Lýsti aðalundurin hjá Hjartafelagnum var 18. mars, og eftir at fundurin hevði viðgjørt ymsu punktini á skránni, vórðu hesi vald at umboða nevndina komandi árið:
• Eyðna Joensen, forkvinna
• Amy Ljósheim, næstforkvinna
• Fríðálvur A. Jensen, skrivari
• Páll Hammer, nevndarlimur
• Jacobina Kristiansen, nevndarlimur (ikki á myndini)

Tiltakslimir
• Sigga Durhuus
• Tórur Jørgensen 

Framløga við
Valborg Heinesen, hjartalækna

Eftir at øll punktini vóru avgreidd legði Valborg fram eina sera góða og væl uppsetta framløgu, har vit øll fingu gott innlit í arbeiðið hjá teimum á hjartadeildini og hvat vit øll onnur skulu hava fyri eygað, tá hugsað verður um góða hjartaheilsu og annað.

Ynskt verður Tóra Jørgensen vælkomnan í nevndina og takka Ingibjørg Egholm fyri hennara góða arbeiði í nevndini!

Í frágreiðingini nevndi Eyðna Joensen, forkvinna, at vit fara at stremba eftir teimum málum, sum vit hava sett okkum fyri, og at vit eisini fara at fáa fund í lag, tá nýtt landsstýrisfólk er sett fyri heilsumál.

Vit kundu hugsað okkum, at fleiri høvdu møtt, men ein góður og gevandi fundur!

Vegna nevndina
Fríðálvur A. Jensen, skrivari

Hjartafelagið

Eftir eina nýggjárskonsert, ið var á tremur við føroyskum solistum, heldur symfoniorkestrið fram við at samstarva við føroyskar solistar. Á várkonsertini spælir klaverúrmælingurin Aksel Remmel klaverkonsert nr. 2 eftir Sergej Rachmaninov og síðani verk eftir tónaskaldið Eli Tausen á Lava. 

Undanprát 
Stutt undanprát verður kl. 15.20.
Her fara dirigentur og tónaskald at tosa um verkini, ið verða framførd. Og hvør veit, kanska verður eisini onkur skemtisøga á skrá.

Eli Tausen á Lava er virkin sum tónaskald, klaverspælari og elektroniskur tónleikari. Við masterútbúgving í tónasmíði frá New York University hevur Eli seinastu árini samstarvað við BBC Scottish Symphony Orchestra, Helsingborgs Symfoniorkestur, The Rhythm Method, Aldubáruni og nú eisini Føroya Symfoniorkestri.
Orkesturverkið let me cry gjørdist eitt satt gjøgnumbrot fyri Eli. Verkið varð frumframført í 2024 á Nordic Music Days í Skotlandi. Hetta vakti stóran ans, og fleiri evropeisk orkestur hava síðani sett verkið á skrá.

Aksel Remmel er klaverleikari og hevur lokið masterútbúgving á Kongaliga Konservatoriinum í Keypmannahavn í 2025 hjá Jens Elvekjær, professara.
Aksel vann í 2021 tónleikakappingina Stella Polaris fyri ungar klassiskar tónleikarar, og
hann hevur áður framført saman við Føroya Symfoniorkestri.
Á várkonsertini spælir Aksel Remmel á fyrsta sinni eina heila klaverkonsert við symfoniorkestri.

Rachmaninov skrivaði klaverkonsert nr. 2 í árunum 1900 og 1901. Eftir eina katastrofala frumframførslu, har Rachmaninov sjálvur spældi klaver, gjørdist klaverkonsertin eftirfylgjandi eitt av mest spældu verkum hansara.

Tjajkovskij 4. symfoni
4. symfoni eftir Tjajkovskij varð skrivað millum 1877-1878. Verkið snýr seg um fatum, sum merkir lagna á latínskum, og tí eisini kent sum lagnusymfoniin.
Verkið varð skrivað, meðan Tjajkovski fór gjøgnum djúpa persónliga kreppu, sum hoyrist aftur í hugtunga og dramatiska tónleikinum.
Hóast symfoniin fyrst varð móttikin við blandaðum reaktiónum, so er verkið í dag mett at vera millum týdningarmiklastu verkum eftir tónaskaldið og verður framført kring allan heimin.

Catherine Larsen-Maguire
Catherine er fødd í Manchester og hevur seinastu 30 árini verið búsitandi í Berlin. Hon las tónleik á Cambridge University, í Hannover og á Karajan Akademinum í Berlin.

Eftir tíggju ár sum solofagottistur í Komische Oper Berlin tók Catherine í 2012 avgerð um at fara eftir dirigentdreyminum. Síðani hevur hon staðið á pallinum við framúr góðum orkestrum, eitt nú London Philharmonic, BBC National Orchestra of Wales, Berliner Radiosymfoniorkestri, Orchestre du Capitole de Toulouse og Hong Kong Sinfonietta.

Við brennandi áhuga fyri unga ættarliðnum av tónleikarum hevur hon undirvíst og stjórnað ungdómsorkestrum kring heimin og verið gestaprofessari á Universität der Künste í Berlin.
Føroya Symfoniorkestur hevur gjørt 4-ára samstarvsavtalu við Catherine.

Dirigentur: Catherine Larsen-Maguire (UK)
Solistur: Aksel Remmel (FO) 

Atgongumerkir, klikk her: Kostnaður: 365 kr., lesandi 250 kr.

Mentanarhúsið Varpið

Bíðitíðin hevur neiligar avleiðingar fyri børn og ung 🛑

Nýggj føroysk gransking hjá Tórunn Ósá vísir ein skelkandi sannleika: Gentur við ADHD og autismu bíða í miðal 13 mánaðir longri enn dreingir eftir hjálp. Summi børn bíða í heili 3 ár.

Henda bíðitíðin er dýrkeypt. Granskingin vísir greitt, at jú longri børnini bíða, jú størri er vandin fyri:

Angist og tunglyndi

Etingarólagi

Sjálvsmorðsroyndum

Vit kunnu ikki góðtaka eina skipan, ið skapar eitt A- og B-lið. Um almenna heilsuverkið ikki megnar uppgávuna, kunnu vit eventuelt nýta tann tøka kapasitetin í tí privata. Allar hendur mugu takast í brúk, so hjálpin røkkur øllum í tíð – uttan mun til støddina á pengapunginum hjá foreldrunum.

BÍÐITÍÐIN ER EIN VANDI FYRI FRAMTÍÐ FØROYA! 🇫🇴

Ert tú samd/ur? Deil boðskapin! 📢

Set X við Ruth Fjallsá Benbakoura teldupostur : [email protected]
​Fólkaflokkurin

#VitSkuluØllÁALiðið #BíðitíðinSkalStyttast #FøroyaFramtíð #Fólkaflokkurin 

📢 Nevndarval í Herluf’s Kafé

Deili endiliga 🙂

Leygardagin 14. mars 2026 verður nevndarval í nýstovnaða felagnum Herluf’s Kafé, og øll áhugað eru hjartaliga vælkomin at møta.

Hugskotið við Herluf’s Kafé er at skapa eitt opið samkomustað, har fólk við ymiskum áhugum kunnu hittast, práta og skipa fyri ymiskum virksemi. Felagið er politiskt og átrúðnaðarliga óheft, og dentur verður lagdur á felagsskap og trivnað.

Á fundinum verður:
• Kunngjørt hvørji valevni stilla upp
• Val av nevnd við 5 limum
• Kunning um arbeiðið víðari við felagnum

Hetta er eitt gott høvi at vera við til at mynda eitt nýtt felag og eitt nýtt samkomustað í býnum.

📍 Stað: Bøgøta 3, Klaksvík. Inngongd í erva.
🕒 Klokkan: 9-12

Øll eru hjartaliga vælkomin.

Vit gleða okkum at síggja tykkum! 

Herluf's Kafé

Týskvøldið, 10.mars, er skrúvugudstænasta kl 17.30 v/Marjuni Lómaklett.

Aftaná gudstænastuna eru øll vælkomin í kirkjukjallarin til skrúvur og kjøtsós.

On Tuesday, 10th' of March, we have a spaghettiservice at 5.30pm with the priest, Marjun Lómaklett.

After the service everyone is welcome for spaghetti and meatsauce in the church's crypt.

Christianskirkjan

💚 Eg havi í kvøld játtað at stilla upp fyri Fólkaflokkin til komandi løgtingsval 26. mars

Ikki tí; eg havi fyrr stillað upp og siti í løtuni sum býráðslimur fyri Fólkaflokkin í Tórshavnar býráð. 

Hendan sessin komi eg tó ikki at varðveita um so skuldi verið, at eg fái veljarans álit til løgtingsvalið.

Míni hjartamál til komandi løgtingsval eru m.a. hesi:
✅ Fíggjarligt haldføri í føroyska búskapin. Avlop má aftur fáast á langtíðar fíggjarætlan Landskassans.
✅ Tryggja okkara ungu barnafamiljum betri møguleikar á føroyska bústaðarmarknaðinum.
✅ Minkað, rationaliserað og gera skilagóðar langtíðar betringar í almennu umsitingini.
✅ Okkara eldru skulu onga mótrokning fáa í fólkapensiónini, um tey velja at arbeiða eftir pensiónsaldur.
✅ Vinnupolitikkur skal eggja vinnuni at vaksa og gera langtíðar og nýggjar íløgur sum skapa arbeiðspláss.
✅ Skattahækkingin hjá okkara útisiglarum skal broytast aftur.
✅ Farast skal undir aktiva oljuleiting í føroysku undirgrundini við lægri kolvetnisskatti.
✅ Strangari rúsevna- og rúsdrekka politikk fyri at verja okkara ungu.
✅ Endurskoða útlendingapolitikkin.

Annars byggir mín borgarliga Fólkaflokkshugsjón á frælsi hjá tí einstaka og vinnuni, og vit skulu virða okkara siðaarv og tey kristnu grundvirðini. 💚

Takk um tú vilt stuðla Fólkaflokkinum og mær til komandi løgtingsval. 💚

Birgir Nielsen, valevni
Fólkaflokkurin

Í samband við kaðalarbeiði hjá Net í norðara enda á Vágsgeil verður ikki koyrandi inn norðanífrá í morgin 3. mars. 

Vágsgeil er vanliga einsrættað suðureftir, men av tí at tað ikki verður gjørligt at koma inn á vegin norðanífrá, verður loyvi givið at koyra inn á vegin sunnanífrá, meðan arbeitt verður. 

Neyðug skeltir verða sett upp.

Klaksvíkar Kommuna