Í gjár vóru 636 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

3843 kanningar vóru gjørdar seinasta døgnið. Í løtuni eru 3369 smittað, fýra eru innløgd, harav tvey vegna korona, og tvey eru innløgd av aðrari orsøk.

Heilsumálaráðið og Føroya Landsstýri

Uppskot til Løgtingslóg um stuðul til ávísar fyritøkur fyri fastar útreiðslur í sambandi við COVID-19

FRÁGREIÐING
Skotið verður upp at seta í verk eina stuðulsskipan fyri fyritøkur, sum reka diskoteks- og vertshúsvirksemi, ið er skipað eftir sama leisti sum stuðulsskipanin í hinum hjálparpakkunum, men tó við ávísum broytingum og tillagingum, undir hesum í mun til, hvussu stuðulin verður gjørdur upp.

Hoyringarfreistin er hósdagin 20. januar 2022 kl. 12:00.

UMMÆLISFREIST
20.01.2022

Umhvørvis- og vinnumálaráðið

Løgtingslóg

TAK NIÐUR
Uppskot Til Løgtingslóg Um Stuðul Til Ávísar Fyritøkur Fyri Fastar Útreiðslur Í Sambandi Við COVID 19 (Rættlisið)​

Landsstýrismaðurin í fíggjarmálum, Jørgen Niclasen, hevur valt tveir nýggjar stjórnarlimir í Realin.

Landsstýrismaðurin hevur valt Súsonnu Poulsen, bankastjóri í Hjelmland í Noregi, og Virgar Dahl, sjókundastjóra á Betri Trygging.

Súsanna Poulsen er 55 ár. Hon arbeiðir sum bankastjóri í Noregi og hevur útbúgving innan fígging. Hon hevur áður sitið í nevndini fyri BankNordik.

Virgar Dahl er 63 ár. Hann er útbúgvin skipsførari og sigldi, áðrenn hann fór á Tryggingina í 1989. Virgar hevur áður sitið í nevndini fyri Realin.

Úr stjórnini fara Sigurd Poulsen, fyrrverandi landsbankastjóri, og Gloria Kalsø, fyrrverandi lærari á Glasi.

Fíggjarmálaráðið

Klaksvíkar Kommuna hevur ikki spurt meg um loyvið til at teir kunnu brúka navni Varpið og tað gangi eg heldur ikki við til, at teir sleppa at brúka, tí tað navnið eigi eg og tað er skrásett í mínum navni ella mínum smápartafelag Klips.

Øll mín familja hevur arbeitt á Varpinum og tí var tað sjálvsagt at vit keypti okkum navnið Varpið og skrásetti tað í okkara smápartafelag og tí eiga vit navnið Varpið og tí er tað sera frekt, at man ikki ein gang verður eftirspurdur sum ognari av navninum Varpið og tað bara verður stjólið frá einum og í einari stórari móttøku í vikuni bleiv almennakunngjørt at nýggja Mentunarhúsið í Klaksvík skuldi eita Varpið og har ein fekk 10.000,00 kr. fyri sítt uppskot til navnið Varpið, sum vit eiga.

Hetta er næstu ferð at Klaksvíkar Kommuna stjelur frá okkum, fyrstu ferð var “Kioskini hjá Hans”, har teir uttan loyvið frá mær, flutti kioskina til aftanfyri Svimjihøllina og lótu einum heimleysum manni búgva í kioskina og tá ið hesin reint út sagt hevði skitið hann til, so brendur teir býarmyndina “Kioskina hjá Hans” á Buckwaldi.

Vit fingu null krónir fyri tað beistagerðina og nú er Klaksvíkar Kommuna í ferð við at stjala navnið Varpið frá okkum og tað sleppa teir ikki við.

Klaksvíkar Kommuna má finna sær eitt nýtt navn til Mentunarhúsið í Klaksvík, tí navnið Varpið eigi eg, sjá tekningrútskrift frá Skráseting Føroyar herundir.

Símun á Høvdanum

Lýsingarprísir, klikk bannara omanfyri!!!!

Í gjár vóru 729 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

5208 kanningar vóru gjørdar seinasta døgnið. Í løtuni eru 3003 smittað, sjey eru innløgd, harav fimm vegna korona, og tvey eru innløgd av aðrari orsøk.

Heilsamálaráðið og Føroya Landsstýri

Farsóttarnevndini hevði fund í gjár, har avgjørt bleiv at 31. januar verður hildið uppat at kanna við markið. Eisini varð avgerð tikin um at strika tilmælið um heimauppihald til 2. dag eftir komu. Hetta verður gjørt beinanvegin. Mælt verður tó framvegis til at fólk lata seg kanna 2. dag eftir komu.

Harumframt hevur Farsóttarnevndin avgjørt at linka sóttarhaldsreglurnar, soleiðis at “tættar kontaktir”, sum hava fingið 3. prik, ikki skulu í sóttarhald. Mælt verður tó framvegis til at hesi lata seg kanna 4. dag  og 6. dag.

Landsstýrið viðgerð í løtuni, hvussu farast skal fram framyvir, eitt nú í mun til tilmælini um náttarlívið og hvussu nógv fólk kunnu savnast. Løgmaður fer tí at umrøða støðuna við allar floksformenninar. Væntandi koma neyvari boð frá landsstýrinum seinni í vikuni.

Heilsumálaráðið og Føroya Landsstýri

Grunnur, Mentanarhús í Klaksvík skipaði í vetur fyri navnakapping til mentanarhúsið í Klaksvík, har freistin fyri at senda inn uppskot var 16. november 2021.

Heili 60 fólk ymsastaðni frá, sendu inn tilsamans 70 uppskot til navn. Stýrið fyri Grunnin hevur síðani viðgjørt uppskotini á nøkrum fundum – eisini saman við sakkønari hjálp.

Á fundi 11. januar 2022 var so avgerð tikin um at halda seg til uppskotið hjá Poulinu Slættanes – at navnið á mentanarhúsinum skal verða: Varpið!

Í dag var navnið avdúkað av Poulinu Slættanes á lítlari samkomu, sum var inni í høllini, ið er undir bygging, bygd sum ein stórhøll afturat norðanfyri posthúsið.

Umráðandi var at fáa eitt navn, sum er serstakt, lætt at minnast, lætt at siga og er serstakt fyri Klaksvík.Varpið er kent staðarnavn í Klaksvík, ið helst stavar frá Nólsoyar Páll. Í dag sæst ikki nógv til Varpið (gamla timburhandilin) ella Varpabrúnna.

Nólsoyar Páll skrivar til myndugleikarnar í 1806, at hann hevur bygt eitt “kølhalings varf”, ella eina beding, har hann kann fáa skip sítt umvælt. Aðrir sjófarandi fáa við hesum umstøður at bøta um teirra skip. Umstøður, ið ikki funnast aðrastaðir í landinum tá.

Orðið “varf”, ið Nólsoyar Páll skrivar, stavar frá enska orðinum “wharf”, ið merkir atløgubryggja til upp- og avskiping. Á gomlum Hálendskum finst orðið “werf” og “Scheepwerf”.  Varf er síðani vorðið til Varp og Varpið.

Tó er tað ikki staðarnavnið, Varpið, ið stýrið ynskir at flyta og brúka aðrastaðni!

Tað, stýrið leggur seg eftir í týdninginum av orðinum, er meira:

· Eitt varp er m.a. eitt pláss, har fuglur heldur til og eigur. Vit hava mong vørp í Føroyum, onkur teirra eru nær íbúðarøki og hava hesi upp ígjøgnum øldirnar havt stóran týdning fyri mannlívið. Bæði at vinna føði av og at kunna ræna.

· Tær ymsu listagreinirnar, sum framføra í húsinum, eru jú listafólk av ymsum slagi og sum bera hugmyndir í kviði, sum so verða ”verptar og ella varpaðar” á pallinum. Varpið er sostatt staðið, har listafólk verpa síni egg.

· Varpið ger listafólkini til fuglar, sum flúgva frítt, brúka og sýna sítt hugflog, og hava eitt stað at lenda og verpa á, - í Varpinum.

· Ein annar týdningurin er at varpa, sum merkir at kasta - og ger tað hetta eisini meira ítøkiligt og nærliggjandi, at hugbornir lutir verða til lutbornar ella luftbornar lutir, frá hugflogi til framførslur.

· Leikir, tónleikur og list verða varpað av pallinum út til hyggararnar. Hyggjararnir verða mettaðir við ”andligum eggum”, kundi ein sagt.

· Her kann leggjast afturat útvarp, sjónvarp, kringvarp, sum varpa ljós á ymisk tíðindi, eisini varpa ymiskar tónleika- og mentanarsendingar – At varpa er í hesum føri tað sama sum at miðla ella at umtala og greiða frá.

· Eisini merkir varp akker. Sagt varð til dømis: Skipið liggur fyri varpi á víkini. Hetta ber eisini tyngd og góðsku, tí tað ger mentanarhúsið til eitt stað, sum mentan í Klaksvík er ankrað í,   (forankrað í) - hon fýkur ikki fyri vág og vind.

Mongu línumenninir í Klaksvík hava brúkt varp ella dregg at halda línuni liggjandi á øki, hon er sett í.

Stýrið metir orðið, varpið, at sita væl, er hóskiliga stutt, hevur fleiri gagnir týdningar fyri brúkið av húsinum og ljóðar forkunnugt, samstundis sum tað er kent í Klaksvík í ymiskum brúki, sigur forkvinnan í stýrinum, Jóhanna C. Christiansen.

Jóhanna takkaði Poulinu Slættanes, vegna stýrið fyri hugskotið, ið stýrið fyri Grunnin, Mentanarhús í Klaksvík, hevur valt at taka av.

So viðtikið er, at navnið á mentanarhúsinum í Klaksvík verður, Varpið!

Klaksvíkar Kommuna

Løgmaður hevur í dag verið á fundi við danska forsætisráðharran Mette Frederiksen í Keypmannahavn.

Á fundinum umrøddu tey ymisk týðandi mál millum Føroyar og Danmark. Eitt nú, hvussu arbeiðið í nýggja  uttanríkis,- trygdar,- og verjupolitiska samstarvsráðnum, skal skipast framyvir. Føroyar hava í løtuni formansskapin í ráðnum, og fyrsti fundur verður í Føroyum í juni. Løgmaður og danski forsætisráðharrin umrøddu eisini spentu støðuna í Ukraina.

Løgmaður nýtti eisini fundin til at gera vart, at tað er óheppið, at danskir myndugleikar ikki hava tikið ynskið um betraði fongsulsviðurskifti í Føroyum við, nú nýggj langtíðaravtala er gjørd um karmarnar hjá Kriminalforsorgini.

Løgmansskrivstovan

415 tilburðir í gjár og nú eru heili 2654 smittað og 7 innløgd

Í gjár vóru 415 nýggir tilburðir staðfestir, vísa nýggjastu tølini hjá landslæknanum.

Øll tey smittaðu hava fingið boð.

2916 kanningar vóru gjørdar seinasta døgnið. Í løtuni eru 2654 smittað, sjey eru innløgd, harav fimm vegna korona, og tvey eru innløgd av aðrari orsøk.

Heilsumálaráðið og Føroya Landsstýri

Stakkavík gjørdist bestir í bólki 5A í 2021, teir fiskaði fyri 4.887.967 kr, tað mesta var hýsa og toskur, 2.524.347 kr fyri hýsuna og 2.004.955 fyri toskin og restin var annað fiskslag.

Hetta er triðja árið á rað at Stakkavík gerst bestur, í 2019 fiksaði Stakkavík fyri 6.477.376 kr. í bólki A , í 2020 fyri 3.863.508 í bólki B og í 2021 4.887.967 í bólki A.

Skipari á Stakkavík er Andru Poulsen.

Her listin yvir teir sum fiskaðu mest í 2021:
Stakkavík 4.887.967 kr.
Gordrúgvin 4.427.577 kr.
Falkurin 4.172.066 kr.
Luttur 2.785.026 kr.
Tróstur 2.427.948 kr.
Dalsenni 2.009.878 kr.
​Heidi 1.739.849 kr.
Hvítaberg 1.710.644 kr.
Bjørgvin 1.448.227 kr.
Barmur 1.404.710 kr.
Svanur 1.363.796 kr.

SáH