Árligu føstu samsýningarnar eru kr. 11.500.000,00 til nevndarlimir og formenn, og Kári P. Højgaard, tingmaður fyri Sjálvstýrisflokkin ynskir svar uppá hvussu hesi viðurskiftini verða umskipaði, eins og løgmaður fyrr hevur fráboðað. 

Løgmaður hevur fyrr tala fyri at minka talið av almennum nevndum og ráðum, og Kári P. Højgaard, løgtingsmaður vil nú hava løgmann at svara hvussu støðan nú er. 

Menn strúka avstað 
Í 2013 setti løgmanskrivstovan eitt arbeiði í gongd, fyri at gera eitt fullfíggja yvirlit yvir upplýsingar um nevndir og ráð, ið landsstýrið varðar av. 

Dagførda álitið staðfestir, at samsýningar í almennum partafeløgum eru munandi hægri enn í almennum nevndum. Eisini eru nógv fleiri menn enn kvinnur, ið manna almennu nevndirnar. 

Í síni fráboðan segði løgmaður tá, at landsstýrið fer at kanna, hvussu nevndarøki kann umskipast, fyri at tryggja fakliga dygd, størri gjøgnumskygni og bíligari rakstri. 

Eru nakrar broytingar gjørdar? 
Nú eitt ár er farið afturum síðani løgmaður ætlaði at minka talið av almennum nevndum og ráðum, vil Kári P. Højgaard, løgtingsmaður hava at vita, um talið av almennum nevndum og partafeløgunum er minkað? 

Eisini vil løgtingsmaðurin hava at vita um landsstýrið hevur tikið nøkur stig fyri at bøta um ójavna kynsbýti i almennum nevndum, og um løgmaður heldur, at tað er í lagi, at stórur munur er á løn/samsýning í almennum partafeløgum/nevndum. 

Blíðar heilsur, 

Sjálvstýrisflokkurin

Mentamálaráðið, Kommunufelagið, Norðurlandahúsið og LISA hava í dag undirskrivað nýggja samstarvsavtalu um Listaleypin.

Listaleypurin er eitt gott amboð at kveikja forvitnið hjá næmingunum og teirra vitan og fatan fyri listarligum arbeiði. List og mentan hava stóran týdning í menningini bæði hjá einstaklinginum og samfelagnum sum heild.Tað er tí umráðandi, at børn og ung læra um og fáa innlit í ymsar listagreinar, so at tey kunnu seta orð á og saman við øðrum umrøða listarlig avrik.

Røðan, ið Bjørn Kalsø, landsstýrismaður, helt í Kollafjarðar skúla í dag, kann lesast her.

Kelda: Mentamálaráðið

Løgmaður skal hesa vikuna á fleiri fundir í Danmark.

Mikudagin er fundur við Martin Lidegaard, danska uttanríkisráðharran, og hósdagin er fundur við Helle Thorning-Schmidt, danska forsætisráðharran, á skránni.

Á ferðini skal løgmaður eisini hitta Margrethu drotning, til móttøku í Fólkatinginum og hátíðarhald í Operuni, nú hon fyllir 10 ár.

Løgmaður kemur heim aftur fríggjadagin.

Kelda: Løgmansskrivstovan

Andstøðutinglimir á vinstravonginum føra javnan fram,  at ríkidømið Føroya fólks   ikki kemur nóg nógvum til góðar. At tað eru ov fá, sum fáa ágóðan av stóra fiskiríkidøminum, sum vit hava upplivað síðstu árini.  Tey ríku blíva bara uppaftur ríkari. 

Tey duga sítt handverk.
Áðrenn eg fari víðari vil eg líka fyrst minna á, at um vit ikki áttu dugnalig vinnulívsfólk, sum dugdu sítt handverk, so var onki ríkidømi at fara eftir og tí heldur onki at klandrast um.
Tað nyttar  onki at hava stór virðir svimjandi runt um Føroyar, um vit  ikki duga at fáa gagn burtur úr teimum. Og tað duga vit. 
  
Sangurin  um  fiólina kom mær til hugs í hesum sambandi.  Fiólin fekk ikki virði, fyrrenn hon kom í hendurnar á einum, sum dugdi at stemma  og spæla uppá hana. 

Ongin áhugi var fyri fiólini áðrenn. Hon var gomul, ljót og støvut.  
Aktørarnir í fiskivinnuni í dag duga sítt yrki og tað hava teir altíð gjørt. Fiskivinnan hevur ment  og endurnýggjað seg upp ígjøgnum tíðirnar, hóast ofta trupult og tungt. Tað er neyðugt og altavgerandi, at tey sum fáast við fiskivinnu og alt annað virksemi duga sítt yrki. Flest alt vinnuligt virksemi mennir seg yvir tíð og lagar seg eftir umstøðunum Tað er tí umráðandi at vinnan hevur ráð at víðarimenna seg og gera seg betri og betri. 

Øll fáa ágóðan á ein ella annan hátt.
Vit vita øll,  at fiskivinnan og alivinnan eru  okkara fíggjarligu  grundsúlur, sum alt annað byggir á.

Tað er ikki heilt rætt, tá andstøðan førir fram, at tað eru ov fá, sum fáa ágóðan av hesum ríkidømi. Møguliga kundu uppaftur fleiri  fingið størri ágóða, men vit fáa øll meir ella minni ágóða á ein ella annan hátt.   
Fiskivinnan og alivinnan á sjógvi og landi føðir og klæðir flestallar føroyingar beinleiðis ella  óbeinleiðis.
Tað er sjálvsagt nógv annað sum skal til í einum vælferðarsamfelagi sum okkara. Heilsuverk, skúlaverk, stovnar, skrivstovur og  privat fyritaksemi.  Har starvast dagliga nógv fólk, sum gera eitt stórt virðismikið arbeiði. Hesi eru sanniliga virðismikil og neyðug eisini.   


Bara fyri at byrja við byrjanini, so ganga okkara børn  í vøggustovu og barnagarð og síðan 10 ár í fólkaskúla. Nakað av foreldragjaldi er , men annars ókeypis. Ókeypis útbúgvingar á fróðskaparsetrinum fyri allar føroyingar. Ókeypis heilsuverk fyri allar føroyingar,  óansæð inntøku.  Ókeypis at fara til kommunulæknan hjá øllum.  Og  ert tú so óheppin at fáa eina álvarsama sjúku, sum ikki kann viðgerðast í Føroyum, ja so hevur tú tilboðið at sleppa til DK til viðgerðar. Ókeypis. Heilsuverkið hevur  enntá eitt 1.klassa sjúkrahotell, har sjúklingar kunnu búgva ókeypis.

Er farið í gongd í hesum valskeiðinum.
Nógv nýtt er  bygt til børn og ung við serligum avbjóðingum í hesum valskeiðinum.  Kundi nevnt:
Nýggjur depil til børn og ung við fjølbreki í Runavík.
Íbúðir til fólk við serligum avbjóðingum verður bygt í Eysturoynni   í løtuni. 
Íbúðir til fólk við serligum avbjóðingum verður bygt í Klaksvík í løtuni.
Fountain House er upplatið í Tórshavn í 2014.
Virknis- og umlættingardepil verður bygdur  í Sandoynni til børn og ung við serligum tørvi.
Íbúðir til sálarsjúk í Havn osv.

Kundi eisini nevnt:
Barnahús í Tórshavn er latið upp, sum tryggjar samskipaða tænastu og nýggja vitan um harðskap móti børnum.
Avtala gjørd um fylgjaraskipan til fólk, ið bera brek osv osv
Felags fyri alt hetta er, at  tá føroyingurin hevur brúk fyri onkrum av hesum tilboðunum, hava øll sama rætt.  Tað verður ikki tikið hædd fyri hvør tú ert, inntøku, hvørjum báti tú siglir við osv..
Alt fólkið frá hægst til lægst fáa her ágóðan av fólksins ogn. 
Fiskurin hevur goldið fyri alt hetta umframt nógv annað. Jú sanniliga verður okkara ogn nýtt til okkum øll.

Fleiri arbeiðspláss
Í dag er arbeiðsloysið í Føroyum tað minsta í Evropa. Ja, enntá minni enn í Norra, sum er eitt oljuland. Norra verður mett at vera besta land í heiminum at búgva í, og er okkara næsti granni. 

Nógv nýggj arbeiðspláss eru skapt í  Suðuroynni við nýggja uppisjóvarvirkinum Varðin Pelagic. Nýtt uppisjóvarvirki  í Fuglafirði . Nógv nýggj arbeiðspláss.  Gloymið heldur ikki sjómenninar, sum  sigla við hesum skipum. 

Sjálvt Kommunurnar  hava ongantíð fyrr fingið so nógvan pening inn sum nú. Hvar koma pengarnir frá? Jú fyri stóran part frá fiskiríkidøminum og alivinnuni og avleidda virkseminum frá tí. Fólksins ogn kom aftur her fólkinum til góðar. 

Skattatrýstið í Klaksvík harmar meg.
Skattatrýstið í Klaksvík harmar meg.  Her situr vinstravongurin  við valdi saman við Sjálvstýrisflokkinum. Hetta eru somu flokkar, sum sita í andstøðu á løgtingi í dag.  Tey gera seg til talsmann fyri Palliba og Marsannu, men hóast tað, so  halda tey,  at  Palliba og Marsanna skulu gjalda meira  skatt. Hetta hóast tað ongantíð nakrantíð í býráðsins søgu er komnar so nógvar krónur  í kassan. Um hesir flokkar koma til valdið aftur á løgtingi, so hava fólk fingið eina greiða ábending um, hvat tey kunnu vænta sær, nevniliga meir skatt. 

Kenniteknið fyri vinstravongin er jú,  at hann heldur peningin liggja  betri í almennu kassunum enn í lummanum hjá tí, sum hevur arbeitt fyri peningin. Tey meta, at almennu kassarnir  vita best, hvat peningurin skal brúkast til.

Skattalætti til øll  
Við teim borgarligu í Tinganesi fekk Føroya fólk  skattalætta (flatskatt), sum vildi nakað. Nógv eru glað og takksom fyri henda skattalætta , sum hevur gjørt dagligdagin lættari. Enn er tó ikki komið á mál, tí  fólk við vanligari arbeiðsmannaløn  merkja ikki nóg nógv til skattalættan. Arbeitt verður fram ímóti,   at hesi eisini skulu merkja skattalætta.

Elsebeth Mercedis Gunnleygsdóttur

Á heimasíðuni hjá Klaksvíkar Kommunu hava teir longu lagt eina dagsskrá út - hvussu teir komandi Býráðsfundirnir fara at vera og eisini plaga fundirnir at vera "live" streymaðir á teirra heimasíðu www.klaksvik.fo - so hevur lokal politikkur tín áhuga, so er at møta upp til fundirnar hjá Klaksvíkar Býráð niðanfyri:

Føstu almennu fundir Klaksvíkar býráðs í 2015 eru hesir:

29. januar - 26. februar - 26. mars - 30. apríl - 28. mai - 25. juni
- 10. september - 8. oktober - 12. november og 10. desember

Í juli og august heldur býráðið summarfrí. Býráðsfundirnir verða vanliga hildnir kl. 17.30 í býráðshøllini - Nólsoyar Pálsgøta 32.

JáH (y) 07.01.2014
Kelda: Klaksvíkar Kommuna

Í nógv ár hevur verið tørvur á at dagføra løgtingsvallógina og kommunuvalógina. Í hesum sambandi eru tvey lógaruppskot send í almenna hoyring: «Uppskot til løgtingslóg um val til Løgtingið» og «Uppskot til løgtingslóg um val til kommunur».

Í uppskotunum verður m.a. minsta stødd av valstaði hækkað til 100 veljarar, fyri at tryggja grundleggjandi rættin til at atkvøða loyniligt. Samstundis verður rætturin til at greiða brævatkvøðu víðkaður eins og brævatkvøður sambært uppskotinum telja við, um tær eru komanar á valstaðið áðrenn atkvøðugreiðslan er endað.

Galdandi løgtings- og kommunuvallógir hava sera ymiskan bygnað, sum gera tær sera tungar at umsita. Endamálið við lógaruppskotunum er fyrst og fremst at dagføra lógirnar, soleiðis at tær bygnaðarliga líkjast meiri hvørji aðrari og verða lættari at skilja og umsita. Samstundis verða fleiri av ásetingunum í lógunum dagførdar og tillagaðar – bæði málsliga, innihaldsliga og tøkniliga.

Freistin fyri at gera viðmerkingar inn til lógaruppskotini er mánadagin 26. januar 2015. Skipað verður fyri almennum hoyringsfund um miðan januar 2015. Nærri upplýsingar um hetta kemur seinni. 

Lógaruppskotini við fylgiskjølum, har galdandi orðingar eru samanbornar við uppskotum til broytingar, eru tøk her.

JáH (y) 04.01.2014
Kelda: Almannamálaráðið

Løgmaður sigur í røðu síni - at vit áttu at tikið okkum av teim neyðstøddu uttanlanda og givið teim innivist í Føroyum. Men mong eru tey, sum ikki bera sama tanka sum hann.

Les alla Løgmansrøðuna HER

Kanska serliga eru føroyingar bangnir fyri, at vit ikki megna at hýsa teim neyðstøddu uttanlanda - tá vit ikki eingong megna at hýsa teim neyðstøddu, sum longu búgva í Føroyum ..?

Hvat heldur tú ..? Skula vit taka ímóti neyðstøddum í Føroyum ?!? Sig tína meining HER á okkara Fjesbukk síðu.

Annars so eru tað deildar meiningar um - at KVF spurdi mammuna hjá Kaj Leo ígjár - um hvat henni dámdi røðuna hjá soninum. Hon svaraði, at hon ikki hoyrdi sendingina. Uppaftur onnur meta, at her er talan um undirhald og skal ikki takast persónligt. 

JáH (y) 03.01.2014

Heðin Mortensen, borgarstjóri í Tórshavnar kommunu, ber fram eina nýggjársheilsan til allar borgarar í kommununi og føroyingar annars. Hann vísir eisini á, hvat kommunan hevur fingið á skaftið seinasta árið, og hvat liggur í kortinum at gera í 2015.


Tað er Heðin Mortensen til høgru, klikk á myndina ella síggj nýggjársrøðuni herundir.

Norðoya Portalurin ynskir Tórshavnar Kommunu og Heðin Mortensen gott nýggjár.


SáH

Ikki eitt orð um Føroyar. Helle Thorning Schmidt hevur aldrin verið serliga glað fyri Føroyar og tað vísti hon enn einaferð í nýggjársrøðuni hjá sær fyri 2015, har hon ikki nevndi Føroyar við einum tí einasta orðið. Hetta skrivar DR um hennar røður:

Økonomien er i fremgang i Danmark, og det vil danskerne kunne mærke i 2015, slog Helle Thorning-Schmidt fast i sin nytårstale.

Síggj nýggjársrøðuni við at klikka á myndina ella klikk á hetta linkið: Helles nytårstale 2015