Ægir-gentur settu leygardagin nýtt føroyskt juniormet í 4×100 blandað á stuttgeil, tá ið tær á Ægir-stevnuni í Klaksvíkar Svimjihøll svumu hendan tein uppá tilsamans 4:26.18. Hetta var eisini nóg gott til ruddiliga at vinna hesa kapping, á Ægir-stevnuni. Tær fýra vóru Signhild Joensen (rygg), Ásbjørg Hjelm (bringu), Jana B. Thomsen (firvald) og Barbara Debes (frí).

Eitt annað sett av Ægir-gentum áttu gamla juniormetið á 4:27.59, frá FM/JM 2011. Tá vóru tær Birita Debes (rygg), Turið S. Christiansen (bringu), Óluva Jacobsen (firvald) og Cecilia W. Eysturdal (frí).

Rannvá Sigfríðsdóttir eigur myndina.

Kelda www.svimjing.com

SáH

​Jana 2:22.64 og juniormet í 200 firvald

Jana Bjartalíð Thomsen úr Ægir setti leygardagin stórt nýtt føroyskt juniormet í 200 metra firvaldasvimjing á stuttgeil, tá ið hon á Ægir-stevnuni í Klaksvík svam teinin uppá 2:22:64. Sára R. Nysted (2001), SuSvim átti juniormetið á 2:24.04, frá FM á stuttgeil 2016. Sostatt slóð hon metið við 2.60 sekundum, sera flott klára.

Besta tíð hjá Janu sjálvari var 2:24.61 áðrenn hetta, frá HS-stevnu í september mánaða

Kelda: www.svimjing.com

​SáH

​Stór svimjikapping í Klaksvík, byrjað verður nú kl. 10.00. 

Her skráin fyri svimjikappingina:
Leygarmorgun 22. Oktober Kl. 10.00
1 100m Blandað Kvinnur
2 100m Blandað Menn
3 400m Frísvimjing Kvinnur
4 400m Frísvimjing Menn
5 100m Ryggsvimjing Kvinnur
6 100m Ryggsvimjing Menn
10 min. Steðgur
7 100m Bringusvimjing Kvinn
8 100m Bringusvimjing Menn
9 200m Firvald Kvinnur
10 200m Firvald Menn
11 50m Frísvimjing Kvinnur
12 50m Frísvimjing Menn
10 min. Steðgur
13 4X100m Blandað Kvinnur
14 4X100m Blandað Menn

Leygardag 22. Oktober Kapping kl. 17.00
15 100m Frísvimjing Kvinnur
16 100m Frísvimjing Menn
17 200m Blandað Kvinnur
18 200m Blandað Menn
10 min. Steðgur
19 200m Ryggsvimjing Kvinnur
20 200m Ryggsvimjing Menn
21 100m Firvald Kvinnur
22 100m Firvald Menn
23 50m Bringusvimjing Kvinnur
24 50m Bringusvimjing Menn
10 min. Steðgur
25 4X50m Blandað Kvinnur
26 4X50m Blandað Menn


Sunnudag 23. Oktober kapping kl. 13:30
27 800m Frísvimjing Kvinnur ( Í mesta lagi tveir riðlar)
28 1500m Frísvimjing Menn ( Í mesta lagi ein riðil)
29 200m Bringusvimjing Kvinnur
30 200m Bringusvimjing Menn
31 50m Ryggsvimjing Kvinnur
32 50m Ryggsvimjing Menn
10 min. Steðgur
33 200m Frísvimjing Kvinnur
34 200m Frísvimjing Menn
35 400m Blandað Kvinnur
36 400m Blandað Kvinnur
37 50m Firvald Kvinnur
38 50m Firvald Menn
10 min. Steðgur
39 4X50m Frísvimjing Kvinnur
40 4X50m Frísvimjing Menn

Spennandi at síggja hvussu tað ferð at gangast Ægir.  Her myndir frá kappingini 2015.

Vit ynskja Ægir góða eydnu.

SáH

Tað var næstan 100% sikkurt, at KÍ kvinnurnar gjørdist føroyameistarar sunnudagin og við einum knúsandi sigri á nummar tvey EBS/SKála uppá 6-0 slógu kvinnurnar rimmar fast, at tær eru klárt besta liðið í Føroyum.

Ein helt fyri á Djúpumýri sunnudagin, at skulu hini liðini í Føroyum hava nakran møguleika at sláa KÍ kvinnurnar, so mugi øll hini leggja saman, men kappingin í ár hevur verið meira spennandi enn hinu árini og steypafinalan gjørdist heilt spennandi, men KÍ vann eisini steypafinaluna og tískil greipuvinnarar.

​Hyggja vit eftir málmuninum, so er munurin ræðuliga stórir, KÍ kvinnurnar hava ein málmun upp +91 og EBS/Skála ein málmun uppá +40.

Málini sunnudagin skoraðu, Rannvá 3, Maria 2 og Ása 1. Norðoyar Portalurin ynskir KÍ hjartaliga tillukku við greipuni.

SáH

Sum KVF segði ígjár, so er landsliði hjá Portugal komið til Føroyar og eru búgvandi í Hotel Føroyum, har løgreglan enntá varð boðsend, tí fleiri vildu hava eina autograf frá hetjuni innan fótbólt, Christiano Ronaldo. Har vóru eisini fólk, sum klintra høvdu sær uppá takið í Hotel Føroyum - fyri at sleppa at síggja Christino Ronaldo við egnum eygað.

Men í kvøld verður so dysturin av øllum dystum, har Føroyar skal møta Portugal og atgongumerkini til dystin er fyri langari tíð síðani útseld - so ert tú ikki ein av teim hepnu, sum longu hevur keypt atgonguseðil, so kann dysturin síggjast á KVF í kvøld kl. 19.25.

Kom so, Føroyar - You can DO it !!!

JáH (y) 10.10.2016

​Ídag kl 11:30 verđur seinasti dysturin hjá kvinnum hetta kappingaráriđ spældur. Tađ er EBS/Skála, sum kemur á vitjan á Djúpumýru. Aftaná dystin verđa steyp og heiđursmerkir handađi.

Her fillmsklipp, har KÍ tryggjar sær 99% sikkurt Føroyameistaraheitið fyri 17 ferð á rað, klikk her: "Video, KÍ vinnur aftur í ár".

SáH