​16 smittutilburðir staðfestir í gjár

16 nýggir smittutilburðir vórðu staðfestur í gjár. Tað vísa nýggjastu tølini hjá Landslæknanum.

Øll eru eftir øllum at døma partur av kendari smittuketu. Talan er um bretska fyribrigdið B.1.1.7.

619 kanningar vórðu gjørdar seinasta samdøgrið, og allar kanningarnar eru liðugt greinaðar. 16 nýggir tilburðir í 619 kanningum gevur eitt positivprosent, sum svarar til 2,6. 

Tilsamans eru nú gjørdar 264.101 kanningar.

692 persónar hava fingið staðfest smittuna í Føroyum. 668 persónar eru nú staðfestir frískir aftur. Higartil er ein persónur deyður við koronu í Føroyum.

Í løtuni eru 23 persónar smittaðir.

Heilsumálaráðið

Í gjár vórðu 962 fólk koppsett. 234 fólk fingu fyrra prikið og 728 fólk fingu seinna prikið.

Tilsamans eru 28.646 koppsetingar gjørdar í Føroyum. 19.442 fólk hava fingið fyrru koppsetingina. 9.204 hava fingið seinnu koppsetingina og eru harvið liðugt koppsett.

Heilsumálaráðið

Tríggir nýggir smittutilburðir vórðu staðfestur í gjár. Tað vísa nýggjastu tølini hjá Landslæknanum.

Øll trý eru partur av kendari smittuketu. 

736 kanningar vórðu gjørdar seinasta samdøgrið, og allar kanningarnar eru liðugt greinaðar. Tilsamans eru nú gjørdar 263.482 kanningar.

676 persónar hava fingið staðfest smittuna í Føroyum. 668 persónar eru nú staðfestir frískir aftur. Higartil er ein persónur deyður við koronu í Føroyum.

Í løtuni eru sjey persónar smittaðir.

Heilsumálaráðið

Tveir nýggir smittutilburðir vórðu staðfestur í gjár. Tað vísa nýggjastu tølini hjá Landslæknanum.

Tann eini persónurin er partur av kendari smittuketu. Í løtuni ber ikki til at staðfesta, hvussu hin persónurin er blivin smittaður.  

726 kanningar vórðu gjørdar seinasta samdøgrið, og allar kanningarnar eru liðugt greinaðar. Tilsamans eru nú gjørdar 262.746 kanningar.

673 persónar hava fingið staðfest smittuna í Føroyum. 668 persónar eru nú staðfestir frískir aftur. Higartil er ein persónur deyður við koronu í Føroyum.

Í løtuni eru fýra persónar smittaðir.

Heilsumálaráðið

​

Samstarvið millum Føroyar og Ísland kann styrkjast munandi. Hetta vóru Bárður á Steig Nielsen, løgmaður, og Guðlaug Þór Þórarson, íslendskur uttanríkisráharri, samdir um, tá ið teir hittust í Reykjavík í gjár.

Íslendska uttanríkisráðið leggur síðstu hond á eina frágreiðing um, hvussu sambandið við Føroyar kann betrast. Hetta er tekin um ein positivan hugburð til íslendskt-føroyskt samstarv, heldur løgmaður.

“At íslendingar seta tíð av at arbeiða við viðurskiftunum við okkum, vísir greitt, at tey virðismeta sambandið við føroyska samfelagið, og vilja styrkja tað,” segði løgmaður eftir fundin.

Millum umrøddu møguleikarnar fyri øktum samstarvi vóru millumlandahandil, flutningsvinna, fiskivinna, alivinna, gransking og útbúgving.

Fundurin við íslendska uttanríkisráðharran kom í kjalarvørrinum av ráðharrafundi í arktiska ráðnum, sum eisini var í gjár.

Løgmansskrivstovan

Ein nýggjur smittutilburður varð staðfestur í gjár. Tað vísa nýggjastu tølini hjá Landslæknanum.

Viðkomandi er smittaður í Føroyum. Í løtuni ber ikki til at staðfesta, hvussu viðkomandi er blivin smittaður.  

448 kanningar vórðu gjørdar seinasta samdøgrið, og allar kanningarnar eru liðugt greinaðar. Tilsamans eru nú gjørdar 261.984 kanningar.

671 persónar hava fingið staðfest smittuna í Føroyum. 667 persónar eru nú staðfestir frískir aftur. Higartil er ein persónur deyður við koronu í Føroyum.

Í løtuni eru tríggjar persónar smittaðir.

Heilsumálaráðið

​

Teir komu aftur á Klaksvík klokkan 04:10 í morgun og hava teir partrola sunnanfyri Føroyar.

Teir høvdu 225 tons av gullaksi og landaðu teir til Kósina í morgun.

Veiðan bleiv síðani koyrd til Tavuna í Leirvík til víðari viðgerðar.

SáH

Mánadagin var Karl Johansen, borgarstjóri, á fundi saman við japanska sendiharranum í Danmark. Fundurin var á føroysku sendistovuni í Keypmannahavn, har føroyski sendimaðurin, Jóannes V. Hansen eisini luttók.

Borgarstjórin sigur, at vinarbýarsamstarvið millum Klaksvík og Taiji í Japan tykist hava lagt lunnar undir eitt gott samstarv millum londini.

- Borgarstjórin í Taiji hevði umbiðið fundin, tí áhugi er at menna samstarvið millum partarnar enn meira. Serliga var tað áhugin fyri ferðavinnuni, sum fylti nógv á fundinum, og í tí sambandi bjóðaði japanski sendiharrin eisini umboðum fyri Klaksvíkar býráð á vitjan í heyst, sigur Karl Johansen. 

Tað eru trý ár síðan, at Klaksvíkar kommuna og Taiji fóru undir eitt vinarbýarsamstarv, har partarnir báðir, við útgangsstøði í felags áhugamálum, komu ásamt um, at samstarv um ymisk mál innan eitt nú vinnu, mentan og útbúgving.

Klaksvíkar Kommuna

​
1. februar fór sóknarpresturin Marjun Lómaklett undir at røkja eina nýggja tænastu í fólkakirkjuni, har hon í eitt ár verður integratiónsprestur. Uppgávan hjá henni verður m.a. at gera tænastu millum teir útlendingar, sum flyta til Føroyar.

Marjun Lómaklett er eisini júst vald í integratiónsnevndina í Klaksvíkar býráð, sum framyvir verður mannað við bæði føroyingum og tilflytarum.

Integratiónspresturin hevur fyrstu mánaðirnar lýst og greina økið fyri at finna fram til, hvussu kirkjan á bestan hátt kann røkka tilflytarum, sum hava búsett seg í Føroyum. Í hesum sambandi greiddi borgarstjórin, Karl Johansen, frá, at ein arbeiðsbólkur, mannaður við tilflytarum búsitandi í Klaksvík, saman við umboðum í umsitingin, hava arbeitt við nøkrum átøkum, sum seinni í ár verða løgd fram fyri nýggju integratiónsnevndini til støðutakan.

Bæði borgarstjórin og integratiónspresturin eru samd um, at samskifti við tilflytararnar er ein forteyt fyri at finna fram til hvør tørvurin og ynskini eru. Tí mugu vit fyrst og fremst vera innbjóðandi og spyrjandi, soleiðis at vit bæði kunnað tilflytarar væl um okkara heimligu viðurskifti, men ikki minst spyrja inntil teirra bakgrund, so vit eisini betur kunnu skilja teirra tørv.

Við hesum vísir Marjun Lómaklett eisini á, at 24. mai verður enskt talandi familjugudstænasta í Christianskirkjuni, sum serliga er ætlað fólkum við útlendskum uppruna. Øll eru tó hjartaliga vælkomin.

Link to news in english: Integration vicar invites you to the first International Family Service

Klaksvíkar Kommuna

Nýggj kanning um harðskap og kynsligan ágang verður løgd fram í Almannamálaráðnum hósdagin kl 10.

Almannamálaráðið hevur fingið Setrið at gera kanningina og áhugaverdu úrslitini verða løgd fram

Hósdagin 20. mai 2021, kl 10 í Almannamálaráðnum, Eirargarði 2.

Skrá:

Elsebeth Mercedis Gunnleygsdóttur, landsstýriskvinna, bjóðar vælkomin og sigur nøkur orð.

Umboð fyri Lóður leggja kanningarúrslitini fram.

Høvi at seta spurningar

Øll eru vælkomin!

Almannamálaráðið