​Dýrindal kom aftur klokkan 06.15 í morgun. Teir hava trola á landleiðini og eystanfyri.

Veiðan bleiv boðin út til Fiskamarknaðin Føroyar og høvdu teir 27.000 pund, tað mesta var toskur, reyðsprøka og tunga, 8.000 pund toskur, 7.300 pund reyðskprøka, 6.000 pund tunga og restin annað fiskaslag, sjá søluna herundir.

Landa bleiv til NFCS og byrjað var at landa klokkan 07:00 í morgun.

Teir byrjaði túr tann 19. juni.

Her myndir tiknar í morgun tann 24.06.2020.

SáH

DÝRINDAL - ( KG 474 )NFCS-24-06-2020   13.500

Kvikk kom aftur nú klokkan 14:20. Teir hava roynt við línu við Ísland.

Teir hava 110.000 pund, tað mesta var toskur og longa.

Við eru 14 mans og skipari var Mikkjal Pauli Lamhauge.

Teir byrjaði túr tann 14. juni.

Landa verður til Kósina..

SáH

Filmsklipp og myndir tiknar tann 23.06.2020 klokkan 14:20, sjá herundir.

Klakkur kom aftur klokkan 11:30 í morgun. Teir hava roynt við línu á Flemish Cap.

Teir hava 220 tons, 50 tons toskaflak og restin avhøvdaður toskur.

Teir byrjaði túr tann 26. mai.

Við eru 16 mans og skipara vóru Líggjas Johannsen og Bethuel Johannesen.

Landa verður til NFCS.

Vit ynskja skipara og manning vælkomin heim.

SáH

Fyri góðum tíma síðani kom Pison aftur. Teir hava roynt við línu vestanfyri Føroyar.

Pison landar til Kósina og byrja teir at landa hann, aftaná teir eru lidnir við at landa Núp.

Mest sum øll lastin var longa og nakað av øðrum fiskaslagi.

Pison byrjaði túr tann 11. juni.

SáH

​Núpur kom aftur klokkan 02:00 í nátt. Teir hava roynt við við línu norðan fyri Føroyar.

Landa verður til Kósina beint nú, tað mesta var longa og nakað var av toski, brosmu og hýsu.

Núpur byrjaði túr tann 12. juni.

SáH

Leiðreglur um vitjandi og vitjanartíðir á seingjardeildini á Klaksvíkar Sjúkrahúsi:
• Tað ber aftur til at vitja á sjúkrahúsinum í vanligu vitjanartíðunum, sum eru frá kl. 15-16 og 19-20
• Vitjandi og avvarðandi skulu halda tilmælini um reinføri og frástøðu
• Kennir ein seg sjúkan, skal ein ikki koma at vitja
• Uttanfyri vanligar vitjanartíðir skal avtala gerast við starvsfólk á deildini

Klaksvíkar Sjúkrahús

Var ein gongutúr í morgun á Stongunum og fekk eg sjokk, hvussu lítið skil er á har, reint út sagt, so er tað lívhættisligt at ganga har og er man óheppin, so kann man enda sínar dagar har.

Har er slett onki hent, síðani Jógvan Skorheim tók við róðrinum í Klaksvíkar Býráð, er nakað hent, so er tað til tað verra.

Har flýtir alt í óruddið og kajkanturin er lívshættisligur, har bilar kunnu koyra beint á sjógv og har sjómenn kunnu fáa ein spískan jarnpinn uppundir seg, um teir leypa á land og har eru eisini jarnspennir, har man kann detta um, tá ið ein ætlar sær umborð onkran bát og dettur man, so endar man líkst í havinum.

Onkur kajkantur er so rotin, at hannr er brotið av um tvøran og har er illgræs og ókrút við allan kajkantin, reint út sagt onki sum helst skil á.

Nú nærkast Býráðsval og tá plaga hesir fínu menn/kvinnur, sum ganga á bonaðu gólvinum í Klaksvíkar Kommunu at fara ein gongutúr til Stengurnar og royna at fáa sær nakrar lættar stemmur og lova gull og grønar skóðir, men eg veit ikki, um teir tora eisini til hetta valið. Teir hava so onki gjørt fyri fiskimennirnar í hesari tingsetuna og heldur onki í seinastu tingsetu.

Her filmsklipp av túrinum í morgun og hann er ikki tespiligur at hyggja eftir, sjá herundir. Tit er vælkomin at deila hesa grein,  tí tað kann bjarga lívum.

Símun á Høvdanum

​​​Myndir, vakurt í gjárskvøldið

Her nakrar myndir, tá ið sólin fór niður klokkan 22:25 í gjárskvøldið tann 19.06.2020.

Tað er ikki altíð man er so seint uppi, men vakurt var tað, sjá herundir.

SáH

​Dalsenni kom aftur klokkan 11:30 í morgun. Teir høvdu roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 7.326 pund, tað mesta var hýsa og toskur, 5.200 pund hýsa, 2.200 pund toskur og restin annað fiskaslag, sjá søluna herundir.

Landa bleiv til NFCS.

SáH

DALSENNI - ( KG 301 )NFCS-19-06-2020   3.663

Stakkavík kom aftur klokkan 11:00 í morgun. Teir høvdu roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 5.500 pund, tað mesta var toskur og hýsa, 2.500 pund toskur, 2.900 pund hýsa og restin annað fiskaslag.

Landa bleiv til NFCS.

Her filmsklipp og myndir tikin tann 19.06.2020.

SáH