Ikki koyrandi er um Oyggjarvegin ella Gøtueiði hevur Árni Jacobsen frá Landsverk júst boða frá í Útvarpinum - eisini mælir hann til, at fólk við summardekkum vísa varsemi um alt landið, tá nógv kræpa hevur lagt seg á vegin um alt landið.

Norðoya Portalur hevur tosað við ein eldri mann í morgun, og hann sigur seg ongantíð vita, at veðrið hevur verið so fúlt sum tað er nú. Eisini leggur hann afturat, at veðrið er vesnað nógv tey seinastu árini.

Lurta eisini eftir hesari grein frá KVF "Røktingarmaður: Illveðrið kemur illa við" HER

Eisini skrivar Vága Portalur hesa grein: "Nú doyggja smálombini". Les greinina HER

Myndin sum tú sær omanfyri er júst av Kunoyarbygd - og er so nógv kræpa, at ein ikki sær oman á bygdina frá Kelduvegnum av.

JáH (y) 07.05.2015

Mai mánaði skuldi gjarna boða frá góðum veðrið - ímeðan vit í Føroyum uppliva eitt heilt annað veður, enn tað vit høvdu glett okkum til. Á myndini, sum undirritaði tók ígjár, sær tú eina ær við sínum lambi kroka ímóti einum gróti - fyri vindi og regni.

Atlantic Airways boðar frá nógvum seinkingum og nógvum avlýsingum frá ígjár av - og somuleiðis hevur Strandfaraskip Landsins eisini gjørt tað. Nei, ikki er tað stuttligt við slíkum vánaligum veðrið, sum vit føroyingar uppliva fyri tíðina.

Og Landsverk sigur soleiðis á teirra heimasíðu um veðrið í dag:

Vánalig koyrilíkindir eru við summardekkum í Vágunum, Streymoynni og Eysturoynni, heitt verður á bilførarar um at koyra varliga

Boðað verður frá nógvum vindi:
Mykines - 05:51 Skrið, Í hvirlunum upp til 26.5 m/s. 
við Velbastaðháls - 05:57 Skrið, Í hvirlunum upp til 30.0 m/s. 
Porkerishálsur - 05:57 Skrið, Í hvirlunum upp til 30.5 m/s. 

Hálku fráboðan:
Klaksvík, Gerðabøur - 05:58: Roknast kann við hálku. 
Gjáarskarð - 05:57: Roknast kann við hálku. 
Kambsdalur - 05:58: Roknast kann við hálku .
Gøtueiði - 05:58: Roknast kann við hálku .
Runavík - 05:58: Roknast kann við hálku. 
Norðskálatunnilin, Eystanfyri - 05:57: Roknast kann við hálku .
Streymnes - 05:58: Roknast kann við hálku .
Høgareyn - 05:58: Roknast kann við hálku. 
Kaldbaksbotnur - 05:57: Roknast kann við hálku. 
Sund - 05:58: Roknast kann við hálku .

Fá meira at vita um veðrið við at trýsta her

Serlæknar á skurðdeplinum á Landssjúkrahúsinum hava í longri tíð ikki havt nøktandi tal av royndum hjálparlæknar til at lætta um vaktarbyrðuna. Støðan hevur havt við sær, at tað hevur verið trupult at fáa sett serlæknastørvini á Skurðdeplinum.

Landsstýrið hevur tí lagt eykajáttan fyri Løgtingið, sum skal nýtast til at seta á stovn eina sonevnda millumvakt, sum er eitt vaktarlag av royndum hjálparlæknum. Medisinski depilin á Landssjúkrahúsinum hevur eina skipan við millumvakt, og virkar hetta sambært Landssjúkrahúsinum væl.

Ætlanin er haraftrat at seta ein serlækna afturat í ortopedi, so tað frameftir vera fýra heldur enn tríggir serlæknar í ortopedi, somuleiðis fyri at gera viðurskiftini munandi betri á skurðdeplinum. Landssjúkrahúsið metir, at um farið verður undir at lýsa eftir skurðlækna beinanvegin, er gjørligt at seta ein skurðlækna í starv beint eftir summarfrítíðina.

Kelda: Heilsumálaráðið tann 05.05.2015

Frá mánadegi til mikudag í hesi vikuni hava allir næmingar í 4. og 6. flokkunum kring landið verið til árligu landsroyndina, sum fólkaskúlalógin ásetur.

Talgilda skipanin, sum nú  er ment, fer at verða eitt týðandi amboð hjá føroyska undirvísingarverkinum í sambandi við eftirmetingar, royndir og próvtøkur í framtíðini. Frá næsta ári er ætlanin at fráfaringarroynd fólkaskúlans eisini verður talgild.

Telduskipanin verður hýst í Føroyum og hava tillagingar í nýtsluni eisini verið gjørdar her á landi. 

Innlatin eru eini 7000 uppgávusett frá gott og væl 1400 næmingum. Allar uppgávur eru rættaðar og samlað met er givið til hvønn einstakan næming, sum foreldur eisini kunnu síggja talgilt saman við næminginum. Skipanin hevur svarað uml. 1,4 milliónir fyrispurningum hesar dagarnar, og hevur sent út eini 60 GB data.

4. flokkarnir vóru 40 meðan 6. flokkarnir vóru 38 í tali. Landsroyndirnar hava verið í lærugreinunum føroyskt, støddfrøði og náttúru og tøkni.

Bjørn Kalsø landsstýrismaður, fegnast um, at tað hevur gingið væl og sigur, at tey, sum hava staðið fyri  fyrireikingini og skúlarnir eiga rós uppiborið fyri eitt gott arbeiði.

Samanumtøka við frágreiðing fer nú at verða skrivað og verður væntandi liðug um 1 mánaða.

Kelda: Mentamálaráðið

Tann 1. september 2015 verða nýggir sendimenn á Sendistovu Føroya í Íslandi og í Bretlandi. 
   
Áki Johansen, ráðgevi, verður sendimaður í London, meðan Petur Petersen, deildarstjóri, skal røkja sendimannastarvið í Reykjavík.
   
Samstundis koma Hákun J. Djurhuus og Jóannes Vitalis Hansen heim til Føroya at arbeiða á Uttanríkistænastuni á Løgmansskrivstovuni.

Kelda: Løgmansskrivstovan