Russland frátekur sær alla ábyrgd, at tað skula vera teir, sum hackaðu seg inn á telduna hjá Hillary Clinton undan Valstríðnum í Amerika herfyri ...

Núverandi Forsetin í Amerika, Barack Obama hevur júst burturvíst 35 sendiharrar úr Amerika av somu orsøk og tað heldur russiski Forsetin Vladimir Putin lítið um.

Hósdagin kunngjørdi Barack Obama fleiri stig, sum Amerika ætlar sær at taka ímóti Russlandi í kjalarvørinum av, at tað skal vera Russland, sum hackað hevur seg inn á Amerika. Men komandi Forsetin, Donald J. Trump hevur alment úttalað seg, at hann ætlar ikki at føra haturspolitikk ímóti Russlandi og at hann heldur ætlar sær at tosað við Putin um tað heila, so at londini bæði kunna finna eina loysn saman.

JáH (y) 30.12.2016 

Sjálvt um tey flestu roknaðu við tí, so skuldu also nakrar stemmur afturat frá tí amerikanska Valumdømunum ...

Men nú hevur hann so fingið tær 270 stemmurnar, sum hann hevði brúk fyri og formelt verður Donald J. Trump tann næsti amerikanski Forsetin.

God help us all ..!

JáH (y) 20.12.2016

Hillary Clinton, sum tapti ímóti Donald J. Trump til Forsetavalið - hevur verið sera kvirr í seinastuni um valúrsliti ...

Men nú hevur hon brotið ísin og fortelur í einari samrøðu, at russiski Forsetin Vladimir Putin hevur skyldina av, at hon tapti. Hon metir at Putin persónliga hevur havt ein fingur í spælinum, tá ið hennara emails blivu hackað og at júst hetta førdi til, at Trump vann dystin.

JáH (y) 17.12.2016

​Vit, borgarstjórar í kommununum í Norðoyggjum, Eysturkommunu og Fuglafjarðar kommunu taka fult og heilt undir við at umskipa 1870-vaktartænastuna, so hon tryggjar borgarunum í Norðurøkinum og Eysturoy eina betri og skjótari tænastu. Vit heita tí inniliga á landsstýriskvinnuna í Heilsumálum um at taka undir við tilmælinum í Heildarætlanini fyri Heilsutænastur í Norðurøkinum um eisini at skipa tænastur í sambandi við 1870 á Klaksvíkar sjúkrahúsi.

Síðani kommunulæknavaktin varð broytt og miðsavnað í Tórshavn, hava borgarar í Norðurøkinum og Eysturoy upplivað, at tænastan er versnað nógv, tí eingin nøktandi og skipað vakttænasta er í nærøkinum. Eingin avtala er heldur um samstarv millum 1870 og Klaksvíkar sjúkrahús, og tí er tilvísingin og tilgongdin til sjúkrahúsið mangan óskipað og tilvildarlig.

Les meira HER

Kelda: Klaksvíkar Kommuna

Í morgun varð frágreiðingin um føroysku PISA kanningina í 2015 løgd fram og handað  landsstýriskvinnuni í mentamálum, Rigmor Dam.
​
Hetta er fjórðu ferð, at Føroyar luttaka í altjóða PISA kanningini. Og aftur hesu ferð er framgongd í føroysku úrslitunum. Føroysku næmingarnir klára seg best í støddfrøði, størsta framgongdin er í lesing, og í náttúruvísindum hava vit avbjóðingar. Lítil munur er á gentum og dreingjum í støddfrøði og náttúruvísindum, og flestu føroysku næmingarnir liggja beint niðanfyri miðuna samanborið við miðal í OECD. Tað eru ikki nógvir næmingar í besta bólkinum, og samstundis so flyta alsamt fleiri næmingar seg úr veikasta bólkinum upp í bólk tvey og trý.

Les meira HER

Kelda: Løgtingið