Ægir sett høvuðsvenjara
Tað verður Petur Heðin á Fløtti, sum verður venjari fyri 1. lið hjá Ægir tað næsta árið, har hann somuleiðis hevur eina hjálpandi hond við í 2. lið og ungdómssvimjingini.

Petur Heðin hevur verið venjari hjá Ægir í fleiri ár og er
sera væl umtóktir í Klaksvík og hevur fingið sera góð úrslit við Ægir tey seinastu árini, sjálvt um umstøðurnar ikki hava verið optimalar. 

Nevndin hevur eisini verið væl nøgd við hansara arbeiðið og væntandi ferð árið í ár, at roynast væl við nógvum persónligum metum hjá okkara svimjarnum og
málið er, at vera í oddinum innan føroyskari svimjing, sigur formaðurin í Ægir Símun á Høvdanum.

 Fyrsta lið er longur farið til verka og í gjárskvøldið bleiv sjálvandi eisini  vant, her myndir av svimjarnum og venjara, sum vóru til svimjingini ígjár.

Tann 8 septembur fara øll hini liðini ígongd, heilt frá smáum børnum til Master og møguliga eisini svimjing fyri eldru. Meira um tað í nærmastu framtíð.

Um vikuskiftið hjálpir Ægir til á Sjómannadegnum, har svimjarar, nevndin, foreldur og onnur hjálpa til við fiskikappingini fríggjadagin, jollum og havsvimjing leygardag.

KÍ leikti enn ein javnleik, hesaferð var tað ímóti Víkingi í Gøtu. Seinasta sunnudag var tað í Fuglafirði ímóti ÍF.

Fyrri hálvleikur er ikki nógv at skriva um, bæði liðini spældi keðiligan fótbólt, men í seinni hálvleiki bleiv
meira ferð á spælinum. Tað var Víkingur sum kom á odda í 48 min., tá ið Henry Heinisen gjørdi sjálvmál. Páll Kleitt javnaði fyri KÍ í 53 min. og tað gjørdist
eisini endaliga støðan.
 
Víkingur var nær við fleiri ferðir at fáa mál, men Meinhard stóð ein góðan dyst, sostatt fingu bæði liðini 1 stig í part.

SáH

Eftir ein heldur keðiligan fyrra hálvleik, sum endaði 0-0 var meira futtir í seinni hálvleiki, har bæði liðini stríddist fyri at vinna dystin.

Kí legði seg á odda miðskeiðis í hálvleikinum, eftir at tað bleiv dømt brotsspark til KÍ. Tórur Justesen skeyt brotssparkið, men bjargaði málmaðurin hjá EB/Streymi, hann kláraði tó ikki at halda bóltinum og so var Tórur skjótir eftir returinum og smekkaði bóltin í tóma málið.

Álvur Christiansen hevði ein gyltan møguleika at leggja KÍ framum 2-0, tá ið hann bleiv sendir avstað, einsamallir við málmanninum, tá átti hann at avgjørt
dystin, men málmaðurin hjá EB/Streymi bjargaði skotinum.


Nakað fyri dystarenda gjørdi Álvur tað gott aftur, hann legði ein góðan bólt innfyri og har gjørdist Josup Henriksen hægstir og skallaði bóltin í málið til endliga úrslitið 2-0 til KÍ.

KÍ er nú trý stig frammanfyri HB og EB/Streym, men enn eru heili 6 umfør eftir, so her er einki avgjørt enn.

SáH