​Hósdagin tann 2. januar 2020 fara svimjarar og foreldur í Ægir at samla fløskur inn í Klaksvík fyri at fáa pening til felagið.

Hava tit fløskur ella blikk at lata okkum, so hevði tað verið gott at tit góvu Ægir tær.

Vit koma at avheinta fløskur 02.01.2019. Vit byrja á eystursíðuni og um onkur ynskir at vit skulu koma og avheinta fløskurnar/blikkini, so eru tit eisini vælkomin at ringja til Rannvu Sigfríðsdóttur á telefon 232808 ella leggja eini boð inn á hesa síðuna, klikk her: “Ægir Klaksvík”.

​Við tøkk fyri stuðulin.

Ægir ynskir øllum eitt gott nýggjár og takka vit serstakliga okkara stuðlum fyri teirra stuðul, uttan tykkum, so høvdu vit ikki klára at verið eitt av Føroya besti svimjifeløgunum.

ÆGIR

​Í dag var reisugildið við Djúpumýru, har arbeiðstakarar, umboð fyri KÍ og kommununa vórðu boðin til ein døguraðbita á loftinum í KÍ høllini.

Í november 2017 varð spakin settur í arbeiðið at byggja nýggja skýlið við Djúpumýru. Í dag er arbeiðið komið so væl áleiðis, at flest øll eru spent at uppliva nýggja skýlið, tá ið leikt verður á Djúpumýru komandi kappingarár.

Nógv arbeiðið hevur verið kring vøllin seinastu tíðina, og samlaða verkætlanin spennir víða. Í summar varð nýtt graslíki lagt á vøllin, umframt at nýggjar ljósmastrar vórðu settar upp í heyst. Hetta er alt ein liður í arbeiðinum at fáa leikvøllin altjóða góðkendan. Sostatt fara bæði vøllur og kringumstøður at lúka krøv hjá UEFA, soleiðis at altjóða dystir kunnu spælast í Klaksvík komandi ár.

Til reisugildið seinnapartin segði Jógvan Skorheim, borgarstjóri, nøkur orð, har hann millum annað takkaði arbeiðstakarum fyri tað megnar arbeiðið, sum nú er gjørt, og segði, at hann gleddi seg til endaliga úrslitið, tá ið landskappingin byrjar í summar.

Kelda: Klaksvík.fo

SáH

Neistin og Stjørnan liggja ávíkavist nr. 4 og 5 í kappingini, og tí kunnu vit heilt sikkurt vænta ein góðan og spennandi dyst.

Í steðginum verða lutaseðlar seldir, har drigið verður um ymiskir vinningar, millum annað ein stór matkurv, virðið 1.000 kr,-.

Dysturin byrjar kl. 15.00 í dag.

Leygardagin 7. desember kl. 11 skipar Stjørnan fyri tombola og lutaseðlasølu á parkeringsøkinum uttanfyri Inn í Klaksvík.

Umframt tombola verður eisini møguleiki at keypa lutaseðlar, har drigið verður um eina leskuliga matkurv, virðið 1.000 kr, umframt gávukort frá millum annað SPORT 24 og Vera Klipt. Lutaseðlanir kosta 5 kr,- stk.

Lutaseðlanir verða drignir eftir dystin Stjørnan – Neistin, sum verður sunnudagin 8. des. kl.15.00

So komið út til eina hugnaliga løtu uttanfyri Inn og stuðlið Stjørnuni!

Vit byrja kl. 11.

Hondbóltsfelagið Stjørnan

Toppdystur var í Badmintonhøllini í gjárkvøldið. Mjølnir hevði vitjan av nr. 2 í meistaradeildini hjá kvinnum.

Dysturin gjørdist ein fimm settari og var sera spennandi.

Mjølnir byrjaði sera væl og vunnu fyrsta settið sikkurt 25-15, næsta settið gjørdist meira spennandi, har KÍF vann 21-25, triðja settið vann Mjølnir sera tepurt 26-24 og so kom KÍF fyri seg aftur og vann fjórða settið 25-22.

Sostatt skuldi eitt fimta sett til og tað vann Mjølnir 17-15 og sostatt dystin 3-2 og liggja nú einsamallar á odda við 11 stigum. KÍF hevur 7 stig og Dráttur og Fleyr 6 stig.

Næsti dysturin verður nú sunnudagin í Stórhøllini í Gundadali ímóti Fleyr.

Koyr á Mjølnir.

SáH

Arbeiðið at leggja langhylin í Gundadali til rættis gongur væl.

Langhylurin verður bygdur uppí verandi svimjihøll, sum hevur tænt ítróttini og borgarunum væl og framhaldandi fer at gera tað, men sum nú er vorðin ov lítil til vaksandi býin.

Sjálvt byggiarbeiðið verður sett í gongd á heysti 2020.

Gamla ÍSF-húsið stendur á byggiøkinum, og tað verður tikið niður í næstum, so farast kann undir at gera økið byggibúgvið.

Altjóða langhylurin stendur liðugur í 2022. Settar eru 4 mió.kr í 2020 til at fyrireika byggingina. Á langtíðar íløguætlanini eru settar 120 mió.kr av til langhylin.

Tórshavnar Kommuna