Býráðsfundur verður hósdagin 27. februar kl. 17:30. Til ber at stroyma almenna býráðsfundin umvegis leinkið á forsíðuni.

Býráðsfundurin verður hildin í Varpinum, har regluligu fundirnir hjá býráðnum verða hildnir. Til ber eisini at lurta eftir býráðsfundinum á stream(.)fo og á FM 98,7.

Býráðsskráin kann takast niður her: Býráðsskráin 27. februar

Klaksvíkar Kommuna

Jesus, likes og lívið.

Ungdómsguðstænasta verður í Christianskirkjuni hóskvøldið 27.februar kl 19.30 við Ann Hermansdóttir, studentapresti.

Ung frá KFUM og K syngja og spæla. Møguleiki verður fyri forbøn og at tendra ljós. Aftaná guðstænastuna verður góður drekkamunnur og hugnalig samvera.

Hjartaliga vælkomin!

Christianskirkjan

Klaksvíkar kommuna fer í næstum at einsrætta Kráargøtu (norðureftir) og Heygavegin (suðureftir). Talan um eina royndarverkætlan, sum verður eftirmett seinni í ár. Hetta verður gjørt fyri at bøta um trygdina kring skúlaøkið.

Í 2024 bað kommunan ráðgevarafyritøkuna, Ráð, um at koma við eini meting av ætlanini um at einsrættað hesar báðar gøturnar, og tað er við støði í hesum metingum, at hendan avgerðin er tikin.

Hendan ætlanin hevur verið uppá tal í rúma tíð, og á sumrið 2024 var hetta eisini roynt, tá ið hesir vegir vóru einsrættaðir í samband við vegarbeiðið á Stangavegnum.

Betri ferðslutrygd er nakað sum borgarakanningin greitt vísti á, og sum býráðið hevur sett pening av til í ár, nevnliga at betra um trygdina og ferðsluviðurskiftini í miðbýnum og kring Skúlatrøð.

Neyðug skelti eru sett upp, og broytingarnar koma í gildi frá mikudegnum (26. feb.) at rokna.

Klaksvíkar Kommuna

Her filmsklipp fyri 4 árum síðani, so seint arbeiðir okkara Býráð, nú verður tað roynt, men tað hevur verið roynt í seinastu setu, tá ið Stangarvegurin bleiv gjørdir omanfyri Kjølbro Heilsølu, sjá her:

⚜️⚜️⚜️Hugsunardagur 22. februar⚜️⚜️⚜️

⚜️í morgin 22. februar er altjóða skótadagur, og tá fara vit í kirkju. Vit møta í búna og turriklæði kl 16.30 í Uppistovu.
⚜️Eitt sindur um Hugsunardagin: 

Dagurin verður hildin av skótum kring allan heimin til minnis um hjúnini Baden-Powel, ið bæði høvdu føðingardag 22. februar. Á hesum degi hugsa vit um skótavinir okkara kring allan heimin. Her í Føroyum halda vit hugsunardagin við gudstænastum og skótasamkomum kring landið, har skótar eru⚜️

⚜️ Í kirkjuni gongur talvan til frama fyri skótahjálpina.

Skótalið Nólsoyar Pálls

Torraskráin, leygardagur 22. februar
kl. 10.00 - Norðoya Bátafelag - í gamla Roykivirkinum, Faktorsvegur 6. Boðin verður ókeypis morgunmatur.
kl. 10.00 - 16.00 Spinnaríið. Spinnaríið við ánna vitjar á Torradøgunum í Klaksvík.
kl. 10.00 - 16.00 Lær at spinna tín egna tráð á lítlastrá. Guðrun Sundar Hansen hevur skeið í ullavirking í Spinnarínum. Tilmelding: Senda boð við tínum navni og bústaði til [email protected]. Prísurin er 400 krónur um dagin. 
Eisini sýnir Jana Skorheim Sørenensen fram hondgjørd teppi.
kl.10.00 – 14.00 Dugni, Tinghúsið. Listaframsýning við Louisu Sivertsen.
kl. 10.00 - 14.,30 - Opið Hús á TSK. Allar deildirnar á skúlanum hava opið, og til ber at kunna seg um virksemið á skúlanum. Ymiskar kappingar verða á ymsu deildunum. Eitt nú verður altíð væl umtókta páskaregg-kappingin hjá Serbreytini aftur á skrá. Evnið hesa ferð er “Standmyndir í Klaksvík”. Serbreytin bjóðar eisini vaflur, kaffi og saft.
Komandi næmingar og avvarðandi hava eisini møguleika at síggja umstøðurnar á næmingaheiminum. Lestrarvegleiðarar vegleiða um útbúgvingarnar á skúlanum.
Kl. 10.00 Gakk og Renn (tiltakið er avlýst)
kl. 11.00 - Rennibreytin VK 6. Treysti skipar fyri rennikapping. Kappingin er ein partur av Raska vetrarkappingini í renning. Tilmelding fer fram á staðnum áðrenn kappingarbyrjan ella online á heimasíðuni hjá Frælsum Ítrótti Føroya, sum er www.fif.fo. 
Kl. 11.00 – 14.00 - Torra sjálvtøkuborð á TSK - Matvørudeildin. Næmingar á Matvørudeildini TSK bjóða eitt Torra-sjálvtøkuborð. Borðreitt verður við rávørum úr sjónum. Eisini verður okkurt søtt og gott omaná. Atgongumerki til Torra-sjálvtøkuborðið á 100 kr. fáast í TSK á degnum.
kl. 11.00 Magnstøðin í Klaksvík. Bestu Torra-epli og røtur úr Trøðum av Sandi fáast til keyps. Miðstovugarðurin á Sandi 220203.
kl. 11.00 – 15.00 Í Aulini á Skúlatrøð - TeknmálsCafé
Karl Haldorsson Johansen, borgarstjóri heldur røðu og setur Cafáina. Kantinan opin, selur vaflur og drekka. Brunnurin og postarenning til børn byrjar. Tónleikur - Absalon spælir og Unn syngur
12.00 – 13.00 Í Aulini á Skúlatrøð - TeknmálsCafé. Sjómenn við niðursettari hoyrn, m.a. skiparar, siga frá teirra lívi umborð á skipi og um Bláubók í sambandi við niðursetta hoyrn.
13.00 – 14.00  Pallborðsfundur: ”Kunnu fólk við niðursettari hoyrn verða sjómenn? Hvat siga altjóða reglurnar”?Orðstýrari er Beinta Løwe
14.30 – 15.00 Teknmálstulkar greiða frá arbeiði sínum
Kl. 12.30 Christianskirkjan. Torramatiné við Klaksvíkar Hornorkestri. Spæld verða góð og hugnalig løg.
Kl. 14.00 – 16.00 Varpið - Norðoya Listafelag sýnir fram listaverk. Ein afturlítandi framsýning.
14.00 – 17.00: Dragin Opið skip umborð á Draganum. 
Kl. 15.00 – 20.00 Gallarí Á Stongunum. Listaframsýning við Lydiu Petersen og Jógvan K. Glerfoss. 
Kl 16.00 Foyerini í Varpinum: Vilji er lekjandi máttur
- Nýggj bók um buldrasliga lívið hjá Gunnari Hjelm verður løgd fram og umrødd. 
Kl. 21.00 – 01.00  Café Fríða. Torra Quiz - Sjómansquiz og hugnaløta - Ein spurnarkapping um fisk og bátar. Sámal Petur í Grund og Martin Vágsheyg skipa fyri

Klaksvíkar Kommuna

Endiliga er Vágbyggj komi aftur og tað fæst sjálvandi í Maverick.

Maverick letur upp klokkan 17:00 í dag, her skráin:
Kl. 18:00 Lyngby - Randers
Kl. 18:15 Danmark - Svøríki kvinnur
Kl. 19.30 Freiburg Werder Bremen
Kl. 20:00 Leicester - Brentford
Kl. 20:00 Celta Vigo - Osasuna

Eisini verður tónleikur á skránni, støkkið inn á gólvið og fái tykkum ein kalda Várbryggj, tað skal nokk vera stuttligt.

Maverick Barr

Komandi dagarnar, frá 18. til 20. ferbruar, verður ferðslan við rundkoyringina í miðnýnum tarnað.

Orsøkin er, at nýggir kantsteinar skulu leggjast við rundkoyringina, sunnanfyri mentanarhúsið. Í hesum sambandi verður ferðslan í rundkoyringini og eftir Biskupsstøðgøtu nakað tarnar.

Klaksvíkar Kommuna

Torravikan er farin av bakkastokki og her er skráin fyri í dag.

Mánadagur 17.februar
kl. 09.00 - 21.00 - Café Fríða

kl. 11.30 - 15.00 -  Angus opið

kl. 12.00 - 20.00 - Café Fríða
Hvønn dag í Torravikuni. Serligur Torra-borðseðil – sí Frida.fo. Eisini er annað mangt á borðseðlinum

kl. 13.00 - 17.30 Blái Krossur Føroya 

kl.13.00 – 17.00 Dugni, Tinghúsið - Klaksvíkvegur 56
Tað er Louisa Sivertsen, sum sýnir fram verk síni – ein søluframsýning

Kl. 14.00 – 16.00 Varpið - Foyerin. Norðoya Listafelag sýnir fram listaverk

kl. 16.00 - Christianskirkjan í kirkjukjallaranum. Torleif Johannesen, sjómanstrúboðari í 35 ár – um at bera sjófólkinum góð tíðindi - og samstundis bera tíðindi frá sjófólkinum til fólkið heima. Drekkamunnur verður boðin aftaná

kl. 17.00 - 21.30 Angus opið bjóðar serligan Torra-borðseðil. Angus.fo – 457777

kl. 19.30 Klaksvíkar bókasavn. Bókacafe við Eyðuni Klakstein. Tað verður Arnbjørn Ó. Dalsgarð, ið fer at hava samrøðu við rithøvundin um bókina Lygn.

kl. 19.30 Varpið: Hvussu ávirka veðurlagsbroytingarnar Føroyar?
Kendi danski veðurmaðurin á DR, Jesper Theilgaard fer at hava fyrilestur um, hvussu veðrið verður. Jesper fer í fyrilestri sínum at koma neyvari inn á orsøkina til veðurlagsbroytingarnar, tí tað er her, vit kunnu finna møguligu loysnirnar. Kaffi og prát er eisini á skrá.

kl. 20.00 Café Gloria. Sangløta. Elim saman Frelsunarherinum, hava andakt og skipa fyri sangkvøldið, eisini verður ein góður drekkamunnur at fáa.

Klaksvíkar Kommuna

Í gjár leygardagin tann 15. februar var Búnaðarstevnan hildin í mentanarhúsinum "Varpinum" í Klaksvík.

Nógv fólk vóru samankomin at tosað um landbúnaðin og fleiri fyrilestrar vóru í gjøgnum allan dagin.

Politiskt kjak var klokkan fýra leygardagin og tað gjørdist eitt sindur heitt til tíðir, men tað var OK at man fær meiningar frá øllum vinklum og Beinta Løwe dugdi væl at vera orðstýrari og halda skil á og skera ígjøgnum, tá ið onkur hevði havt orðið dekan ov leingi.

Borðreitt var eisini við føroyskum viðskera og suppu. Samanumtikið ein stak væl eydna Búnaðarstevna 2025.

SáH

Enn einaferð hevur Team Rynkeby Føroyar skipað fyri gallaveitslu á Hotel Føroyum, leygarkvøldið 15. februar.

Vit takka øllum, sum gjørdu kvøldið so væl eydnað. Takk Hotel Føroyar fyri hølini, samskipararnar, kokkarnar og tænastufólkini. Takk til allar tónleikarar og undirhaldarar, borðstjóra og tykkum ið leiddu Sangin, veitarar av mati og drykkjuvørum, og síðst men ikki minst - túsund takk øll tit, sum keyptu atgongumerki og hava sett hetta kvøldið av - uttan tykkum, eingin kekkur🫶

Innkomni peningurin fer óskerdur til at hjálpa føroyskum børnum, sum verða rakt av lívshættisligum sjúkum, familjum teirra og til gransking í hesum sjúkum. 💛

Team Rynkeby - Føroyar