Helgi Abrahamsen, landsstýrismaður, hevur fyri løtu síðani boðað løgtingsformanninum  frá, at hann tekur aftur lógaruppskotið um at leingja sáttmálarnar millum Føroya Pedagogfelag og Fíggjarmálaráðið / Kommunala Arbeiðsgevarafelagi, sí her

Umhvørvis- og Vinnumálaráðið

Skrivaði eina grein tann 10. juni og hana kunnu tit lesa niðast á síðuni, men rætt fekk eg og nú er alt latið uppaftur og alt er akkurát líka sum í 2020 og Ólavsøkan verður hildin sum vanligt. Les tíðindaskriv frá Heilsumálaráðnum herundir:

Náttarlív og summarstevnur í gongd aftur

Náttarlívið og summarstevnur kunnu so smátt fara í gongd aftur. Tað heldur heilsufakligi myndugleikin, sum hesa vikuna hevur viðgjørt koronustøðuna. Bæði náttarlívið og summarstevnurnar hava verið avmarkaðar seinastu vikurnar, men nú verður mett ráðiligt, at tey varisliga og undir skipaðum umstøðum kunnu fara í gongd aftur.

Hildið verið fast um kravdu kanningina við komu til Føroya, og at fólk lata seg kanna aftur fjórða dag. Tað verður framhaldandi staðiliga heitt á øll fólk, sum koma til Føroya, men ikki eru koppsett, um at vera sera varin til kanningina á fjórða degi.

Skalt tú til eitt størri privat – ella alment tiltak, er tað skilagott, at tú letur teg kanna áðrenn tiltakið.

Heilsufakligi mynduleikin heldur framvegis ikki, at tað er ráðiligt at fyriskipa festivalar. Hava vit ætlaðu koppsetingartilgongdina í huga, og tamarhald framvegis er á smittuni, so fara vit væntandi at halda eina nærum vanliga ólavsøku í ár.

Heilsumálaráðið

Her greinin, klikk her: "Hvussu pillbýttur kann ein vera" ella klikk link her undir:​

http://www.nordportal.net/tiacuteethindi/hvussu-pill-byttur-kann-ein-vera 

Stakkavík kom aftur klokkan 03:15 í morgun. Teir høvdu roynt við línu norðanfyri Føroyar.

Tað mesta var hýsa og toskur á 31 stampum.

Skipari á Stakkavík er Andru Poulsen.

Landa blívur til NFCS.

SáH

​Var ein túr á Borðoyavík í morgun og har hevur kavarin á Hellisenda avdúkað seg sjálvan.

Hann skuldi avdúkast á Norðoyastevnu 2021, men sum kunnugt, so hava vit fólk í Klaksvíkar Kommunu og Tórshavn, sum nú tvær ferðir hava avlýst Norðoyastevnurnar, bæði í 2020 og 2021. Hví avdúkingin bleiv avlýst er mær ein gáta, smittan var nógv hægri vikuna áðrenn Norðoyastevnu og tá bleiv onki avlýst, bara tann eina dagin tað vikuna blivu 16 smittaði tá og nú Norðoyastevnan er farin aftur um bak, so er alt opið aftur og væntandi vera allar hinar stevnuar hildnar, á sama hátt sum í 2020.

Kavarin á Hellisenda vildi ikki bíða til Norðoyastevnu 2022, so hann hevur avdúkað seg sjálvan og hvør veit um Norðoyastevnan 2022 verður hildin? Livst so spyrst.

Her nakrar myndir av kavarnum á Hellisendi, myndirnar tiknar í morgun tann 14. juni 2021.

SáH

Eingin smittutilburður varð staðfestur í gjár, vísa nýggjastu tølini hjá landslæknanum.

1077 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 292.157 kanningar.

755 persónar hava fingið staðfest smittuna í Føroyum. 719 persónar eru staðfestir frískir aftur. Higartil er ein persónur deyður við koronu í Føroyum.

Í løtuni eru 35 persónar smittaðir við koronu, og 227 fólk eru í sóttarhaldi.

Heilsumálaráðið

Ein nýggjur smittutilburður varð staðfestur í gjár, vísa nýggjastu tølini hjá landslæknanum.

Tilburðurin er frá kendari smittukeldu.

1226 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú gjørdar 291.080 kanningar.

755 persónar hava fingið staðfest smittuna í Føroyum. 718 persónar eru staðfestir frískir aftur. Higartil er ein persónur deyður við koronu í Føroyum.

Í løtuni eru 36 persónar smittaðir við koronu, og 276 fólk eru í sóttarhaldi.

Heilsumálaráðið

​Er nakað broytt frá seinasta vikuskiftið til hetta vikuskiftið, Jú Norðoyastevnan bleiv avlýst og vit standa sum eitt pill býtt og hyggja eftir deyða fylinum enn einaferð, fyrst í 2020, tá ið NULL vóru smittaði í Føroyum og nú hesaferð, tá ið EIN var smittaður í Norðoyggjum og sum eitt pill býtt lurtaði vit enn einaferð eftir fólkunum í Tórshavn, hvussu pill býttur kann ein vera, meira havi eg ikki at siga, men les niðanfyri hvat sambandsløgmaðurin skrivar:

Lata varisliga upp aftur
Landsstýrið hevur gjørt av at lata samfelagið varisliga uppaftur. Seinastu vikuna hevur ferðin verið nakað minni.

Yvirskipað verður farið til tey tilmæli, sum vóru galdandi fyri viku síðan.

Hetta merkir í stuttum:
Ítróttatiltøk kunnu aftur fyriskipast við áskoðararum. Tó undir skipaðum viðurskiftum.
Størri almenn – og privat tiltøk kunnu haldast, um neyðuga frástøðan kann tryggjast. Fert tú út millum fólk, sum tú vanliga ikki ert saman við, verður staðiliga mælt til, at tú letur teg kanna áðrenn.
Heilsufakligu myndugleikarnir halda ikki tað er ráðiligt, at náttarlívið hevur opið hetta vikuskiftið, tí tað enn ikki er fult tamarhald á verandi smittukeldum.

“Vit halda tað er ráðiligt at lata varisliga uppaftur. Eg vil takka øllum, sum hava tikið eitt tak seinastu sjey dagarnar. Nú ræður um, at vit í felag taka seinastu tøkini,” sigur Bárður á Steig Nielsen, løgmaður.

Løgmansskrivstovan

Her mín hjartans meining um beistagerðina okkara mætu menn gjørdu enn einaferð á Norðoyastevnu, filmsklipp frá 3. juni.

Tveir nýggir smittutilburðir vórðu staðfestir í gjár. Tað vísa nýggjastu tølini frá Landslæknanum.

Báðir tilburðir koma frá kendum smittukeldum.

1013 kanningar vórðu gjørdar seinasta samdøgrið, og allar kanningarnar eru liðugt greinaðar. Tilsamans eru nú gjørdar 289.915 kanningar.

754 persónar hava fingið staðfest smittuna í Føroyum. 714 persónar eru staðfestir frískir aftur. Higartil er ein persónur deyður við koronu í Føroyum.

Í løtuni eru 39 persónar smittaðir við koronu, og 238 fólk eru í sóttarhaldi.

Heilsumálaráðið

Landsstýrið hevur gjørt av at lata samfelagið varisliga uppaftur. Seinastu vikuna hevur ferðin verið nakað minni.

Yvirskipað verður farið til tey tilmæli, sum vóru galdandi fyri viku síðan.

Hetta merkir í stuttum:

Ítróttatiltøk kunnu aftur fyriskipast við áskoðararum. Tó undir skipaðum viðurskiftum.
Størri almenn – og privat tiltøk kunnu haldast, um neyðuga frástøðan kann tryggjast. Fert tú út millum fólk, sum tú vanliga ikki ert saman við, verður staðiliga mælt til, at tú letur teg kanna áðrenn.
Heilsufakligu myndugleikarnir halda ikki tað er ráðiligt, at náttarlívið hevur opið hetta vikuskiftið, tí tað enn ikki er fult tamarhald á verandi smittukeldum.

“Vit halda tað er ráðiligt at lata varisliga uppaftur. Eg vil takka øllum, sum hava tikið eitt tak seinastu sjey dagarnar. Nú ræður um, at vit í felag taka seinastu tøkini,” sigur Bárður á Steig Nielsen, løgmaður.

Løgmansskrivstovan

Í gjár vórðu 896 fólk koppsett. 725 fólk fingu fyrra prikið og 171 fólk fingu seinna prikið.

Nú hava 23.867 fólk fingið fyrru koppsetingina, tað svarar til 44,8% av fólkatalinum. 14.375 fólk hava fingið seinnu koppsetingina, tað svarar til 27% av fólkatalinum, og eru liðugt koppsett.

Tilsamans 38.242 kopppsetingar eru gjørdar í Føroyum.

Heilsumálaráðið