Heiðursportur í sambandi við, at føroyska róðrarhetjan og evropameistarin í einstaklingaskullara, Sverri Sandberg Nielsen, lendir í Vágum 
???✈️??
Water salute at Vágar Airport for the newly-crowned Faroese European champion in Single scull, Sverri Sandberg Nielsen! ???✈️??

​#flúgvafyriføroyar #singlescullchampion #atlanticairways

Hallur Joensen gjørdist vinnarin av Haldor Holm Cup 2020.

Tað vóru tveir Klaksvíkingar sum endaðu í finaluni og teir vóru Sonhard Johannesen og Hallur Joensen.

Finalan byrjaði spennandi, har tað var javnt til 4. umfar 2-2, men so tók Hallur Joensen yvir og vann 3 tey næstu umfarini og sostatt gjørdist hann vinnari í ár. Hetta er sættu fer at Hallur Joensen vinnur Haldor Holm Cup.

Sonhard Johannesen hevur ikki vunnið hesa kappingina nakrantíð, men hesaferð var hann nær við og gav hann Contry Konginum ein skarpan gang.

Stór tillukku tit báðir, sjá myndir og filmsklipp herundir.

SáH

Svimjisamband Føroya hevur í dag gjørt avtalu við Runavíkar kommunu, um at flyta skrivstovu og goymslu til Runavíkar, nú flytast skal úr ÍSF-húsinum í Havn.

Nýggi heimstaður SSF verður í bygninginum har Visit Runavík longu húsast, á Heiðavegi 13 í Saltangará, mitt í býnum og nær bæði ítróttarøki og tunnilsmunna.

Vit í svimjisambandinum eru sjálvsagt sera fegin um hesa loysn sum Runavíkar kommuna bjóðar okkum, nú ÍSF-húsið er selt og verður tikið niður.

Hølini í Saltangará eru sera væl egnað til okkara tørv, og liggja væl fyri í mun til okkara núverandi virksemi, har til dømis trý av okkara seks virknu feløgum eru búsitandi í Eysturoy.

Tað er stutt til Havnar, nú tunnilin kemur, og vónandi verður tað skjótt eisini heilt stutt til stásiliga svimjihøll, sum Runavíkar kommuna ætlar at byggja við Løkin.

Eftir ætlan byrja vit at flyta longu fríggjadagin, við tað at vit eru biðin um at vera úti úr ÍSF-húsinum nú leygardagin hin 10. oktober kl 12:00.

Við svimjikvøðu

vegna starvsnevnd SSF

Rókur i Jákupsstovu, formaður

Satt drama var í Badmintonhøllini í dag. Team Klaksvík tók ímóti H71 og haldi tykkum fast, Team Klaksvík vann gysaran 27-26 eftir at teir vóru á odda 15-14 í hálvleikinum.

Í Seinna hálvleiki var H71 frammanfyri við fleiri málum, men Team Klaksvík vildi vinna dystin og við Valentino Valentakovic og Sámal Tjaldrafløtti á odda vunnu teir uppiborið dystin 27-26.

Málini hjá Team Klaksvík skutu: Valentino Valentakovic 8, Sámal á Tjaldrafløtti 6, Vuk Stefanovic 4, Beinir Johannesen 3, Vilhem Vilhelmsen 2, Kartan á Gravarbø 1, Mark Dahl 1, Einar Dam 1 og Dánjal Kjærbo 1.

Team Klaksvík hevur nú 4 stig og tað er sera gott, tí seinasta kappingarár fekk Team Klaksvík onki stig og nú kunnu teir kappast ímóti øllum liðum í Føroyum og teir kunnu fáa stig frá øllum. Super flott og stór tillukku Team Klaksvík.

Her filmsklipp frá heimasíðuni hjá Team Klaksvík, tá ið teir høvdu vunnu 27-26 og frøin var sera stór í Badmintonhøllini í dag.

Her myndir frá dystinum í dag: