Nógv virksemi á Djúpumýru í morgun. Vøllurin er gjørdur klárur og tá ið News.fo og Norðoya Portalurin vóru og heilsaðu uppá beint áðrenn klokkan 10:00, vóru menn og kvinnur í holt við at skumpa kava burtur, so áskoðarnir ótarnaður kunnu seta seg á síni pláss.

Jón Harald Poulsen og Jan Simonsen sproytaðu saltlaka á vøllin, so at hann ikki frystur  aftur og tað var gott lag á fólkum.

Veðrið var av tí besta, sólin skein og væntandi verður tað veðrið í dag, men við onkrum kavaælingum.

SáH

Her filmsklipp og myndir.

So er kappingarárið 2020/2021 liðugt.

Taptu finaluna í dag aftaná longda leiktíð😒

Hetta hevur verið eitt spennandi ár hjá okkum og eitt tað besta eftir stiga talvuni.

Nú fara vit at hava eina pausu og gleða okkum til kappingarárið 2021/2022

Tøkk til viðhaldsfólk, stuðlar og til øll, sum hjálpa felagnum uppá ymiskan hátt. Tit eru øll gullverd🤩

Vit síggjast aftur komandi kappingarár💥🥁🤩

Mynd: Anthon Højgaard

​Team Klaksvík

​

Í samband við at besta mansliðið hjá Mjølnir seinasta leygardag vann meistaraheitið í flogbólti, var móttøka fyri leikarum og viðhaldsfólkum hjá Mjølnir í býráðshúsinum fyrr í dag.

Vegna Klaksvíkar býráð ynskti borgarstjórin Mjølnir til lukku við meistaraheitinum, og handaði mansliðnum ein kekk fyri megnar avrik.

Dávur Winther, mentanarleiðari, bjóðaði vælkomin og bjóðað var kaffi og køka. Síðani helt Karl Johansen, borgarstjóri, røðu, har hann m.a. rósti leikarunum fyri einastandandi gott áræði og góðan stríðsvilja. Eisini rósti hann nevndini og stuðulsfólkunum í Mjølnir, sum í fleiri ár hava lagt nógva orku í felagið.

Eisini Jóhanna Christiansen, forkvinna í Mentanarnevndini bar fram røðu og ynksti teimum til lukku.

Røðan, sum borgarstjórin bar fram, kann lesast her:

Góðu leikarar, liðleiðarar, viðhaldsfólk, stuðlar og nevnd.

11 meistaraheitið hjá Mjølnir monnum er komið í hús! Tað er heilt fantastiskt.

Hjartaliga til lukku við hesum megnar avriki.

Góðu leikarar!

Hesi seinastu árini hava tit víst heilt einastandandi gott áræði og góðan stríðsvilja. Tit hava fyrr prógvað, at tit veruliga eru eitt meistaralið. Og leygardagin gjørdu tit tað aftur.

Í einum avgerandi gullsetti settu tit eitt perfekt punktum fyri hetta kappingarárið.

Og eg má siga, at dysturin leygardagin fekk okkum øll upp úr stólinum. Sera nógv stóð á hjá viðhaldsfólkunum. Tað vóru fleiri støður, har eg hevði hug at hyggja burtur, tí spenningurin var so høgur.

Góðu leikarar!

Tit eru fyrimyndir í felagnum!

Umframt tað, so eru tit eisini ímyndin av, at gott samanhald og hart arbeiði gevur úrslit.

Men tað hendir avgjørt ikki eftir einum degi.

Nevndin og stuðulsfólk í Mjølnir hava í fleiri ár lagt nógva orku í felagið, og tað er heilt sikkurt ein orsøk til, at samanhaldið í felagnum er so gott.

Felagið hevur trúð uppá sínar ungu leikarar, og hevur eisini kent týdningin av, at eitt gott meistaralið vísir vegin fyri einum komandi ættarliði. Hetta sæst týðiliga aftur í ungdómsarbeiðinum hjá Mjølnir, har fleiri ungdómslið hava fingið góð úrslit í ár.

Tað er onki at ivast í, at tykkara vinnarahugburður eisini hevur smittað ungu leikararnar. Men ikki bara ungar leikarar í Mjølnir, tí tá eitt ítróttarfelag í Klaksvíkar kommunu vinnur, so gerast vit øll viðhaldsfólk.

Fyri mítt viðkomandi kann eg siga, at eg blívi ótrúliga spentur, tá ítróttarfeløg í Klaksvík klára seg væl. Og tað er líka mikið, um tað er talv, hondbólt ella svimjing.

Eg haldi eisini eg kann siga, at tað eru fleiri við mær, sum deila hesa hugsan, og tað er ómetaliga stuttligt.

Tit eiga tí rós og tøkk fyri tykkara ídni, sum er viðvirkandi til samanhald í býnum, tí tað hevur stóran týdning fyri okkara lokalsamfelag.

Vegna Klaksvíkar býráð vil eg enn einaferð ynskja tykkum hjartaliga til lukku við FM heitinum og takka fyri tær mongu góðu og spennandi løturnar, sum tit hava givið okkum áskoðarum.

Vit eru øll sera errin av tykkum, og sjálvandi fegin um, at eitt ítróttarfelag í Klaksvík enn einaferð hevur sett seg á tindin.

Takk fyri!

Klaksvíkar Kommuna

Maverick Barr letur upp klokkan 18:00, har vit fara at hita upp til stóra HM fótbóltskvøldið og í kvøld fara Skotland og Føroyar at leika og hin dysturin í bólkinum verður ímillum Eysturríki og Danmark, báðir dystir byrjað klokkan 19:45.

Eisini leika Ongland og Póland.

Skráin verður hendan:
Kl. 17:00 Danmark U21 – Rusland U21
Kl. 19:45 Skotland – Føroyar
Kl. 19:45 Eysturríki – Danmark
Kl. 19:45 England – Poland

Eisini letur GRILLIN upp kl. 18:00 og har kunnu tit fáa teir saftigu kyllingarnir við Chips. Eisini selja vit allan annan Grillmat. Ynskja tit at bestilla via telefon, ring 454570.

Vónandi koma til forbí og heppa Føroyar og Danmark til sigurs.

SáH

​Her nakrar myndir, tá ið Føroyar leikti ímóti Skotlandi á Svangaskarið í 2002.

Seinasta vikuskifti var FM2021 í einmansleiki í Badminton í Klaksvík.

Tað vóru 95 spælarar meldaðir til frá trimum feløgum.  HBF kom við 54 spælarum, KBF við 30 spælarum og ÍF kom við 11 spælarum.  Kapppingin var hildin í badmintonhøllini og í KÍ-Høllini, og vóru 175 dystir spældir á teimum tíggju bánunum.

Kappingin gekk gott og gjørdist Klaksvíkar Badmintonfelag best við at vinna seks gull, meðan Havnar Badmintonfelag vann fýra gullheiðursmerkju.

Aritra Nandy hevur ábyrd av venjingunum hjá KBF og sigast má, at tað verður gjørt eitt gott arbeiði, tí venjingartímarnir eru sera avmarkaðir, ungdómurin hjá KBF hevur bert 11 venjingartímar um vikuna. 

Vinnarnir í U9 gjørdust hjá dreingjum tann bert 6 ára gamli Aron Arge úr KBF og hjá gentum gjørdist  Gunhild Arge føroyameistari.

Hjá U11 vann HBF hjá gentum við Tóru Erlandsdóttir meðan Jónas Festurstein Dam úr KBF gjørdist Føroyameistari hjá dreingjum.

Hjá U13 gjørdist Osla Johannesen úr KBF føroyameistari og Tóki Yngvason Gottesen úr HBF vann gull hjá dreingjum.

Í U15 gjørdist Ranja Joensen úr KBF føroyameistari meðan Christian Berg Petersen úr HBF vann gull hjá dreingjum

Í U17 gjørdist Bjarnhild í Buð Justinussen úr KBF Føroyameistari hjá kvinnum, meðan Bjarti Samson Vang úr HBF gjørdist Føroyameistari hjá monnum.

​Her myndir av vinnarnum, klikk link her: “FM Badminton 2021”

KBF

Filmurin er ein lítil søga um KÍ, “Who are KÍ Klaksvík” og sigur okkum um góðu tíðina hjá okkara stolta felag í Klaksvík, sjá filmin herundir.
​
SáH

Tann 23. februar hevði svimjifelagið Ægir ársaðalfund. Fundurin bleiv hildin á loftinum í KÍ, høllini.

Sum øll vita so hevur Ægir bara eitt kustaskap sum felagshølir og KÍ hevur 10 tals hølir, men sum man plagar at siga, so er tað munir á monnum, so aðalfundurin bleiv hildin hjá grannanum, gott at hava eitt gott grannalag, eisini innan ítróttina.

Ægir skipaði seg í gjárskvøldið og nýggjur formaður gjørdist Danny O. Højsted.

Elsebeth Vilhelm ynski ikki  at vera afturvald og takka vit Elsebeth fyri hennara stóra arbeiðið í Ægir.

Soleiðis sær nevndin út nú:
Formaður: Danny Osberg Højsted
Næstformaður: Janus M Joensen
Kassameistari: Símun Michael Sørensen
Skrivari: Sølva Petersen
Nevndarlimur/samskipari: Anna Mohr

Tiltakslimur er Per Johannessen

Høvuðsvenjari er Petur Heðin á Fløttir, spenandi verður at fylgja við nýggju nevndini og ynski eg tykkum góðan byr.

Havi hoyrt í krókunum, at ætlanin er, at Ægir endiliga fáa norður endan av svimjihøllini og tað var sanniliga upp á tíðina. Koyr á ÆGIR.

SO VERÐUR TAÐ GJØRT.

SáH

Steypafinalur: Eisini næsti sigurin til Klaksvíkar 

G14 b: Mjølnir – B 71, 2 – 0 (25-18 og 25 - 19)

B 71 var í dag í síni fyrstu steypafinalu í flogbólti, men hóast tær vóru á odda eitt skifti í 2. setti, so megnaðu tær ikki at vinna sett í dag, men taptu 2-0 móti Mjølni

​Mynd: Mjølnir

Aftast frá vinstru: Berit Norðoy Vilhelmsen, venjari, Rebekka Eysturskarð, Karla Sjóstein, Osla Johannesen, Maria Teresa Vitalis, Ranja Joensen, Jensa Mortansdóttir Samson, Lena í Buð, venjari.

Fremst frá vinstru: Lisa T. Venned, Eva Kallsberg Jacobsen, Nomi Idarsdóttir Beck, Margreta Elisdóttir í Buð, Elisabet Norðoy Vilhelmsen, Bjarta Joensen.

Flogbóltssambandi

Steypafinalur: Fyrsti sigurin til Klaksvíkar 

G12: Mjølnir – Dráttur, 2 – 1 (25-16, 21 – 25 og 15-6)

Fyrsta finalan gjørdist ein spennand 3-settari millum G 12 hjá Mjølni og Drátti, sum endaði við at Mjølnir vann 2-1.

​Bestu leikararnir vóru:

Elisabet Norðoya Vilhelmsen, Mjølnir

Elisabet Nattestad, Dráttur 

​Mynd: Mjølnir

Aftast frá vinstru: Berit Norðoy Vilhelmsen, venjari, Karla Sjóstein, Osla Johannesen, Maria Teresa Vitalis, Ranja Joensen, Jensa Mortansdóttir Samson, Lena í Buð, venjari.

Fremst frá vinstru: Nomi Idarsdóttir Beck, Margreta Elisdóttir í Buð, Elisabet Norðoy Vilhelmsen, Bjarta Joensen.

Flogbóltssamband Føroya

​Á Býráðsfundinum í gjárskvøldið bleiv einmælt samtykt at játtað Klaksvíkar Svimjihølli 1.575.331 kr. uttan mvg til liðugtgerð av vælverøkinum í Klaksvíkar Svimjihøll, hetta eru góðar 2. milliónir við mvg. Hetta er sanniliga positiv tíðindir og gleðiligt at tað bleiv einmælt samtykt.

Nú vóni eg fyri tykkara besta, at svimjifelagið Ægir er tikin við hesuferð. Ægir hevur serstakliga vánaligar umstøður, bæði við felagshølum og venjingarhølum og havi eg óteljandi ferðir gjørt vart við vánaligu umstøðurnar hjá okkara stolta svimjifelag.

Fekk lova at Ægir fekk norður endan av svimjihøllini, men tað endaði við at Judo felagið kom inn har.

Klaksvíkar Kommuna vísti mær einaferð eina tekning av Vælveruøkinum, har Ægir skuldi skuldi hava síni felagshølir, men tað bleiv av ongum, tí tað var ein betri loysn, at Ægir fekk norðurendan av Svimjihøllini til felagshølir og venjingarhølir, men sum sagt, so var tað ein góð telving hjá KK, tí tekningin bleiv gjørd um og Ægir fekk onki.

Nú er mín spurningur til samgonguna í Klaksvíkar Kommunu, hava tit nakað ætlan við okkara svimjifelag Ægir?

SáH