Hetta gjørdist ein sera skjótur túrur. Teir fóru avstað tann 9. mars og hava rokast 
í norskum sjógvi og tann 10. apríl fóru teir at sigla heim, við góðum 735 tonsum og ímogun tann 13. apríl legði Sjúraberg fullfermdur at bryggju í Klaksvík.

Reiðarin Hanus Hansen, saman við nógvum fólki tóku ímóti manningini og lagi var heilt gott.

Norðoya Portalurin ynskir skipara og manning vælkomin heim og Gleðiligar páskir.

SáH

Danski yvirlæknin Jens Christian Holm fortelur í hesum filmsklippinum, sjá herundir, at yvirvekt er ein kroniskur sjúkdómur og at fólk als ikki hava forstaðið, hvat yvirvekt er fyri nakað.

Sera áhugavert, tá ið ein sjálvir hevur ov nógv kilo at dragast við.

​Sjá áhugaverda samrøðu, sum TV2 hevði við yvirlæknan, klikk filmsklipp herundir:

SáH

At gera byrgingina um Haraldssund lidna verður mett at kosta 35 mió. kr.

Arbeiðið at gera byrgingina um Haraldssund lidna er klárt at bjóða út. Men eingir pengar eru til arbeiðið.
Tað sigur Henrik Old, landsstýrismaður, í svari til Jógvan Skorheim, løgtingsmann.  

Landsverk fekk í 2008 játtan til at gera verkætlan um at gera byrgingina lidna.

Kostnaðarmetingin var 30 mió. kr. í 2008. Nú, níggju ár seinni, er metingin 35 mió. kr. 

Arbeiðið er klárt at bjóða út, tá pengar eru játtaðir.

Skal gerast alt fyri eitt
Landsverk mælir til í Samferðsluætlanini fyri 2012-2024, at arbeiðið verður gjørt alt fyri eitt. 

Sum støðan er nú, roynir Landsverk at rudda og halda byrgingina sum frægast. 

Við verkætlanini, sum verður boðin út, tá pengar eru til hennara, verður byrgingin dagførd, so hon verður tíðarhóskandi og lýkur dagsins krøv til slíka farleið. 

Byrgingin verður umbygd nakað, men stórur partur av verandi verklagi verður partur av endaligu loysnini, sigur Henrik Old. 

Byrgingin um Haraldssund er frá 1986.

JáH (y) 06.04.2017
Kelda: KVF/Høgni Djurhuus og Johnsigurd Johannesen

Skrásetta fyribils fólkatalið tann 1. apríl er 50.030.

​Vanlig mannagongd hjá Hagstovuni er at kunngera fókatalið ein mánað afturút, tí fleiri fráboðanir til landsfólkaskránna ofta eru seinkaðar bæði ein og tveir mánaðir. Tað ger, at feskasta fyribilstalið, sum 1. apríl er 50.030, neyvan verður heilt tað sama við næstu uppgerð.

Orsøkin til at Hagstovan kortini kunnger fyribilstalið fyri 1. apríl hóast óvissuna er, at tað er so mikið oman fyri 50.000, at tað neyvan fer niðurum til næstu uppgerð um ein mánað. Til ber tó ikki at siga, hvussu nógv fer burtur av 1. apríl-talinum.

Royndirnar vísa, at fyribilstalið minkar nakað, tí tað serliga eru fráflytingar, sum eru seinkaðar. Sum dømi kann nevnast, at í uppgerðini fyri einum mánaði síðani var fyribilstalið 50.006 fyri 1. mars. Nú ein mánað seinni er tað talið 49.994

Hvør varð nummar 50.000?
Nú fyribilstalið fyri 1. apríl vísir, at fólkatalið er farið upp um 50.000, eru helst fleiri, sum vilja vita, hvør persónur gjørdist íbúgvi nr. 50.000.

Sum Hagstovan áður hevur víst á, er tað ikki so líka til at finna útav. Fólkatalið verður funnið við at telja tey, sum eru skrásett at búgva í Føroyum. Tað gongur nakað av tíð, áðrenn allar skrásetingarnar eru komnar upp á pláss. Hetta ger, at uppgjørda fólkatalið ikki er heilt eftirfarandi fyrr enn ein tíð er fráliðin. Tað merkir eisini, at fleiri kunna gerast nummar 50.000, alt eftir nær ið hugt verður eftir skrásetingunum.

50.000 og hvat nú?
Hagstovan hevur gjørt eina framrokning av fólkatalinum við støði í søguligum tølum um fólkatal, burðartíttleika, deyðatíttleika og til- og fráflyting frá 1985 til í dag. Hesi árini frá 1985 fram til í dag hava verið stór sveiggj í fólkatalinum og -samansetingini. Hetta sæst aftur í óvissuni í framrokningini.

Sum framrokningin sær út nú, er óvist um fólkatalið framhaldandi fer at vaksa ella um gongdin fer at venda til eina minking. Framrokningin vísir, at tað serliga er flytingin millum Føroyar og útlond, sum kemur at hava týdning fyri gongdina í fólkatalinum.

Í hagtalsgrunninum er fólkatalið við útgreiningum dagført til 1. mars 2017 og er at finna her.

Kelda: www.hagstova.fo

SáH

​Vit eru errin høvuðsstuðul hjá teimum 170 dugnaligu og djørvu, føroysku íðkarunum og leiðarum teirra, sum fara til Oyggjaleikirnar 2017💪🏼🇫🇴 Hesa ferð verða leikirnir hildnir í Gotlandi, og Atlantic Airways flýgur í samstarvi við ÍSF tveir túrar beinleiðis til Gotlands við umleið 300 føroyingum.

Kelda: Atlantic Airways

​SáH