​Líðhamar er á veg inn av einum ordiligum roktúri. Teir hava roynt norðan fyri Føroyar.

Veiðan bleiv boðin út til Fiskamarknaðin Føroyar og høvdu teir heili 18.810 pund, tað mesta var hýsa og toskur, 14.000 pund hýsa, 4.700 pund toskur og restin annað fiskaslag, sjá søluna herundir.

Líðhamar hevur boðað frá landing klokkan 13:00 í dag.

SáH

LÍÐHAMAR – ( KG 602 )NFCS-27-02-2020   9.405

Lýsing Maverick Barr

Tað var ein maður á TV2 sum hevði verið í feriu í Lombardiet í norður Italien, sum er testaður positivur fyri Covid-19, sostatt var hann tann fyrsti danskarin, sum hevur fingið Coronavirus.

Konan og barni hjá teimum vóru eisini testaði, men tey vóru negativ.

Hetta ljóðar ikki gott og nú kann man gott siga, at Coronavirusið nærkast Føroyum ógvuliga skjótt, so vónandi hava okkara heilsumynduleikar støðuna undir kontrol.

Í løtuni eru 82.170 fólk smittað við Coronavirussið runt verðuna og 2.804 fólk eru deyð og 32.898 eru blivin fríðsk aftur.
​
Danmark er tað 15 landi í verðini sum nú hevur Corona virus.

Í løtuni hevur Heilsumálaráðið í Danmark tíðindafund, sjá fundin her, https://web.tv.fo/client-portal/custom/multiscreen/

Fylg við beinleiðis, hvussu nógv hava fingið Coronavirus beint nú, klikk her, “Coronavirus COVID-19 smittaði dags dato”


​
SáH

Var á støð, tá ið Stakkavík kom aftur í dag. Andru Poulsen hevði fingið vitjan av einum øðrum raskum skipara og á kajuni vóru tríggir við navninum Símun, Ein við Stakkavík, Ein við einari hvítari troyggju og ein við einum toski.

Gott lat á monnum. Stakkavík hevði hvat ein góðan túr og var slagi gott. Teir mettu veiðuna til góð 9.000 pund.

Petur Juel, Símun og Andru gjørdi klárt at fara avstað aftur við Stakkavík, tóku ís umborð og væntandi teir, at teir fóru til útróðrar aftur seinni í kvøld.

Her nakrar myndir frá í dag.

SáH

Nógv fólk vóru og vitjaðu Norðlýsið, tá ið tey høvdu opið hús frá kl. 13 til 15 í gjár.

News.fo og Norðoya Portalurin vóru eisini á gátt og helt eg eina líta røðu fyri mínar vinir á Norðlýsinum. Gávan var ein Jægermester og var tað symbol upp á, at ein fjølmiðil altíð jagstrar tí góðu søguna, eisini takkaði eg fyri góðu tíðina eg hevði á Norðlýsinum á Rygvegi 3.

Norðlýsið hevur keypt bygningin hjá Grannskoðan, har gamla Blikksmiðjan hjá Niels Juul Arge var á Klaksvíksvegnum.

Stjórin Jóhann Lützen var í góðum lag og tey vitjandi fingu kaffi og pinnamat.

Tillukku við nýggju hølinum Norðlýsið og vónandi fáa vit eitt gott samstarv.

SáH

Klokkan var 05.25 tá ið Klakkur rundaði Klakkin og sigldu teir runt um seg sjálvan 3-4 ferðir og síðani sigldu teir inn eftir Vágni og løgdu at hjá NFCS klokkan 06:00.

Klakkur byrjaði túr tann 23.01 og hava teir fiska á Flemish Cap og undir Føroyum frá 13. februar.

Teir hava fulla last, umleið 300 tons.

Teir vóur 20 mans við hendan túrin.

Skiparar eru Líggjas Johannesen og Bethuel Johannesen.

Vit ynskja skipara og manning vælkomin heim.

Her tvey filmsklipp, eitt tá ið Klakkur sigldu um seg sjálvan 3-4 ferðir og so eitt, tá ið teir sigldu inn eftir Vágni. Eisini nakrar myndir og eitt filmsklipp, har eg kom at siga 3.000 tons, men sjálvandi var tað 300 tons, orsakað tit á Klakki, soleiðis er at senda beinleiðis.

SáH

Lýsing Norðoya Sparikassi

​Beinta kom aftur kl. 06:00 í morgun. Beinta hevur roynt við línu sunnafyri í nátt. Kunoyarnes kom aftur kl. 09:00 og hevði hann roynt við línu norðan fyri Føroyar.

Veiðan bleiv boðin út til Fiskamarknaðin Føroyar og hevði Beinta 3.380 pund, tað mesta toskur og hýsa, 1.980 pund toskur og 700 pund hýsa. Kunoyarnes hevði 2.600 pund, tað mesta toskur og hýsa, 1.400 pund toskur og 1.200 pund hýsa.

Beinta landaði kl. 07:30 í morgun og Kunoyarnes landaði kl. 09.30.

SáH

BEINTA – ( KG 105 )NFCS-19-02-2020   1.690
KUNOYARNES – ( KG 323 )NFCS-19-02-2020   1.300

​ANRU royndi norðanfyri í nátt og er komin aftur av góðum túri.

Teir fingu 10.300pund, 6.000 pund av toski og 4.300 pund av hýsu.

Harumframt tóku teir eisini eini 2-300 pund av rogni.

ANRU hevur landað í Hvannasundi í morgun og veiðan er seld til Fofish.

SáH

Var ein kajtúr í gjár og fór á støð, tá ið Bragd kom aftur klokkan 16:00. Teir høvdu roynt við línu norðan fyri Føroyar og høvdu 11.500 pund, tað mesta var góðir toskur.

Har vísti teir mær ein løgna sjón, har teir høvdu fiska ein tosk og tá ið teir kruvdi hann, var ein stórur handski í maganum á honum.

So tann sum manglar eina handska stødd nr. 9, kann hann fáast hjá NFCS, søgdu teir við einum smíli.

Her filmsklipp og myndir av maganum og handskanum.

SáH

Lýsing AXIA Advokatar

Týsdagin 11. varð Pól Arni Holm settur sum leiðari á Føroya Eftirskúla á Tvøroyri.

Pól Arni er útbúgvin bachelorur, umframt útlærdur bygningssnikkari. Hann hevur síðan 2013 starvast sum leiðari á ungdómshúsinum á Tvøroyri, Pakkhús 4, har hann hevur staðið fyri at menna og skipa tilboð til tey ungu í býnum.

Pól Arni er eisini kendur úr tónleikaheiminum m.a. sum oddamaður í bólkunum Hamradun og Týr. Pól Arni tekur við einum heilt nýggjum og spennandi starvi og hann fær høvi at seta dám á tilgongdina frá byrjan. Eftirskúlin er eitt nýtt tilboð til ungdómin í Føroyum og uttanlands. Vónirnar eru stórar til ætlanina.

Eftirskúlin á Tvøroyri er tilboð og avbjóðing til Føroya ungdóm og ungdóm aðrastaðni frá at møtast og mennast og samstundis vinna sær førning í uppliving og upplýsing. Okur í Stýrinum fyri Føroya Eftirskúla ynskja Pól Arna blíðan byrð í nýggja starvinum og vóna, at hann fær dyggan stuðul frá Føroya fólki, lokalumhvørvi og landsmyndugleikum.

Føroya Eftirskúli á Tvøroyri er nýbrot í føroyskari skúlasøgu.

Kelda: Føroya Eftirskúli

SáH

Tann 1. januar í ár var fólkatalið 52.124 og vaks sostatt við 822 fólkum í árinum 2019. Tað svarar til ein vøkstur á 1,6%. Hetta kemur av einum burðaravlopið á 272, ið svarar til ein triðing av fólkavøkstrinum, og eini nettotilflyting á 550, ið svarar til tveir triðingar av fólkavøkstrinum.

Her síggja tit hvussu fólkatalið er býtt í millum økir o.a., klikk her ella á myndina: "Fólkatalið vaks við 822 fólkum í 2019".
​
Kelda: Hagstovan

SáH