Allir flokkarnir bjóða seg fram til fólkatingssess. Fyri at røkka sessunum, stilla allir upp sum frægast - eisini kvinnur í ymsum tali.

Fólkaflokkurin verður hartaður fyri bert at hava tvær kvinnur á listanum, meðan Javnaður, Tjóðveldi og Framsókn breggja sær av javnstøðu, sum eisini er væl loftað í miðlunum.

Spurningurin er so, hvørjir flokkar ynskja veruliga kvinnu á Fólkating?

MunnuJavnaður,Tjóðveldi ella serliga Framsókn vilja, at mannligu frontfigurarnir verða yvirhálaðir av eini kvinnu? Hugsið bara um Sjúrð/Aksel, Høgna og Poul - nei, ikki sannheit?!

Hjá hesum flokkum er uppstillingin tílítið annað enn javnstøðu-gluggapynt.

Upp móti hesum veruleika hevur Fólkaflokkurin sett sítt besta kvinnuliga valevni í fremstu røð.

Fólkaflokkurin hevur eisini tryggjað sær, at atkvøðurnar á listanum ikki verða pettaðar sundur valdagin, so kvinnuliga umboðanin dettur niðurfyri - soleiðis, sum hinir flokkarnir sýnast at gera.

Og Fólkaflokkurin veit eisini, at Annika Olsen er framúr egnað til Fólkatingssessin. Annika hevur umsitið burturav truplasta málsøkið farnu árini. Og tað hevur hon gjørt serstakliga væl.

Hennara drúgvu royndir í politikki síðani 2008, har hon hevur staðið fatt og dugnalig á teimum málsøkjum, hon hevur umsitið, ger hana til besta og sjálvsagda kvinnuliga valið í Føroyum.

Tað veit Fólkaflokkurin. Tað vit øll, sum hava minsta skil fyri politikki.

Tí hevur flokkurin ikki hópin av kvinnum á listanum bert fyri at náa einum politiskt korrektum javnstøðutali.

Í mun til hinar flokkarnar, satsar Fólkaflokkurin veruliga uppá møguleikan at fáa eina dugnaliga kvinnu á danating, nú vit hava rundað 100 ár síðani kvinnurnar fingu grundlógartryggjaðan valrætt.

Bjarni Djurholm

Tað var ein tíð, tá tað ikki loysti seg at arbeiða. Loysti seg ikki at taka eitt tak ella ein tíma afturat, tí landið fór við vinninginum. Skatturin var alt ov høgur. Tað køvdi allan framburð.


Tí kom Fólkaflokkurin við flatskattinum.

Nú loysir tað seg aftur at arbeiða. At taka ein tíma afturat. At arbeiða longri. Nú er tað arbeiðarin, ið situr eftir við vinninginum - ikki landið. Tí er hugurin at arbeiða størri. Tað síggja vit eisini í feskastu tølunum frá hagstovuni.

Sambært hagstovuni vóru samlaðu árstíðarjavnaðu lønarútgjaldingarnar fyrstu 4 mánaðirnar av 2015 2.625 milliónir kr. í mun til 2.443 milliónir kr. í 2014. Munurin er 182 milliónir kr. Ein vøkstur á 7,4%.

Fólkaflokkurin fegnast um góðu gongdina, tí tølini vísa enn einaferð, at flatskatturin er við til at skapa vøkstur og framgongd.

Norðoya Fólkaflokksfelag hevur fingið nýggjan forðmann. Eftir drúgva tið sum formaður, hevur Absalon í Buð avgjørt at leggja frá sær og í hansara stað er komin Símun Gullaksen.

Nýggi formaðurin í Norðoya Fólkaflokksfelag hevur drúgvar royndir innan vinnulív og í løtuni er hann bóndi úti í Fuglø og drívur fyritøkuna Grafia saman við konuni Jastrid Gullaksen í Klaksvík.

Tillukku við nýggja starvinum Símun Gullaksen.

SáH