​Páll Fangi hjá seksmannafør monnum gjørdu sína skyldu á Vestanstevnu og vann trygt við einari bátslongd.

Teir løgdu seg á odda frá byrjan av og hildu oddasessin allan vegin inn, men var kappingin hørð við Froðbing og Hósvíking, men í endasprurtinum sæst tíðuliga hvør hevur verið best ígjøgnum alt árið, Páll Fangi hølvaði hinar av og vóru góða bátslongd frammanfyri nummar tvey. sum gjørdist Hósvikingur, sjá tíðirnar her:
​
Seksmannafør menn
Nr. 1 Páll Fangi 04:54.09
Nr. 2 Hósvikingur 04:56.03
Nr. 3 Skúvur 04:59.11

Páll Fangi hevur vunnið allar sínar róðrar í ár og hava fult stigatal 42 stig.

Stórt tillukku Páll Fangi

SáH

​Tað var ongin slingur í valsinum hjá Fípuni Føgru í kappróðrinum á Vestanstevnu.

Tær løgdu seg á odda frá startinum av og har lógu tey allan vegin inn.

Firvaldur og Sævarmoy royndi at geva teimum kapping, men tá ið hálvt málið var rógving, so fór Fípan Fagra avstað og tá ið tær komu á málstrikuna vóru tær heilar tvær bátslongdir frammanfyri Sævarmóð og Sævarmoy vann trygt annað plássið og var meira enn hálva bátslongd frammanfyri Firvald frá Froðbingar Sóknar Róðrarfelag.

Tað má sigast at vera sera flott av Klaksvíkar Róðrarfelag at bæði vinna gull og silvur á Vestanstevnuni hjá 5 mannafør gentum.

Stórt tillukku.

​SáH

​Bátarnir eru á veg innaftur og frásøgufólkini í KVF søgdu at kappróðurin er útsettur í ein tíma, meira kunning seinni.
​
SáH

NM 2022 í amboðsfimleiki er av, og tað var eitt sera spennandi vikuskifti við nógvum og sera flottum fimleiki.

Okkara íðkarar stóðu seg væl, og tað bleiv til trý finalupláss hjá monnum. Rani kom víðari í gólv og lop og Aron kom víðari í beinsveiggj.

Hóast tað ikki rakk til heiðursmerki hesaferð, so sæst týðuligt, at føroyskur fimleikur er mentur nógv hesi seinastu árini, og tað eru vit í Fimleikasambandinum sjálvsagt sera fegin um.

Allir okkara íðkarar hava kýtt seg, og vit eru so sera errin av teimum øllum.

Tey koma nú heim við eini ørgrynnu av íblástri til víðari og áhaldandi menning.

Føroya Fimleikasamband

​Í dag er okkara landslið í amboðsfimleiki farið til Íslands at umboða Føroyar til NM (Nordisk Mesterskab) í Kópavági. Kappast verður 2. og 3. juli, og møguleiki er at síggja úrslitini beinleiðis á hesum leinki: Live Score – Sport Event Systems Leinki til live stroyming finnast her: NM 2022 – fimleikasamband.is

Í føroyska hópinum eru 13 fimleikarar, 6 menn og 7 kvinnur. Venjari hjá monnunum er Djóni Zakarisson og hjá kvinnunum er Camelia Michaela Mindriel venjari og Marjun Jacobsen hjálparvenjari. Londini sum eru til hesa kappingina eru Ísland, Danmark, Noreg, Svøríki, Finland og so Føroyar.

Fimleikasambandið er sera spent til hesa kapping, tí gongdin í føroyskum fimleiki hevur verið góð. Tað eru bert nakrar fáar vikur síðan, at vit sóu fleiri av okkara fremstu fimleikarum kappast í Danmark við sera góðum úrslitinum.

Fimleikasambandið ynskir øllum bestu eydnu til kappingina.

Føroya Fimleikasamband