Tórshavnar Kommuna ætlar at brúka 20 mió. kr. í eitt felag saman við Bústaðir – hóast verkætlanin hvørki bøtir um bústaðarneyðina ella ger íbúðirnar bíligari. 

🤯Leiguprísurin verður so høgur, at bert tey vælbjargaðu hava ráð at búgva har, samstundis sum kommunan fremur kappingaravlagan á leigumarknaðinum. 

🚩Hetta er ikki skilagóð nýtsla av skattakrónum. Fólkaflokkurin í Tórshavnar Býráð tekur tí ikki undir við samstarvinum.

Fólkaflokkurin og Havnar Framburðsfelag

Tað sum hendi í Viðareiðisbergholinum kann eisini henda í Norðoyatunnilinum og tí ein spurningurin til Klaksvíkar Kommunu, hevur Klaksvíkar Kommunu eina ætlan um Norðoyatunnilin stongir í óásetta tíð?

Haldi vit eiga at seta okkum niður og gera eina ætlan hesum viðvíkjandi:
Um ferðulegurnar eru tíðarhóskandi til stór ferðamannaskip?, eitt nú Smyril, um hann skal í sigling um Leirvíksfjør, tí Teistin og Ternan eru ov lítil til alla ferðsluna dags dato?

Um vit skulu skaffa okkum eitt meira tíðarhóskandi skip ella sum suðuoyingar gera, tá ið Smyril fer í dokk, at vit leiga eitt skip.

Spurningarnir eru nógvur, men er tað av týdningi at vit eru væl fyrireikaði um Norðoyatunnilin stongir í óásetta tíð.

Símun á Høvdanum

Uttanríkis- og mentamálaráðið hevur sett eina nýggja kunngerð í gildi, sum fyri fyrstu ferð ásetur greiðar karmar fyri samsýning, løn og eftirløn til kirkjutænarar og hjálparfólk í fólkakirkjuni. Hetta verður gjørt eftir áheitan frá Fólkakirkjuni.

Endamálið við nýggju reglunum er ikki at avloysa tað sjálvbodna arbeiðið, sum er ein týdningarmikil partur av kirkjulívinum, men at seta eitt evsta mark fyri samsýning til tey, sum leggja eitt stórt arbeiði í kirkjunnar tænastu. Kunngerðin skal tryggja jøvn, skipaði og rættvís lønarviðurskifti hjá teimum, ið virka í kirkjuligum tænastum. 

Serligar reglur verða settar fyri urguleikarar, sum ikki virka sjálvboðið. Lønin hjá teimum skal fastsetast eftir útbúgving og fakligum førleikum. Eitt greitt tímatalsmark er sett fyri ymisk kirkjulig tiltøk. 

Kunngerðin fær gildi 1. januar 2026. Verandi avtalur, sum ikki lúka nýggju reglurnar, skulu vera endurskoðaðar í seinasta lagi 1. januar 2027.
Landsstýriskvinnan í uttanríkis- og mentamálum, Sirið Stenberg, leggur dent á týdningin av nýggju reglunum:

Fólkakirkjan hevur ein serligan leiklut í samfelagnum. Hon er eitt stað, har fólk savnast í gleði og sorg. Tí er umráðandi, at tey, sum tryggja tónleik, tænastur og hjálp í kirkjuni, hava góðar, greiðar og rættvísar arbeiðsumstøður. Eg eri sera fegin um, at vit nú hava tikið hetta týðandi stigið, sigur hon.

Uttanríkis- og mentamálaráðið

Eg vil boða frá, at eg meldi meg úr Sambandsflokkinum og gerist partur av Miðflokkin frá í dag at rokna. 

Avgerðin kemur í kjalarvørrinum av, at ein løgtingslimur fyri Sambandsflokkin hevur verið við til at leggja fram uppskot um fría føsturtøku – eitt uppskot, sum Løgtingið samtykti í gjár.

Uppskoti fekk meiriluta á tingi, av tí at tveir tinglimir hjá Sambandsflokkinum atkvøddu fyri. - Slíkum vil eg ikki vera ein partur av.

Míni kjarnuvirðir siga mær, at lívið er frá Gudi givið og er heilagt frá gitna til grøv. Tað er tí ógjørligt fyri meg at vera partur av einum flokki, sum er høvuðsatvoldin til, at hetta hendi beint nú.

Eg vil takka løgtingfólkum Sambandsfloksins fyri tíðina og álitið, sum mær er víst.

Eg eri takksamur fyri, at eg havi fingið møguleikan at vera uppstillaður og eisini at sita í Løgtinginum fyri flokkin – hóast tað ikki var leingi.

Sámal Hanni Lognberg

Starvsfólk hjá landinum kunnu nú sjálvi gera av, nær tey fara frá fyri aldur. Fíggjarmálaráðið hevur í dag strikað rundskrivið um fráfaringaraldur 
 
Landsstýrið metir, at tíðin er farin frá einum føstum fráfaringaraldri. Fólk liva longur, hava betri heilsu, og fleiri vilja fegin arbeiða longur, meðan onnur vilja steðga tíðliga. Tað eigur at vera ynskið og lívsumstøðurnar hjá hinum einstaka, ið avgera, nær ein fer frá fyri aldur. 

Fráfaringaraldurin hjá sáttmálasettum starvsfólkum hjá landinum hevur fram til í dag verið 72 ár. Nú rundskrivið um fráfaringaraldur er strikað, hava starvsfólk hjá landinum ikki longur nakran ávísan fráfaringaraldur, og frameftir kunnu tey sjálvi gera av, nær tey fara frá fyri aldur. 

Næsta stig verður at dagføra og gera vegleiðingar, sum tryggja, at eldri starvsfólk fáa tryggar og javnbjóðis arbeiðsumstøður seinastu árini á arbeiðsmarknaðinum.

"Eg fegnist um, at vit í Føroyum umsíðir fáa eina meiri tíðarhóskandi skipan, ið ikki ger mismun á fólki vegna aldur. Eina rættvísari skipan, sum letur hin einstaka avgera, nær ein fer av arbeiðsmarknaðinum", sigur Ruth Vang, landsstýriskvinna í fíggjarmálum.

Fíggjarmálaráðið

Enn einaferð skal H-Bygningurin hava meirjáttan, hesaferð uppá 40.978,771,20 milliónir við Meirvirðisgjald, also eru okkara politikara skít býttir?

Vera vit skattborgarar hildnir fyri turra spott, har fyritøkur í Tórshavn ríka seg upp við byggingini av H-Bygninginum og tit hava latið teimum 100tals milliónir í eykajáttan ár eftir ár, uttan nakra trygd fyri at H-bygningurin verður gjørdir liðugur og samstundis skal Klaksvíkar Sjúkrahús spara 1,5 millión um árið fyri tykkara kleyvarskap, hatta verður slett ikki góðtikið.

Har má onkur standa til svarts fyri hesa byggigølu. Taki tykkum fyri Guds skyld saman og er tíðin ikki komin at tit melda fólkini sum standa aftanfyri størsti byggigølu í Føroya søgu? so hesi vera kunnu ábyrgdast fyri teirra gerðir, tað kann also ikki blíva við ár eftir ár og tit standa sum eitt pillbýtt og hyggja at, ímeðan landi koyrir við dundrandi undriskoti og ein av stóru syndarnum er tit sjálvir, tí tit ikki hava eftirlit hvat gongur fyri seg í landinum og játtað 100tals milliónir í eykajáttanum um árið til verktætlanir sum tit ikki hava tamarhald á.

Nú vit hava AI-tøkni, so spurdi eg AI hendan spurning um H-Bygningin: 
Hvussu nógv er meirkostnaður av H-Bygninginum í Tórshavn? og her svari á donskum:
Efter de seneste tilgængelige oplysninger er de samlede omkostninger for H-bygningen på Landssjúkrahúsið (Landshospitalet) i Tórshavn overskredet med ca. 600 millioner kroner, så den samlede pris nærmer sig 1,2 milliarder kroner. Den oprindelige estimerede pris var 599 millioner kroner. 

Detaljer om budgetoverskridelsen
Oprindeligt budget: 599 millioner kroner.
Samlet pris: Nærmer sig 1,2 milliarder kroner efter den seneste overskridelse.
Årsager: Byggeriet har været præget af forsinkelser og udfordringer, som har ført til en stor forøgelse af omkostningerne.
Tidslinje: Projektet, som tidligere har været genstand for undersøgelser og politisk debat, er blevet dokumenteret over tid, blandt andet i lagtingsdokumenter. 

På grund af de løbende ændringer i projektets økonomi kan de præcise tal variere afhængigt af den specifikke opdatering og kilde. For at få de mest nøjagtige og aktuelle oplysninger kan det være nødvendigt at konsultere officielle rapporter fra færøske myndigheder.

Veit at upplýsingarnir ikki eru heilt rættir, men aðrastaðni havi eg eina grein frá Heilsu- og innlendismálaráðið tann 10. juni 2019, tá skuldi byggiharrarnir hava 51 milliónir uttan mvg fyri at gera H-Bygningin lidnan, men fyritøkurnar hava duga sera væl, tí tey hava klára at mjólka tykkum fyri 100tals milliónir síðani tá.

Klára tit ikki at stýra hesum landinum og hava eftirlit við okkara pengum, legg so kongin og skriva út nýval. Hetta eigur útjaðarin ikki at góðtaka, tað kann ikki vera rætt at allir pengarnir enda í Tórshavn og kanska vera brúktir í heimildarloysið? og vit í útjaðarnum skulu gjalda fyri tykkara kleyvarskap í Tórshavn.

Símun á Høvdanum

Haldi tit eiga at lesa hesa greinina frá 2019 og tá skuldi H-Bygningurin hava 51 milliónir afturat og fyri teir pengarnar søgdu byggiharrarnir at so kláraði teir at gera H-Bygningin lidnan, les greinina her:

Grein frá Heilsu og innlendismálaráðnum tann 16-06-2019:
Í vár metti Landsverk at 43 mió. kr. fóru at vanta í útbyggingini á Landssjúkrahúsinum. Tí heitti Heilsu- og innlendismálaráðið á Landsverk at gera nærri greiningar av hvørji átøk kunnu gerast fyri at avmarka meirútreiðslurnar.

Landsverk hevur greinað byggiverkætlanina nærri, og er niðurstøðan hjá Landsverki tann, at skal nýggi H-bygningurin á Landssjúkrahúsinum gerast liðugur í verandi líki, fara slakar 51 milliónir krónur at vanta í. Tað hevur Landsverk, ið er byggiharri, kunnað Heilsu- og innlendismálaráðið um.

Afturat hesum eru ymisk krøv og ynski, sum kunnu hava við sær, at H-bygningurin dýrkar nakað afturat.

Heilsu- og innlendismálaráðið heitti fyri jól á Landsverk um at hyggja nærri at útbyggingini á Landssjúkrahúsinum. Landsverk hevur kannað byggiroknskapin frá 2009, tá ið upprunaliga verklagslógin kom í gildi, og fram til í dag, og er komin eftir, at peningurin fer at vanta í.

Heilsu- og innlendismálaráðið

Fyri Guds skyld játtið teimum ikki fleiri pengar, farið heldur og sendi teimum eitt endurgjaldskrav, tí har ruggar ikki alt rætt í hasari byggigøluni. Hatta má STEÐGAST NÚ, hatta er total langt úti, tað kann ikki vera rætt, at Føroya fólk skulu gjalda 100tals milliónir í meirkostnað av H-Bygninginum og tit politikara bara hyggja at.

Símun á Høvdanum

Norðlýsið nevnir at Tjóðveldi kann vinna norðurøkið aftur, men stemmar nýggju Landsstýrismaðurin í fiskivinnumálum Eirikur í Jákupstovu fyri at boykotta hasi bæði reiðaríini í Ruslandi og avleiðingin verður at Gadus verður seldur, so kann Tjóðveldi vinka farvæl til Norðoyggjar sera langa tíð inn í framtíðina. 

Her grein í Norðlýsinum, "Tjóðveldi kann vinna Norðurøkið aftur"

Verður lógaruppskotið samtykt í dag, er sera sannlíkt at Sirið setur tað í gildi beinanvegin, tí hon leggur onki í Norðoyggjar og Eysturoynna, hon tonkir bara upp á Tórshavn og Vágs bygd, men hetta kann fáa óbøtaligar skaðar fyri Norðoyggjar og Eysturoynna og sannlíkt er at Russland ongan fiskivinnusáttmálað gerð við Føroyar í framtíðini og missa vit Barentshavið, so hevur Hanus Hansen sagt at hann møgliga verður noyddir at selja Gadus.

Hetta stendur í uppskotinum:
Kapittul 2 av uppskotinum
2.1. Fíggjarligar avleiðingar fyri land og kommunur
Við  uppskotinum  verða  heimildir  landsstýrisfólksins  at  seta  í verk  onnur  avmarkandi  tiltøk mótvegis  Russlandi  og  Hvítarusslandi  á  yvirtiknum  málsøkjum  víðkaðar. Uppskotið  setir  tó ikki  ítøkilig  tiltøk  í  verk,  og  uppskotið  hevur  sostatt  ikki  við  sær  beinleiðis  fíggjarligar avleiðingar fyri landið ella kommunurnar.

Um ítøkilig tiltøk verða sett í verk, kann ikki útihýsast, at Russland fer at víðka síni móttiltøk til   eisini   at   fevna   um   Føroyar,   ella at hugurin hjá   Russlandi   at   halda   fram   við fiskivinnusamstarvinum við Føroyarminkar. 

Tað er tó trupult at meta um, hvørt tað er sannlíkt, at Russland vil seta móttiltøk í verk móti Føroyum, og,um so er, hvørji móttiltøk talan tá verður um, ella hvørt Russland í nevndu støðu vildi mett, at framhald av fiskiveiðusamstarvinum er lønandi. 

Russland er ikki at spæla við, so væntandi verður ongin fiskivinnusáttmálið gjørdur við Russland og Føroyar kann koma at missa eina milliard í inntøkum og meira enn 200 familjur missa sítt livibreyð.

Hetta skrivar Tjóðveldismaðurin í Klaksvíkar Býráð Anfinn í Toft tann 21. november í Norðlýsinum, "Í Føroyum skulu vit taka egnar avgerðir!" men hann hevur líka lítið at siga sum Eirikur í Stórustovu, so væntandi lurtar ongin eftir honum og uppskotið verður samtykt nú klokkan 11:00.

Tingfundur verður klokkan 11:00 í dag og fyrsta punkt á skránni er:
3. viðgerð LM-001/2025 - Uppskot til løgtingslóg um broyting í løgtingslóg um avmarkandi tiltøk í sambandi við atgerðir móti Ukraina (Víðkaðar heimildir at seta onnur avmarkandi tiltøk í verk í sambandi við hybridhóttanir o.a.)

Símun á Høvdanum

Politikkur er rotin, onkur sigur pillrotin, júst sum Pisshúsið á kajuni er.

Á fíggjarlógini sum bleiv samtykt seinasta hóskvøld sæst at Pisshúsið á kajuni hevur fingið 500.000,00 kr. játtaðar, men verktætlanin hjá Norðoya Bátafelag fekk NULL.

Hetta ávaraði eg tykkum fyri áðrenn valið, at blivu Annika og Signhild vald innaftur og Fólkaflokkurin fór í andstøðu, so reyk verkætlanin hjá Norðoya Bátafelag niðanfyri EFFO fyri borð, rætt fekk eg.

Annars var verktætlanin hjá Norðoya Bátafelag samtykt og góðtikin í seinastu setu og tað var klárt at fara í gongd, her grein og myndir eg skrivaði áðrenn valið klikk her: "SO VERÐUR TAÐ GJØRT - Norðoya Bátafelag"

Tað bleiv samtykt í oktober 2024, men tær báðar stemmaði ikki fyri uppskotinum, klikk her: "Signhild V. Johannesen og Anikka S. Biskopstø stemmaði ikki fyri uppskotinum"

Her filmsklipp eg tók upp tann 25. november, sjá herundir

Símun á Høvdanum

Síðst í januar 2026 skulu Føroyar lata Sameindu Tjóðum (ST) yvirskipaða frágreiðing um mannarættindastøðuna i Føroyum. Hetta er tann sokallaða UPR frágreiðingin. UPR stendur fyri Universal Periodic Review og er ein tilgongd, har Mannarættindaráðið hjá ST, við at biðja um frágreiðing frá limalondunum, hyggur nærri eftir mannarættindastøðuni í hesum londum. Endamálið er at virka fyri, at londini veita sínum borgarum ásettu mannarættindi, bæði í lóg og í verki.

Í hesum sambandi skal Danmark, saman við Føroyum og Grønlandi, lata inn frágreiðing, ið lýsir mannarættindastøðuna í kongsríkinum. Føroyar lótu, saman við Danmark og Grønlandi, sína fyrstu frágreiðing av hesum slag til ST í 2011. Hetta er fjórða frágreiðingin.

Sum liður í tilgongdini eru áhugafelagsskapir og almenningurin vælkomin til at senda Uttanríkistænastuni skrivlig hoyringarskriv um mannarættindastøðuna í Føroyum og møguligar avbjóðingar í hesum sambandi. Innkomin hoyringarskriv verða nýtt sum íkast til føroyska partin av frágreiðingini, ið verður latin ST.

Í mun til aðrar frágreiðingar til ST, sum taka útgangsstøði í einum einstøkum mannarættindasáttmála, fevnir hendan frágreiðingin um allar ST-mannarættindasáttmálar.

Meira kunning um Føroyar og mannarættindi sæst á heimasíðuni hjá Uttanríkis- og mentamálaráðnum við at trýsta her.

Vinarliga sendið hoyringarskrivini til [email protected]

Freistin at lata hoyringarskrivini inn er mánadagin 15. desembur 2025.

Eru spurningar, eru fólk vælkomin at venda sær til Duritu L. Jóansdóttir á tel. 551008 og t-post [email protected]

Uttanríkis- og mentamálaráðið