Murlifólkið úr Etiopia hevur dripið minst 140 menniskjur og 39 børn skula hava verið burturflutt, tá ið Murlifólkið leyp á ein annan kappingarneyta, veit BBC at siga frá.

Innanríkismálaráðharrin í Etiopia, Getachew Reda sigur at trygdarlið eru farin eftir Murlifólkinum og at minst 60 av teimum eru deyð.

Eftir at Suðursudan varð vekk úr Sudan í 2011, hevur verið borgarkríggj tvey ár eftir. Borgarkríggji hevur skyldina av, at fleiri hevndardrápum og hevur spjaldra fátæka landið í fleiri etniskar bólkar. Tíggjutúsindavís hava mist lívið, og fleiri enn tvær milliónir eru flýdd frá teirra heimum - grundað av borgarkríggjinum.

Bæði stýrið og uppreistarfólk hava fingið skuldina yvir etniska útreinsing, fólkamorð, dráp av børnum, neyðtøkur og tortur undir borgarkríggjinum.

JáH (y) 17.04.2016

Fleiri jarðskjálvtar hava verið í Japan og tann seinasti, sum hendi í nátt - hevði 7,3 í styrki og hava minst 6 menniskjur latið lív, orsaka av jarðskjálvtanum. Meira enn 400 hava fingið skaða.

Løgreglan, brandfólk og sjúkrafólk hava úr at gera í oynni Kyushu, har jarðskjálvtarnir raka harðast á Japan.

JáH (y) 16.04.2016

Vit á Norðoya Portali skrivaðu eina grein nýliga - um hvussu nógv narko varð í Danmark í 2015 og so hildu vit sjálvandi, at tað varð áhugavert fyri at vita - hvussu nógv narko varð í Føroyum í 2015.

Les eisini: Narko í Danmark 2015: Størsta mongd av hashi í 16 ár

Vit hava nú fingið svar frá Narkodeildini í Føroyum og hetta skal haldast í fyrivarni, tí vit muga eisini minnast til hvussu nógv menniskjur búgva í Føroyum - í mun til hvussu nógv búgva í Danmark.

Tað búgva áleið 5,7 milliónir menniskjur í Danmark og áleið 50.000 menniskjur í Føroyum. Av teim 5,7 milliónunum sum búgva í Danmark - eru tað áleið 4 % sum ongantíð hava drukkið, ið hava aldur at drekka. Í Føroyum er talan um 25 %, sum hava aldur at drekka - men hava valt ikki at gera tað.

Tí eru tølini, sum vit her vísa tykkum fyri fyrstu ferð nakrantíð - eisini høg í Føroyum, tí hædd skal takast hvussu nógv vit eru og hvussu lítið av føroyingum, sum í veruleikanum smakkað sær á.

Hash:
Í 2015 legði politiið  hald á 2,2 kg av hashi. Í 2014, 2013 og 2012 vóru nøgdirnar ávíkavist 3,8 kg, 4,1 kg og 6,3 kg. Sostatt var nøgdin í 2015 nakað minni enn undanfarnu ár. Harafturímóti kann upplýsast, at higartil í ár hevur politiið lagt hald á 3,1 kg av hashi.
 
Marihuana:
Í 2015 legði politiið hald á 65,47 gram av marihuana. Í 2014, 2013 og 2012 vóru nøgdirnar ávíkavist 44,61 gram, 572,8 gram og 31,0 gram. Higartil í ár hevur politiið lagt hald á 685 gram av marihuana.
 
Hampplantir:
Í 2015 legði politiið hald á 37 plantir. Í 2014, 2013 og 2012 vóru nøgdirnar ávíkavist 87, 358 og 213 plantir. Higartil í ár hevur politiið lagt hald á 55 plantir.
 
Amfetamin:
Í 2015 legðí politiið hald á 93,25 gram av amfetamini. Í 2014, 2013 og 2012 vóru nøgdirnar ávíkavist 0,5 gram, 4,84 gram og 74 gram. Higartil í ár hevur politiið lagt hald á 1,3 gram av amfetamini.
 
Ecstasy:
Í 2015 legði politiið hald á 40 stk. ecstasytablettir. Tey somu undanfarnu árini fann politiið ongar ecstasytablettir. Higartil í ár hevur politiið lagt hald á 1 stk. ecstasytablett.
 
MDMA:
Í 2015 legði politiið hald á 45 gram av MDMA. Í 2014, 2013 og 2012 vóru nøgdirnar ávíkavist 0 gram, 0 gram og 123,8 gram. Higartil í ár hevur politiið lagt hald á 0,74 gram av MDMA.
 
Heroin:
Heroin er sera sjálsamt í Føroyum. Higartil í ár hevur politiið tó lagt hald á 10,8 gram av heroini. Seinast, politiið legði hald á heroin, var í 2004, tá politiið fann 0,3 gram.
 
Kokain:
Í 2015 legði politiið hald á 3,13 gram av kokaini. Í 2014, 2013 og 2012 vóru nøgdirnar ávíkavist 0,8 gram, 0,52 gram og 1,0 gram. Higartil í ár hevur politiið lagt hald á 20,8 gram av kokaini.
 
Umframt omanfyri nevndu evnini, so hevur politiið eisini lagt hald og nøkur onnur ólóglig evni og medicin so sum svampar, morfin, ritalin vm.. Hettar er tó smár nøgdir, talan er um.

Vit á Norðoya Portali fara at skrivað eitt sindur meira um tað sama í framtíðini, har vit fara at gera eina samanmeting av - hvat danskarar brúka í narko og hvat vit føroyingar brúka í narko og um ikki tølini vera nøkurlunda tey somu, tá ið tey eru samanmett.

JáH (y) 15.04.2016

Tollmálið hjá Jørgen Niclasen, har Jørgen kærdi KVF og Portalin fyri ærumeiðing hevur fingið ein enda.

Í fyrstu syftu vann Jørgen Niclasen á KVF og Portalin, men so gjørdu tey av, at kæra málið víðari til Eystara Landsrætt, sum gav KVF og Portalin viðhald - og harvið tapti Jørgen Niclasen ímóti teimum. Síðan hevur verið arbeitt fyri, at fáa málið víðari til Hægsta Landsrætt, men tað hevur ikki eydnast fyri tað, sum Sveinur Tróndarson hevur nýliga skrivað á hansara Facebook status - og sum sagt - so fer hetta málið ikki víðari og hevur sostatt fingið ein enda.

JáH (y) 15.04.2016

Her filmsklipp, har ein ovurfegin Propagandebuster fortelur heiminum, um nýggju lógina í Føroyum ímóti Sea Shepherd, sjá filmsklippi herundir:

SáH

Av persónligum ávum hevur Petur Elias Petersen, tikið seg úr starvinum sum forseti fyri Ítróttasamband Føroya.

Hann hevur verið forseti í Ítróttasambandi Føroya síðani á vári í 2010. Hann varð valdur í Starvsnevnd í ÍSF’s í 1995, og hevur sitið í nevndini síðani. Fyrst í mong ár sum skrivari, síðani nøkur ár sum næstformaður og seinastu seks árini sum forseti.

Petur Elias Petersen, hevur verið partur av ítróttaumhvørvinum, síðani hann var smádrongur, fyrst sum íðkandi og seinnu mongu árini sum nevndarlimur.

Hann hevur sitið í mongum álitisstørvum innan ítróttina, og kunnu nevnast Sandavágs Ítróttafelag, har hann sat í nevndini í 10 ár. Nøkur ár í áttatiárunum sat hann sum formaður í Dómaranevndini hjá HSF, hann sat eisini sum formaður í kappingarnevndini hjá RSF í nøkur ár, í Oyggjaleikanevndini. Í nærum tíggju ár, var hann eisini liðleiðari hjá føroyska A-landsliðnum í fótbólti.

Hann vil ynskja Ítróttasambandi Føroya alt tað besta í framtíðini og hevur hesa heilsan. Tit, ið taka eftir og eru partur av umhvørvinum og hava ábyrgdina, ansi væl eftir felagskapinum, sum má ganga fram um møguligan løtuvinning og stuttskygdar loysnir.

Kelda: www.isf.fo

​SáH

Í síðstu viku bleiv ein arbeiðsmaður innan grøna økið uppsagdur hjá Klaksvíkar Kommunu. Grundgevingin var sparingar á økinum,

Kanska ein góð søga hjá Norðlýsinum at skriva um, men í hesum málinum skal Klaksvíkar Kommuna fáa frið fyri mær og eg gevi bóltin víðari til okkara lokalblað, sum kann tosað við allar stjórarnar hjá Kommununi um málið.......

SáH

​Ja, eg skal geva John William Joensen púra rætt, at eg má vera ein av mest lokalu klaksvíkingunum og tað eri eg enn. Sjálvt um eg eri stjóri á Handilsvirkinum Niclasen í Sørvági. 

Royndi at byggja Klaksvíkar Timburhandil uppaftur, men tað bar snøgt sagt ikki til, hevði ov lítið lagur og tískil hevði lítlan møguleika at kappast ímóti teimum heilt stóru og nú eg fekk í boðið, at gerast stjóri á Handilsvirkinum Niclasen, so tók eg av. Annars havi eg enn Maverick Barr og Grilluna, Norðoya Portalin, Klips og hjálpi til í svimjifelagnum Ægir, stuðli Bláa Bylgju og royni at stuðla allari ítróttini í býnum, so JWJ, sindur lokalir eri eg enn.

Sjálvandi kundi eg verið meira lokalir
Nú John William Joensen er skaðafróðir í greinini "Av-lokalisering", so kundi eg gott skriva okkurt um JWJ, sum ikki er so heppið, men lat tað vera. Eg kundi spurt JWJ, hví teir ikki skriva nakað kritiskt um Klaksvíkar Kommunu? Er tað kanska tí, at Norlýsið í 2015 fekk heilið 328.000,00 kr. í lýsingapengum frá Klaksvíkar Kommunu og hin fjølmiðilin í Norðoyggjum, nevnliga Norðoya Portalurin fekk 0,00 kr.?,  er tað veruliga so lætt, at keypa seg til lýsingarpengar? ella er hetta rætt og slætt vinar og kenningar pengar, eg spyrji bara?

Rokni við at nógv undrast. Sjálvandi skal Norðlýsið fáa flest pengar, teir eru jú mest lokalir og skriva bara positivt um Jógvan Skorheim og Klaksvíkar Kommunu, men at Norðoya Portalurin ongar lýsingarpengar fekk frá Klaksvíkar Kommunu í 2015 er ræðandi.

Sindur løgin politikkur, at ein fjølmiðil skal fara avstað við øllum lýsingapengunum hjá Kommuni og hin fjølmiðilin í sama býi, fær eitt stórt NULL, men sjálvandi, hevði Norðoya Portalurin fingið eitt sindur av pengum, um undirritaði skrivaði eitt sindur positivt um Klaksvíkar Kommunu. Kanska eg skuldi byrja uppá at skriva somu greinar sum Norðlýsið, men tað fer so at ganga útyvir pengapungin hjá Norðlýsinum, tí so fer Norðoya Portalurin eisini at fáa pengar frá KK. 

Upplýsast skal at Norðlýsið verður nakað positivt við Klaksvíkar Kommuni í 2016, tí høvuðstalið fyri lýsingarútreiðslur fyri hetta árið er heili 760.000,00 kr. 

Hetta er ein sera stór øking, tí lýsingarútreiðslurnar fyri 2015 vóru 422.000,00 kr., men sum øllum kunnugt so er val í ár.

Bert nakrir lokalir tankar til John William Joensen, sum er byrjaður at skriva aftur og vælkomin í klubban.

Símun á Høvdanum

Árligi limafundurin hjá Føroyska Bíbliufelagnum verður týskvøldið 12. apríl 2016 kl. 20.00 í kirkjukjallaranum í Christianskirkjuni.

​Nógv ymiskt er á skránni, millum annað luttekur, landsstýriskvinnan í mentamálum, Rigmor Dam, á fundinum.

Skráin fyri limafundin er sambært viðtøkum felagsins við frágreiðing frá arbeiðinum og fíggjarviðurskiftum. Limir hava møguleika at koma við spurningurm og viðmerkingum til arbeiðið hjá Bíbliufelagnum.

Andakt við Jógvani Fríðrikssyni, biskupi og forseta í Bíbliufelagnum.

Nýggj og spennandi tíðindi frá Sameindu Bíbliufeløgum (United Bible Societies - UBS).

Landsstýriskvinnan í mentamálum, Rigmor Dam, ber fram heilsu og sigur nøkur orð.

Eisini verður orðaskifti um tørv og framtíðarætlanir hjá Bíbliufelagnum. Upplegg til orðaskifti við Hallgerð Akurstein.

Eftir limafundin sigur Hilda Viderø frá um stuðul frá Bíbliufelagnum til Bíbliur á Filipsoyggjunum og í Pakistan.

Sangur við Tórhild Bjarkhamar og Ingu Jensen. Eisini syngur kórið í Christianskirkjuni.

Nýggir limir kunnu tekna seg á fundinum ella á heimasíðu felagsins: www.biblia.fo.

Hjartaliga vælkomin!

Nú  veit eg ikki um tað er tí, at undirritaði býr á Helnabrekku?, at Klaksvíkar Kommuna hevur sløkt gøtuljósini á Helnabrekku, men teir síðstu dagarnar hava øll gøtuljósini á Helnabrekku og Undir Græshjalla verið sløkt.

Ikki serliga heppið, at sløkkja gøtuljósini í vikuskiftinum, tí tað er eitt sindur ringt hjá fólki at finna heim, tá ið tað er bøla myrkt, sjá myndina, hon er tikin kl. 04.30 ímorgun, á veg niðan til Helnabrekku.  

Vit hava eisini eitt sambýlið "Rynkeby", har eldri fólk búgva og tað kann fáa stórar fylgur, um tey gomlu detta í myrkinum. 

Man skuldi møguliga givist, at skriva kritiskar greinar um Klaksvíkar Kommunu, nú teir  eru farin í hernað ímóti mær? Fyrst hava teir grava allan garðin upp í Maverick og nú eru teir byrjaðir at sløkkja ljósini á Helnubrekku.  Kanska tað ikki hevur nakað við hvørt annað at gera, men løgið er tað.

SáH