Hesa vikuna fer løgmaður á ársfund í Norðurlandaráðnum, sum verður hildin í Reykjavík.

Evnið á ársfundinum er ”Hvordan kan vi øge muligheden for et tættere samarbejde i Norden?”.

Løgmaður skal taka lut á fleiri fundum í Reykjavík.

Eitt nú skal hann á fund við sínar norðurlendsku starvsbrøður- og systrar. Løgmaður skal eisini hitta Sigmundur Davið Gunnlaugsson, forsætisráðharra Íslands.

Nú Høgni Hoydal hevur sitið sum Fiskimálaráðharri síðan 15. september, so hava fjølmiðlar onki fingið at vita frá honum - nú næstan ein heilur mánaði er liðin, síðan hann tók við starvinum.

Mangir reiðarar sita sikkurt við gráum hárið kring Føroya land - tí ilt er at spáa um hvat nú fer at henda í fiskivinnuni - men sum sagt, vit hoyra onki frá Høgna sjálvum og ei heldu er nøkur uppdatering av heimasíðuni hjá Fiskamálaráðinum. So faktist - so sita vit eitt sindur spent og bíða, Høgni ..!

​JáH (y) 05.10.2015

Løgmaður tekur í morgin lut á norðurlendska forsætisráðharrafundinum, sum verður hildin á Marienborg, norðanfyri Keypmannahavn.

Millum málini, sum eru á skrá, eru marknaforðingar millum norðanlond, samstarvið um Arktis og umhvørvismál.

-Samgongan hevur sett sær sum mál at stremba eftir sjálvstøðugum limaskapi í Norðurlandaráðnum. Landsstýrið hevur, í samsvari við einmælta løgtings­samtykt, framvegis sum mál at gerast sjálvstøðugur limur, sigur Aksel V. Johannesen, løgmaður.

Á fundinum í morgin verða allir forsætisráðharrarnir í Norðanlondum, stjórnarleiðararnir úr Grønlandi og Føroyum, forsetin í Norðurlandaráðnum og aðalskrivarin í Norðurlendska Ráðharraráðnum.

Stutt um norðurlendsku forsætisráðharrafundirnar

Norðurlendska stjórnarsamstarvið byggir á Norðurlendska Ráðharraráðið. Norðurlendsku for­sætismálaráðharrarnir hava evstu ábyrgd av samstarvinum, eins og tað eru teir, ið seta nýggj, stór mál á skrá.

Meira fæst at vita við at venda sær til Páll Holm Johannesen, kunningarráðgevi, tlf.551040

JáH (y) 02.10.2015
Kelda: Løgmansskrivstovan

Annika Olsen fór fyrst úr Fólkaflokkinum - síðan fór hon í Framsókn - har hon so eisini valdi at fara úr - vegna óvanligt politisk trýst á hana. Les eisini: Annika kemur við einari frágreiðing HER.

Nú hevur hon so eina endaliga frágreiðing um hví so varð - og kanst tú síggja tað videoklipp HER.

JáH (y) 01.10.2015