Norðoya Portalurin var til frumframførsluna hjá Guitaristarnum í gjárskvøldið í Spaniastovu og sigast skal beinanvegin, "Hendan sjónleikin mugu tit fara til".

Hann er sera skemtingarsamur og duga tey fýra Høgni Olsen, Jógvan á Høvdanum (Y), Sára Skarðenni og Maria Bláhamar sera væl at framføra.

Hetta skrivar tey á leikskránni um Guitaristarnir:
Sjáldan hava so nógvir flatir sangtekstir verið framførdir av so láturvekjandi amatør-guitaristum í so tápiligum umhvørvi.
Lina Knutzon dugir meistarliga at heingja høpisleysar gerandistvídráttir út á snór, og lata teir flákra í vindinum.
Leikstjórna sjónleikin hevur Rita Tórgarð.
Ein frálíkur sjónleikur, sum varar ein 1 tími og 20 minuttir og verður framførdir í Spaniastovu í Klaksvík.

​SáH

Almenni Býráðsfundurin í Klaksvíkar Kommunu var ikki langur íkvøld, bert hálvur tími gekk og so var fundurin slitin.

Tvey punkt vóru á skránni, fyrsta var at geva Jan Gardar loyvið at taka sætið í Býráðnum fyri Eyðstein Poulsen. Næsta punkt var samanleggjing av Klaksvíkar Kommunu og Húsa Kommunu og triðja punkt var tikið aftur og koyrt í Teknisku Nevnd, sostatt bert tvey punkt.

Sólarn Isaksen aftur Klaksvíkingur
Tað sum hevði mestan áhuga, var samleggingin av Klaksvíkar Kommunu og Húsa Kommunu. Nakrir Býráðspolitikkara tóku orðið á fundinum og allir vóru teir Ja-ligur at leggja saman við Húsa Kommunu og ynsku teir allir Húsafólki og Syrðadalsfólki vælkomin í Klaksvíkar Kommunu. 

Samanlegging verður endalig 1. januar 2017 og tá er so øll Kalsoyggin og Klaksvík ein kommuna.

Sólarn Isaksen og borgmeistarin Jógvan Skorheim vóru glaðir aftaná fundin og nú kann Sólarn Isaksen endiliga aftur kallað seg Klaksvíking.

SáH

Sera hált í Klaksvík og kl. 16.50 hendi hetta ferðsluóhappið við Kráargøta, har tveir bilar rendu saman. Løgreglan og sjúkrabilur vóru á staðnum, tá ið Norðoya Portalurin kom forbí.

Ein persónur bleiv koyrdir inn í sjúkrabilin og so hált var, at portørarnir høvdu ilt við at fóta sær á vegnum.

Vónandi var fólkaskaðin ikki stórir.

​SáH

Tann ógvusligi kavin í Amerika um vikuskiftið hevur kravt minst 30 mannalív, veit AFP at siga frá.

Kavin sum rakk góðar 71 cm verður eisini kallaður fyri Snowzilla av amerikumonnum.

JáH (y) 26.01.2016

Veit at ein bólkur er settur fyri stadionøkið í Klaksvík, har tað skal byggjast ein nýggjur fótbóltsvøllur og rennibreyt, men í tekningum sær man eisini, at har er ein 50 metur svimjihylir við í ítróttarmiðdeplinum, sum skal vera eystanfyri Svimjihøllina, men ongin frá Ægir er í hesari nevndini. Klaksvíkar Ítróttarfelag og rennifelagið Treysti eru við í nevndini, men hví er ongin frá Ægir í nevndini?

Ægir hevur luttikið í "Reykjavík Internations Games 2016" seinasta vikuskiftið og har gjørdi SuSvim í Vági eitt ordans hál, har tey settu 27 met í langgeil og har Ægir setti 2 met, so nú er sjón fyri søgn, at skal Ægir gera seg galdandi í framtíðini, so má fáast ein 50 metur hylur skjótast gjørligt.

Hetta skrivar formaðurin í SSF á heimasíðuni www.svimjing.com

Nú renna suðuroyingar frá restini, vegna Pálshøll
Nú januar er um at vera liðin, kunnu vit staðfesta at tað til nú í ár eru sett 12 nýggj føroysk met og 17 føroysk juniormet, ella 29 met tilsamans, harav suðuroyar eiga øll uttan tvey. Stóri spurningurin er, um vit ikki longu nú síggja effektina av nýggju Pálshøll, og kunnu vænta at tey renna enn meira frá restini, tess longur vit koma út á árið.......Les alla greinina her: "Nú renna suðuroyingar fra´restini, vegna Pálshøll"

Ægir hevur verið og er stoltleikin innan føroyska svimjing, men skulu vit gera okkum galdandi, so krevst at vit fáa somu sømdir sum hini svimjifeløgini í Føroyum. Pálshøll er komin og Havnin er komin langt við teirra ætlanum, at gera ein 50 metur hyl í Tórshavn og nú er mín spurningur, hvat æltar Klaksvíkar Kommuna við svimjing í Klaksvík?

SáH

Hetta stóð á Facebook vanganum hjá Kristian Eli Zachariasen tann 30. desember, har hann gerð greitt, at Klaksvíkar Kommuna hevur keypt húsini omanfyri heimið við Vágna og økið við, Men Helen Waag, skrivar sama dag "Mær vitandi eru tey IKKI seld enn" og sum øllum kunnugt, so kemur Helen frá á Bakkanum, so hon átti at vita, men hetta skrivar Kristian Eli:

Grønt øki á Bakkanum
Klaksvíkar Kommuna hevur keypt økið omanfyri Heimið við Vágna, vanliga nevnt á Bakkanum. Á økinum standa millum annað fleiri gomul trø og runnar. Í byrjani av komandi ári, verður farið í holt við at fríðka um og gera tað til eitt grønt øki. Húsið, ið er á økinum, verður tikið niður. Økið verður gjørt meira atkomuligt og opið, millum annað við at gera gøtur, sitipláss og aðrar hentleikar til gagns fyri okkum øll.

Nógv hava gjørt viðmerkingar og nú vil Norðoya Portalurin vita, um Klaksvíkar Kommuna hevur keypt húsið og økið. Eisini hevði verið áhugavert, um keypssáttmálið er gjørdir at fingið at vita, hvat prísurin var?

SáH

IS (Islamiskur Statur) planleggur stór álop, sum skula vera framd í næstum í Evropa, sigur Europol.

Europol eru bangin fyri, at IS fer at skapa álop í einum størri skala ymisk støð í Evropa og at álopini higartil bert er byrjanin til nakað heilt ræðuligt.

JáH (y) 25.01.2016

Ógvusligi kavin (eisini kallaður: Snowzilla) í Amerika hevur nú kravt sítt 19. inda mannalív og kaos er kring nógvir statir í Amerika.

Les: Kavastormurin í Amerika

Tey biðja nú fólk at vera innandura og ikki fara út - tí tað er ikki koyrandi nógva staðnis.

Les eisini: Ógvusligasti kavin í Washington D.C. í 100 ár

Serliga er tað eisini farligt, at koyra - tí nógva staðni er illa grivið og av teim 19 sum deyð eru av kavanum eru fleiri av teimum deyð í ferðsluvanlukkum.

JáH (y) 24.01.2016

Tað varð undan konsertini hjá Zara Larsson í 2015, at 90 menn úr Afganistan byrjaðu at føla uppá ungar kvinnur og børn.

Les eisini: Løgreglan í Svøríki meldar seg sjálvan

We Are Sthlm festivalurin og svenska løgreglan hevur verið undir stórum kritikki, tí at onki bleiv gjørt við, at kynsligur ágangur varð framdur á festivalinum.

Nú er tað so komið framm - at hesin planlagdi kynsligi ágangur varð framdur av monnum úr Afganistan og vóru hesir menn flóttafólk og friðskjólsøkjarar. Svenska fólkið er í øðini og ynskir at greiða kemur á støðuna umgangandi. Svøríki hevur annars tikið ímóti 200.000 flóttum síðsta ár.

Les eisini: Politistjórin úr Köln uppsagdur

Hendingin í Svøríki sá dagsins ljós - eftir kynsliga yvirgangin í Köln, Týsklandi - har fleiri kvinnur blivu neyðtiknar Nýggjáraftan av flóttafólkið & friðskjólsøkjarum og melda bleiv til løgregluna.

JáH (y) 24.01.2016

Skúlaskjótingin í Kanada sum kravdi tvey mannalív í skúlanum, men sum eisini kravdi tvey mannalív heima hjá brotsmanninum - har hann eisini drap sínar egnu brøðir - er nú ákærdur fyri morð á 4 fólk.

Les eisini: Kanada: Skotbardagi kravt 4 mannalív

Og tann sum skjeyt varð einans ein 17 ára gamal drongur og varð eisini ein næmingur í skúlanum.

JáH (y) 24.01.2016