Klokkan trý ídag fór Klaksvíkingurin so stoltir út eftir vánni til teirra seinastu venjing í ár. Teir vóru væl mannaðir og tóktist í sera góðum hýri.

Vinna teir á Ólavsøku, so verður tað eitt satt bragd, tí teir hava ikki vant tað heilt stóra og teir skulu rógva ímóti Drekanum Reyða, sum hava vant við fullum seglum síðani einaferð í januar.

Her nakrar myndir frá venjingini ídag. Norðoya Portalurin ynskir tykkum góða eydnu á Ólavsøku og vinna tit, so vera tit bodnir til Maverick Barr, har tit allir samlir skulu fáa ein stóran sjúss og eina góða øl frá Føroya Bjór sjálvandi. Koyri á og vit øll í Norðoyggjum vóna innarliga at tit vinna.

SáH

Klokkan 10 ímorgun var móttøka í Klaksvíkar Svimjihøll. Stjórin Torkil Mørkøre bjóðaði øllum vælkomin og forkláraði okkum, um hvussu arbeiðið hevur gingist við at gera Svimjihøllin klára til júst hendan dagin, har hann rósti øllum arbeiðsfólkunum, sum høvdu gjørt eitt megnararbeiðið fyri at klára tíðina og kostnaðin. Umvælingin av høllini kostaði10. milliónir krónir.

Varaborgmeistarin fekk síðani orðið og rósti hann Torkil fyri hansara lut, at fáa høllini latna upp til tíðina. Hann kom inná  pápan hjá Torkil, sum hevði verið nakað stoltir ímorgun, tí tað var jú hann, sum var fyrsti fyristøðumaðurin í Klaksvíkar Svimjihøll í 1974, men tíðanverri doyði hann alt ov tíðliga, bert 44 ára gamalur.

Forkvinnan í mentunarnevndini í Klaksvíkar Kommunu fekk síðani orðið og segði hon eisini nøkur rósandi orð.
Formaðurin í Ægir Símun á Høvdanum fekk orðið, har hann forkláraði, at nú fór Ægir at royna at koma ovast á tindarnar aftur og handaði hann svimjihøllini ein máling, sum Livar Nysted hevði málað og var tað av einum svimjara, sum var á veg upp at fáa luft. Dann Hjelm segði eisini nøkur orð frá Ægir og til endast fekk Torkil Mørkøre orðið aftur og takkaði fyri góðu uppmøtingina og síðani bleiv snórurin kliptir av varaborgmeistarin Steinbjørn Jacobsen og Svimjihøllin bleiv opin aftur.

SáH

Virkandi borgmeistari Steinbjørn O. Jacobsen floytaði liðið avstað til París.  Her vinka tey farvæl. Góðan túr øll, tit gera eitt megnar arbeiðið, góða eydna.

SáH

Sjálvandi stillaði Team Rynkeby seg frammanfyri Rynkeby í Klaksvík og við familjuni Eyð Matras og Tummas Joensen í miðjuni. Haldi vit lata myndirnar tala.

SáH

Sigrun Vágstún bjóðaði øllum at vera vælkomin.

Karl Martin Samuelsen sang tveir sangir og kom hann stak væl frá sínari framførðslu. Røðan hjá honum var rørandi og onkur av áhoyrarnum táraði.

Formaðurin í Krabbamansfelagnum takkaði fyri stuðulin og forkláraði um, hvussu Rynkeby-París túrurin var blivin til.

Virkandi borgmeistarn Steinbjørn Jacobsen helt eina góða røðu og takkaði hann Team Rynkeby, at teir valdi Klaksvík sum byrjunarstað. Steinbjørn fekk eisini heiðurin at floyta liðið avstað til París.

Til endast segði læknin Elmar Ósa nøkur orð og forkláraði hann um týdningin at stuðla og um granskingini. Hann segði at málið er, at fáa 5 børn staðfest krabbamein, so skuldi helst 5 børn blivu fríðsk í framtíðini.

SáH

Team Rynkeby kom til Klaksvíkar kl. 11.00 hósmorgunin og har var hópin av fólki sum tók ímóti teimum. Har tey vísti súkklurnar fram og nógvar myndir vóru tiknar.

SáH