Dalsenni kom aftur klokkan 11:45 í morgun. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar, teir høvdu teir 5.522 pund, tað mesta var hýsa og toskur, 4.800 pund hýsa, 650 pund toskur og restin annað fiskaslag.

Landa bleiv til NFCS klokkan 12:00.

​Myndir tiknir í dag tann 25.08.2020.

SáH

DALSENNI - ( KG 301 )NFCS-25-08-2020   2.761​

Ein sera vøkur sjón tá ið Sjúrðaberg kom á Klaksvík í góða veðrinum í morgun á fyrsta sinnið.

Teir fóru úr Cuxhaven leygardagin, so túrurin hevur gingið skjótt og gott, nú teir longu eru í Klaksvík.

Tað var Hanus Hansen, sum tók ímóti endanum og eg fekk eitt prát við reiðaran og í meðan vit tosaði, so slitnaði stóru togendin, men tíbetur rakti hann ongan.

Rólvur í Norðnástovu sum var skipari hendan fyrsta túrin, var sera róligur, Hanus bað hann bakka eitt sindur og teir fingu ein annan enda á land og so var tann trupuleikin loystir.

Nakað av fólki vóru á kajuni, men har slapp ongin umborð og ongin slapp í land vegna Korona.

Manningin skal kannast fyri Korona og eru teir allir negativir, so sleppa teir í land.

Sjúrðaberg skal fiska kongafisk í Irmingarhavinum og eisini skal hann fiska av kvotuni í Barentshavninum. Skipara vera Rólvur í Norðnástovu og Ásmundur Olsen. 50 mans vera við skipinum.

Vit ynskja reiðarí, skipara og manning góðan byr í framtíðini. Tað var doyligt at fáa ein nýggjan Sjúrðaberg til Klaksvíkar aftur.

Her myndir tiknar í dag tann 25.08.2020.

SáH

​Polarhav og Stjørnan komu aftur klokkan 05:00 í morgun. Teir hava partrola eystanfyri Føroyar.
 
Landa verður til Kósina í morgun og høvdu teir 400.000 pund, meginparturin var upsi.
 
Teir byrjaði túr tann 14. august.
 
Símun á Høvdanum

Dýrindal kom aftur tíðliga í morgun. Teir hava trola á landleiðini og norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 23.000 pund, tað mesta var reyðsprøka og tunga, 7.600 pund reypsprøka, 7.000 pund tunga og restin annað fiskaslag, sjá søluna herundir.

Við Dýrindal vóru fýra mans.

Túrurin byrjaði tann 17. august.

Landa var til NFCS og byrjaðu teir at landa Dýrindal klokkan 07:00 í morgun.

Her myndir frá í morgun.

SáH

DÝRINDAL - ( KG 474 )NFCS-21-08-2020   11.500

Stakkavík kom aftur klokkan 08:25 í morgun. Teir høvdu roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 4.574 pund, tað mesta var hýsa og toskur, 2.900 pund hýsa, 1.500 hýsa og restin annað fiskaslag, sjá søluna herundir.

Landa bleiv til NFCS.

SáH

STAKKAVÍK - ( KG 748 )NFCS-17-08-2020   2.287

​Búgvin er komin aftur tíðliga í morgun. Teir hava trola á landleiðini og eystanfyri.

Veiðan bleiv boðin út til Fiskamarknaðin Føroya, teir høvdu 40.400 pund, tað mesta var havtaska og tunga, 16.000 pund havtaska, 9.312 pund tunga og restin annað fiskaslag, sjá søluna herundir.

Við vóru fýra mans og skipari var Ísak Petersen.

Teir byrjaði túr tann 7. august.

Landa bleiv til NFCS og byrjaði teir at landa Búgvan klokkan 05:00 í morgun.

SáH

BÚGVIN - ( KG 119 )NFCS-17-08-2020   20.200

stakkavík kom aftur klokkan 11:35 í dag. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 7.190 pund, tað mesta var hýsa og toskur, 5.100 pund hýsa, 1.700 pund toskur og restin annað fiskaslag.

Landa bleiv til NFCS klokkan 11:45.

SáH

STAKKAVÍK - ( KG 748 )NFCS-14-08-2020   3.595

Líðhamar kom aftur klokkan 10:45 í dag. Teir hava roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 7.124 pund, tað mesta var hýsa og toskur, 6.300 pund hýsa, 450 pund toskur og restin annað fiskaslag, sjá søluna herundir.

Líðhamar hevði 8.500 pund í gjár og mikudagin høvdu teir 10.000 pund, tá bleiv landa á Eiði.

Í dag landa teir til NFCS og eru teir byrjaður at landa Líðhamar júst nú.

SáH

LÍÐHAMAR - ( KG 602 )NFCS-14-08-2020   3.562

Gjógvarenni kom aftur klokkan 08:23 í morgun. Gjórgvarenni hevur roynt við línu norðan fyri Føroyar.

Veiðan bleiv boðin út til Fiskamarknaðin Føroyar og høvdu tey 2.120 pund, tað mesta var toskur og hýsa, 1.240 pund toskur, 820 pund hýsa og restin annað fiskaslag, sjá søluna herundir.

Við Gjógvarenni eru tvey fólk, Jóannes Mikkelsen og konan. Gott lag var á Jóannes í morgun, spurdi hvar konan var og svaraði hann, at hon svav ein uppibornan svøvn.

Landa bleiv til NFCS klokkan 08.30 í morgun.

Her myndir tiknar í morgun tann 14.08.2020.

SáH

GJÓGVARENNI - ( KG 333 )NFCS-14-08-2020   1.060

Dýrindal kom aftur tíðliga í morgun. Teir hava trola á landleiðini og norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 21.300 pund, tað mesta var tunga, reyðsprøka og toskur, 7.900 pund tunga, 5.900 pund reyðsprøka, 4.500 pund toskur og restin annað fiskaslag, sjá søluna herundir.

Teir eru fýra mans við og skipari er Aksal Dahl Olsen.

Dýrindal byrjaði túr tann 10. august, so hetta gjørdist ein skjótur túrur.
​
Landa bleiv til NFCS og byrjaður teir at landa Dýrindal klokkan 07:00.

SáH

DÝRINDAL - ( KG 474 )NFCS-14-08-2020   10.650