​Almanna- og mentamálaráðið játtar stuðul til seks leiklistaverkætlanir

Myndatekstur: Samansett mynd frá MINNISBROT eftir dansivirkinum RIVA. Duettirnar “tveyeini” eftir Rannvá G. Niclasen og Vár B. Árting og “Minni: neglir klóra rygg” eftir Beinir Bergsson og Búa Rouch.

Landsstýriskvinnan í almanna- og mentamálum, Sirið Stenberg, hevur gjørt av at veita seks verkætlanum stuðul av játtanini til yrkisleiklist í 2024. Endamálið við játtanini er at menna yrkisleiklistina, og stuðul kann latast feløgum, bólkum og einstaklingum, ið reka yrkisleiklistaligt  virksemi, til leikrit, tónasmíð, leikstjórnan, framførslur, keyp av útbúnaði, verkætlanir, skeið, keyp av sakkønari hjálp og annað leiklistavirksemi.

Hesar verkætlanir fingu stuðul:


Navn á umsøkjarum      Verkætlan        Játtan
Dansivirkið Riva      Kanska ein bygd     190.000 kr.
Trín fram    Løstir - ein nýskrivaður leikur um sálarsjúku og at finna fótafestið    150.000 kr.
Det Ferösche Compagnie    Trælurin    80.000 kr.
Opera.fo    Papageno    70.000 kr.
Gunnvá Zachariasen    Upphav    90.000 kr.
Leikhús Skift    Lortið út um Havnina    70.000 kr.

íalt  650.000 kr.

Tilsamans vóru níggju umsóknir, og søkt var um 1,7 mió. kr. Játtanin er 650 tús. kr.

Tað er Leiklistaráðið, sum viðger umsóknirnar og ger tilmæli til landsstýriskvinnuna sambært lógini um Tjóðpall Føroya og stuðul til yrkisleiklist v.m.

Myndatøka: Gwenaël Akira Helmsdal Carré

Almanna- og mentamálaráðið

---