Hol eru í tekjuni á Nýggja Skúla, og tað regnar inn á kømurini.

Tað lekur og gýsur í Gamla Skúla, tí vindeyguni eru so illa farin.

Kostnaðarmetingin hjá Landsverk sigur, at tað fer at kosta knappar 13,6 mió. kr. at umvæla Háskúlan. Mest átrokandi umvælingarnar, tær sum mugu gerast í ár fyri at virksemi skúlans kann halda fram, koma at kosta 2.414.500 kr.

Fyrradagin bórust góð tíðindi úr Løgtinginum, at Føroya Fólkaháskúli hevur fingið eina eykajáttan á 1,68 mió kr. Hetta svarar til 70% av savnaða kostnaðinum.

Men hendan játtanin er treytað av, at Føroya Fólkaháskúli sjálvur fær til vega 30%, 900.000 kr.

Finna vit ikki hesar pengarnar, so fáa vit heldur einki frá landinum.

So verða ongar umvælingar gjørdar, og so verður eingin Háskúli.

Tí skipar Føroya Fólkaháskúli fyri einari stórari Landsinnsavning, har vit heita á Háskúlavinir úr øllum Føroyum um at lyfta í felag, og veita Háskúlanum eina peningagávu, oyramerkta til nýggja tekju og nýggj vindeygu.

Konta Háskúlans eitur 6460- 151 880 3.

Tit kunnu fylgja gongdini á heimasíðu Háskúlans: www.haskulin.fo

Einki er ov lítið – Alt ger mun.

Løgreglan í Texas boðar frá, at skotbardagin ígjár kravdi 9 mannalív, 18 fingu álvarsligan skaða og at minst 100 fólk eru blivin handtikin - eftir ógvusliga skotbardagan ímillum biker'ara bandar.

Løgreglan fortelur frá, at skotvápn blivu brúkt, knívar, køllur osv., og at bardagin varð ímillum 5 biker'ara bandar.

Skotbardagin hendi í einum umráði, sum tey lokalu í Waco kallað Texas Central Market Place og sigst, at skotbardagin byrjaði yvir eitt parkeringspláss - men tað vil løgreglan í Texas uppá núverandi tíðspunkt ikki váttað.

JáH (y) 18.05.2015

- Góð integratión er ein vinningur fyri allar partar. Tilflytarar kenna seg sum ein virðismettan part av okkara samfelag, og samfelagið fær ágóðan av teirra eginleikum og førleikum. Vit fáa eitt fjølbroytt samfelag, har vit kunnu liva og virka lið um lið við virðing fyri hvørjum øðrum. Hetta segði Jógvan Skorheim, borgarstjóri, í røðu sínari, tá ið integratiónspolitikkurin, sum Klaksvíkar Býráð hevur samtykt, varð lagdur alment fram.

Eftir at Klaksvíkar Býráð hevði samtykt ein orðaðan integratiónspolitikk, varð skipað fyri einum tiltaki í Skúlanum við Ósánna leygardagin 2. mai, har politikkurin varð lagdur alment fram, og har Jógvan Skorheim, borgarstjóri, handaði Føroya Landsstýri eitt eintak av politikkinum, sum Bjørn Kalsø, landsstýrismaður í mentamálum tók ímóti.

Tiltakið var samtundis ein altjóða mentanardagur, har borgarar í Klaksvíkar kommunu úr fleiri ymiskum tjóðum vístu fram lutir úr teirra mentan og bjóðaðu gestunum forkunnugan mat.

Vit endurgeva her røðuna, sum Jógvan Skorheim, borgarstjóri, helt, og har hann legði út við einari heilsan á enskum máli til útlendsku gestirnar:

Les meira HER

Kelda: Klaksvíkar Kommuna

Pedofilar, sum í løtuni samskifta frítt á loyniligu tjattsíðuni Scandiland, skulu ikki kenna seg ov tryggar, sigur Hannes Gislason, KT-serfrøðingur

Tað er torført, men als ikki ógjørligt at finna fram til teir føroysku pedofilarnar, sum í løtuni samskifta frítt við aðrar norðurlendskar pedofilar á tjattsíðuni Scandiland. Tað sigur Hannes Gislason, professari í kunningar- og samskiftistøkni á Fróðskaparsetri Føroya.

Les meira HER

Kelda: KVF

Norðurlendsku public service-fjølmiðlarnir hava higartil havt ein heilt serligan leiklut, tá ið tað hevur snúð seg um at taka lut í tí fólkaræðisliga kjakinum í Norðurlondum og at veita borgarunum møguleika fyri felags upplivingum við støði í ymiskum norðurlendskum mentanum og samfelagsvirðum.

Burtur úr einum havi av tilboðum hava fleiri og fleiri borgarar í heimssamfelagnum møguleika í framtíðini sjálvir at velja, hvørjar skráir, tey skulu síggja og hoyra. Hetta er úrslitið av talgildingini á fjølmiðlaøkinum. Komandi árini fer hetta at seta avgerandi spurningar til norðurlendsku public service-fjølmiðlarnar, teirra endamál, teirra leiklut og teirra virkisøki. Hetta eru spurningar, sum danski formansskapurin nú hevur sett á skrá hjá Norðurlendska Ráðharraráðnum.

Norðurlendsku ráðharrarnir fyri mentan og fjølmiðlar og umboð fyri  norðurlendsku  public service-stovnarnar hava á fundi í Norðurlendska Ráðharraráðnum, sum varð hildin í Tórshavn 12.-13. mai 2015, viðgjørt tær avbjóðingar, sum standa fyri framman, tá ið tað snýr seg um eina talgilda framtíð, sæð við norðurlendskum eygum.

Á fundinum undirstrikaðu ráðharrarnir týdningin av, at teir norðurlendsku public service-fjølmiðlarnir í einari talgildari framtíð framhaldandi skulu vera tann berandi megin í tí fólkaræðisliga samfelagskjakinum. Public service-fjølmiðlarnir skulu framhaldandi tryggja borgarum í Norðurlondum óheftan tíðindaflutning og eitt breitt úrval av upprunaligum, avbjóðandi og viðkomandi public service-tilfari á ein slíkan hátt har góðskan er í hásæti, og har tilfarið tekur støði í norðurlendskari mentan, samfelagsvirðum og stuðlar norðurlendskum málum.

Ráðharrarnir løgdu samstundis dent á, at tær ásetingar, sum eru galdandi fyri public service-uppgávuna, skulu gera tað møguligt, at public service-fjølmiðlarnir kunnu spjaða teirra tilfar út á slíkan hátt, at tað er atgeingiligt hjá borgarum og kann skapa virði fyri allar borgarar í tí talgilda miðlaheiminum. Serliga er hetta eisini galdandi fyri børn og ung, sum eru okkara felags framtíð.

At enda var semja um, at leikluturin hjá norðurlendsku public service-fjølmiðlunum framhaldandi verður viðgjørdur, og at tann talgildi miðlaveruleikin og ásetingar í hesum sambandi verða havdar í huga.

Kelda: Mentamálaráðið

Norðoya Portalur varð eisini á Atlantic Fair 2015 og lótu fyrireikarnir sera væl av tiltakinum í ár, har yvir hundrað fyritøkur royndu, sum vera man, at selja sínar vørir.

Eisini fortaldu tey fyri okkum, at hetta er 7. ferð, at Atlantic Fair (fyrr kallað Atlantic Fish Fair) og at hesa ferð og at ongin ivi er um, at Atlantic Fair aftur fer at vera.

Sjá annars myndarøð niðanfyri:

JáH (y) 14.05.2015

Bjørn Kalsø, landsstýrismaður í mentamálum, er í dag og í morgin vertur fyri ráðharrafundi millum norðurlendsku mentamálaráðharrarnar.

Fundurin verður hildin í Norðurlandahúsinum, har Marianne Jelved úr Danmark, Illugi Gunnarsson úr Íslandi, Alice Bah Kuhnke úr Svøríki, Johan Ehn úr Álandi og Bjørn Kalsø úr Føroyum hittast.

Les meira HER

JáH (y) 12.05.2015
Kelda: Klaksvíkar Kommuna

Sunnudagin 10. mai luttók løgmaður á minningarhaldi í Newcastle, í samband við at 70 ár eru liðin, síðan seinni heimsbardagi endaði.

Minningarhaldið var í Donsku Kirkjuni St Nicholas Cathedral. Minnisgudtænasta varð hildin, og síðani vóru kransar lagdir á minnisvarða til heiðurs fyri donsku og føroysku sjómenninir, ið lótu lív undir krígnum.

Á minningarhaldinum luttóku eisini Uni Næs dómpróvstur og sendimaður Føroya í London, Jóannes V. Hansen, umframt danski sendimaðurin í Bretlandi og umboð fyri donsku sjóverjuna.

Kvøða løgmans undir minningarhaldinum:

Your excellencies, ladies and gentlemen,

It is an honour for me to be here representing the people of the Faroe Islands.

Today we have come together to celebrate the liberation of Denmark now 70 years ago and remember the seafarers of Denmark and the Faroes that lost their often young lives in the fight against Nazism. This so we today can live life the only way we know it: in a democracy.

These were ordinary people: our parents, grandparents and great grandparents. Yet they carried out exceptional deeds and ultimately paid the highest price leaving their families behind.

They are proof that we are all capable of exceptional determination and sacrifice to the great and the good of our society.

May we make our forefathers proud by continuing to promote peace and democracy for our children and grandchildren the way they did for us!

Fríggjadagin 8. mai 2015 kl. 10.00 fær Bjørn Kalsø, landsstýrismaður í mentamálum, handað kanning um happing millum næmingar í fólkaskúlanum. 

Kanningin, sum verður løgd fram, er ein kanning av øllum 5., 7. og 9. floks næmingum í føroyska fólkaskúlanum, íalt umleið 2.200 næmingar.

Á vári 2014 setti Bjørn Kalsø, landsstýrismaður í mentamálum, skjøtil á arbeiðið at fáa til vega dagførda vitan um trivnaðin millum næmingar í føroyska fólkaskúlanum, sum kundi veita haldgott grundarlag undir dagførdum tiltøkum til tess at minka um happing og harvið kunna økja um trivnaðin.

Henda nýggja kanning kemur í tøkum tíma, tí ongin slík kanning er gjørd síðani 2007. Nýggja kanningin skal umframt at fáa til vega dagførdan kunnleikan um happing í skúlunum eisini geva eina ábending um átøkini, sum sett eru í verk seinastu árini, hava munað, m.a. í hvønn mun happing er økt ella minkað í føroyska fólkaskúlanum. Kanningin, sum nú er gjørd, er lutvíst gjørd eftir sama leisti sum í 2007, men við dagføringum m.a. viðvíkjandi sosialum miðlum.

Tað er Fróðskaparsetur Føroya, sum hevur staðið fyri og gjørt kanningina, meðan ein fylgibólkur, umboðandi Mentamálaráðið, Føroya Lærarafelag, Heim og skúla og Skúlaleiðarafelagið, hevur fylgt arbeiðnum.

Handanin og framløgan av kanningini verður í Mentamálaráðnum og er almenn.

Leygardagin 9. mai skipar Blái Krossur fyri landsinnsavnan. Innkomni peningurin fer at stuðla tveimum verkætlanum, eini í Føroyum og eini í Kjad

Tað er sjeynda árið á rað, at Blái Krossur skipar fyri landsinnsavnan. Í ár fer peningurin til tvær verkætlanir, nevnliga verkætlanina ”Øll hava rætt til góð barnaár” og verkætlanina ”Sig nei til rúsdrekka og narko”.

Øll hava rætt til góð barnaár

Øll hava rætt til góð barnaár er ein verkætlan í Føroyum, ið hevur til endamáls at fyribyrgja, at børn og ung, ið vaksa upp í heimum, har rúsur og rúsdrekka fylla nógv í gerandisdegnum, sjálvi koma í somu trupulleikar seinni í lívinum. Nøkur av teimum ungu hava úttalað seg alment og sagt, at bólkarnir veruliga hava gjørt mun í teirra lívi. 

Sig nei til rúsdrekka og narko

Henda verkætlanin gongur fyri seg í Ndjamena, høvuðsstaðnum í Kjad í Afrika. Hetta er ein trý ára verkætlan, ið altjóða Blái Krossur, International Federation of Blue Cross (IFBC) skipar saman við Bláa Krossi í Kjad og Bláa Krossi í Føroyum. Høvuðsendamálið er at minka um rúsdrekka- og rúsevnamisnýtsluna millum ung í Ndjamena. Hetta fyribyrgjandi arbeiði fer ætlandi at minka um harðskapin, avmarka sjúkuspreiðing (millum annað AIDS), minka um skaðar í ferðsluni, og geva børnum og ungum eitt sunnari og betri lív. Føroya Landsstýri hevur umvegis Menningarsamstarv júst játtað 400.000 krónur til hesa verkætlanina.

Stuðla á ymiskan hátt

Landsinnsavnanin er leygardagin 9. mai. Tá fara fleiri hundrað sjálvboðin við bússu frá Bláa Krossi at banka á dyrnar hjá fólki. Nógv fólk hava longu játtað at gingið við bússu, men tað er framvegis pláss fyri fleiri. Um onkur annar vil hjálpa til, so ber til at siga frá á tel 773016.

Um ein ikki hevur kontantan pening, so ber tó framvegis til at stuðla. Sum nakað nýtt í ár ber nevniliga til at senda sms til 1910 við boðunum BK. Tá stuðlar ein verkætlanunum við 100 krónum. Til ber eisini at flyta eina gávu á eitt av kontonumrunum hjá Bláa Krossi. 

Øll hús í landinum hava fingið kunning sendandi við postinum um landsinnsavnanina. Blái Krossur takkar hjartaliga øllum teimum, ið vilja ganga við bússum, og øllum teimum, ið vilja stuðla arbeiðinum við eini gávu.

Sí annars meira um landsinnsavnanina á www.blakross.fo