Sólvá A. Sigurðsson forbetraði eisini tíðina hjá sær og fekk eitt flott silvurmerkið við tíðini 1:19:62.

Væntandi varð, at Sára R. Nysted úr Suðuroyar Svimjifelag fór at vinna, men nú eru bert 3 sekund upp til Sáru. Vinnandi tíðin var 1:16:62 og besta tíðin hjá Sáru er 1:16:33, so tað er ikki ómøguligt, um man venur hart. Sólvá A. Sigurðsson er eisini eitt ár yngri enn Sára, so tað er sera flott klára av Sólvu.

SáH

Rebekka Trygvadóttir úr Ægir svam ein góðan 100 metur bringu.

Kappingin gjørdist sera spennandi, har Rebekka og Alisa Vestergård úr Suðuroar Svimjifelag kappaðust, men so setti Rebekka ein ordiligan endaspurt inn og hon vann við tíðini 1:23:26. Nr. tvey Alisa Vestergård 1:24:02 og Petra A. Nielsen, eisini úr Suðuroyar Svimjifelag fekk bronsu við tíðini 1:26:53.

Tíðin hjá Rebekku var góð og hon setti stórt persónligt met. Tillukku Rebekka.

​SáH

Í 200 metur frí hjá kvinnum gjørdist kappingin grót hørð.

Kappingin var ímillum Signhild Joensen og Janu Thomsen úr Ægir. Tær góðu seg fult út, har tær skiftist um at vera nummar eitt og tá ið avtornaði var bert 0,02 sekund ímillum tær báðar, har Signhild Joensen gjørdist sigursharrin.

Nummar trý gjørdist Barbara Debes, eisini úr Ægir, bert 0,19 sekund frammanfyri Lív Eidesgaard úr Havnar Svimjifelag.

Stuttligt at síggja eina so spennandi 200 metur frí og  sjálvandi gjørdist tað enn stuttligari, at Ægir var á øllum teimum fremsti plássinum, tað gjørdi tað ikki verri :)

Stórt tillukku Ægir, nummar 1, 2 og 3. Gott arbeiði av okkara góða venjara J. Jamie Arro.

SáH

Jana Thomsen úr Ægir svam sín lívsins 100 metur firvald leygardagin. Hon forbetraði seg nógv sekund og kom á mál við bestu tíð 1:05:50, sum eisini er hennara besta tíð nakrantíð.

Signhild Joensen bleiv nummar trý, men hon hevði nógvan fepur og tískil var hennara tíð ikki serliga góð. Nummar tvey gjørdist Lív Eidesgaard úr Havnar Svimjifelag við tíðini 1:07:19.

Super flott svomi Jana.

​SáH

Ægir gentirnar setti eitt stórt nýtt føroyskt juniormet í 4 x 100 metur frí ímorgun og eru tær fyrstar at klára undir 4 min. fyri kvinnur í 4 x 100 metur frí.

Sera flott, tá ið hædd verður tikið verður fyri, at Signhild Joensen hevur nógvan fepur, men svimur fyri Ægir liðið álíkavæl.

SáH

Her nakrar myndir frá JM/MU 2016 í Klaksvík hetta vikuskiftið.

​SáH

Martin Vágseið Sivertsen úr Ægir hevur forbetra seg sera nógv í JM/MU 2016 hetta vikuskiftið.

Í 400 metur frísvimjing fobetraði hann seg 21 sekund og hevði hann sett spurtin eitt sindur fyrr inn, so hevði hann vunnið silvur, tí nummar tvey hevði tíðina 4:49:15 og tíðin hjá Martin var 4:51:21 og hann hálaði seg nógv inn á Bartal teir síðstu metrarnar, men Martin var væl nøgdir við bronsuna.

​Flott Martin.

SáH

Gott lag á borgmeistarin Jógvan Skorheim í morgun, tá ið hann var í Svimjihøllini og stuðlaði Ægir svimjarnum, tá ið teir kappaðust í JM/MU 2016.

Signhild Joensen, sum kláraði seg avbera væl í Danish Open fyri viku síðuni og sum júst hevði vunnið í 400 metur frí og Jana Thomsen, sum fekk silvur í somu kapping fingu klemm frá Borgmeistarnum og ynski hann Ægir góða eydnu.

Ja, ein av svimjarnum segði við meg, Símun "Borgmeistarin er her,  helgest tað er well" og so fingu eisini tveir svimjarar høvi at heilsa uppá borgmeistaran.

SáH
​

Klaksvíkar Kommuna hevði sett tvær flaggstengur upp, har Merkið og FINA veitraðu. Reyðu løbarin var breiddur út í Svimjihøllini og byrjaði stevnan við, at allir svimjarnir og hjálparfólkini gingu skrúðgongu og síðani fekk formaðurin orðið.

Hann byrjaði sína røðu við ein minutt tøgn, fyri at æra tvær eldsálir innan svimjingina í Føroyum, sum vóru farnar í Harrans hendur fyri stuttum, nevnliga Herbjørg Eysturdal úr Klaksvík og Maria Jøkladal frá Fuglafirði.

Hann takkaði øllum fyriskiparnum og væntandi hann eina góða stevnu, tó kundi væntast at onkrir trupuleikar fóru at koma, nú JM/MU vóru løgd saman. Hann ynski øllum ein góða stevnu og endaði hann røðuna við at biðja Miriam Hjelm hjálpa sær at syngja tjóðsangin og sjálvandi tók øll høllin undir við teimum báðum. Sera hátíðarlig løta í Klaksvík ímorgun.

​SáH

Í morgun blivu 9 kappingar svomnar og eftisum at JM/MU er lagt saman, so eru sera nógvir riðlar á hvørjari kapping.

Ægir hevur klára seg nøkulunda og nøkur gullmerkir eru komin til hús. Her eitt av teimum, har genturnar hjá Ægri í bólkinum 16-17 ár vunnu gull við tíðini 1:50:95.

Í løtuni er steðgur í kappingini og verður hon uppafturtikin kl. 17.30.

​SáH