkvøldið.

Í morgun klokkan 05.30 handaði forðmaðurin í Ægir teimum atgongumerkini og bar heilsuna frá Klaksvíkar Kommunu og svimjarnir vóru sera glaðir fyri atgongumerkini og at Kommunan eisini tonkti uppá svimjingini, tí at vera í toppinum innan svimjing í Føroyum, krevur sera harða venjing og ólúksaliga nógva tíð.

Hesir fimm svimjarnir eru øll úttikin til ávikavist HM, NM og NJM.

Ægir takkar Klaksvíkar Kommunu fyri teirra uppbakking.

SáH

Nú Klaksvíkar Kommuna eigur KÍ høllina, so hava fleiri vent sær til Norðoya Portalin og biðji okkum taka spurningin upp, um tað ikki er uppá tíðina, at KÍ høllin broytir navn.

Har kundi Kommunan gjørt eina navnakapping, har øll fingu høvi, at koma við einum hóskandi navni til høllina.

Eisini eru tað fleiri feløg, sum brúka høllina, sum eisini eru áhugaði, at fáa fatur í reklamupengunum uppá lýsingarskeltini, sum er fest á høllina, tí hví skal KÍ hava einkarrættin til tær lýsingarinntøkurnar, tá ið teir ikki eiga høllina longur?

Eftir at hava verið á sjóðnum í góðar 82 dagar, so er altíð stuttligt at koma heim til síni kæru, men móttøkan var alt annað enn góð ígjár hjá Gadus.

Har kom eitt talsterkt lið av tollarnum, Heili 10 í talið og tá ið Gadus legði at, slapp ongin umborð, fyrrenn teir góvu loyvið.

Sindur løgið, tí Gadus hevur ikki verið í nakari Havn hendan túrin, so ein kann spyrja, hví so nógvir tollarar vóru í Klaksvík ígjár?

Reiðarin Hanus Hansen slapp tó umborð, men ongin annar. Tað gekk ein løtu, so slapp manningin á kajuna, at heilsa uppá familjuna og vinir.

Nú veit eg ikki, um tollarnir funnið nakað ólógligt í gjárskvøldið, men hetta var ongin serlig móttøka at fáa. Sjálvandi skal tollvaldið gera sítt arbeiðið, men máti skal vera við. Sigast skal, at ongin nakrohundur var við átakinum ígjár frá talsterka liðnum av tollarum.

SáH

Sera nógv fólk vóru komin saman at taka ímóti Gadus, tá ið hann legði at við bryggjuna niðanfyri N.F.C.S. kl. 17.30 ígjár.

Gadus hevur roynt í Russsikum og Norskum sjógvi og hevur 660 tons inni, nú hann koma aftur til Klaksvíkar.

Skipari var Ólavur Biskopstøð og væntandi ferð Gadus avstað aftur eystureftir mánadagin.

Vit ynskja skipara og manning vælkomin heim aftur til klettarnar.

SáH

Múrurin deildi vestur Berlin og eystur Berlin og bleiv bygdir í 1961 - men í 1989 fall múrurin og fólk frá eystur og vestur Berlin kundu nú møtast - uttan at føla seg hótt.

Og tey í Týsklandi hátíðarhalda eisini dagin í dag. Angela Merkel skal halda talu og 6000 hvítar ballónir vera sendar upp í luftina - fyri bert eina áminning hvussu viktugt tað er at vera fríðir.

Sangløtur & minningarhald vera eisini - umframt fleiri kend týsk tónleika nøvn (har ímillum Peter Gabriel) eisini fara at framføra.

JáH (y) 09.11.2014