Uppstillingarfundur hjá Norðoya Fólkafloksfelag

💚Góðu norðoyingar
Norðoya Fólkafloksfelag hevur 1. og 2. uppstillingarfund týskvøldið 3. mars kl. 19.30. Fundurin verður í Skúlatrøð í Klaksvík. Møtið fjølment!✨🌸

...Annars enn ein áminning um aðalfundin, sum verður hósdagin 12. mars kl. 19:00 í Bláustovu í KÍ-høllini í Klaksvík🤩🥳

Norðoya Fólkafloksfelag

Býráðsfundur verður hósdagin 26. februar kl. 17:30. Til ber at stroyma almenna býráðsfundin umvegis leinkið á forsíðuni.

Býráðsfundurin verður hildin í Varpinum, har regluligu fundirnir hjá býráðnum verða hildnir. Til ber eisini at lurta eftir býráðsfundinum á stream(.)fo og á FM 98,7.

Býráðsskráin kann takast niður her: Býráðsskráin 26. februar 2026

Klaksvíkar Kommuna

Mikudagurin 25. februar verður ein lagnudagur. Tá stendur greitt, um Verkafólk hava umboð á Føroya Løgtingi, ella um teir flokkar, ið vanliga siga seg umboða okkara áhugamál, svíkja ta fakfelagsrøslu, ið teir eru sprotnir úr. 

Góðu tinglimir, velja tit, rossahandilin hjá løgmanni við Ruth Vang, ið ikki eingongd ein meiriluti í Framsókn virður, ella velja tit ta ábyrgd, ið tit hava fyri tykkara veljarum?

Okkara inniliga áheitan á tykkum tinglimir úr Javnaðarflokkinum og Tjoðveldi er: Fellið hetta uppskotið um hægri pensjónsaldur! Tað er onki meir vandamikið fyri politisku skipanina enn at missa sambandið við gerandisdagin hjá púra vanligum fólkum.

Fær stríðið ongan enda?

Føroya Arbeiðarafelag
Føroya Fiskimannafelag
Havnar Arbeiðarafelag
Havnar Arbeiðskvinnufelag
Klaksvíkar Arbeiðskvinnufelag
Klaksvíkar Arbeiðsmannafelag

💚Góðu eysturoyingar💚

Eysturoyar Fólkafloksfelag hevur frysta uppstilingarfund til komandi løgtingsval mánakvøldið 9. mars kl. 19:00.
Fundurin verður í Hólmahúsinum á Eiði. Møtið fjølment✨

...Annars, tú, sum ivast um at stilla upp, kom og hoyr, hvat tað inniber😁🌸 Síggjast!

Eysturoyar Fólkafloksfelag

Vit vóru spent, tá ið nýggj samgonga tók við í 2022, men tað er ikki sørt, at Verkafólk kenna seg svikin av løgmanni og samgonguni í spurninginum um pensjónir. 

Løgmaður hevur gjørt ein politiskan rossahandil við Ruth Vang, fíggjarmálaráðharra, sum gongur beint ímóti øllum tí, sum Javnaðarflokkurin átti at staðið fyri. Verkafólk skulu vera longri á arbeiðsmarknaðinum, so ein tunnil kann gerast. 

Tveir av trimum flokkum í samgonguni siga seg annars umboða verkafólkið, og løgmansflokkurin varð stovnaður av júst arbeiðarafeløgunum. Men kortini hava Javnarflokkurin og Tjóðveldi latið Framsókn samanvevja tvey so fullkomiliga ymisk mál:  Suðuroyartunnilin og hækkan av pensjónsaldrinum.Tvey mál, ið á ongan hátt hava nakað við hvørt annað at gera.

Tingfundurin í morgin verður avgerðandi fyri, um vit í Føroyum hava nakran flokk, sum umboðar verkafólkið. Tingfólk nýtast ikki at lata seg binda av ivasomu avtalunum, sum løgmaður og leiðslan í landsstýrinum ger. Tingfólk eru einans bundin av síni sannføring. Í morgin fáa tit í Javnaðarflokkinum og Tjóðveldi høvi at vísa, hvørji tit eru, og hvat tit standa fyri.

VERKAFÓLK GERA SÍTT

Nógv av verkafólkum okkara fara út á arbeiðsmarknaðin sum tannáringar, og tað er óvirðiligt at krevja, at tey skulu vera uppaftur longri á arbeiðsmarknaðinum enn tey eru nú.

Okkara verkafólk gera hvønn dag sín part úti í samfelagnum. Verkafólk krevja ikki nøkur serrættindi, men politiski myndugleikin má taka spurningin um pensjónsaldur í størri álvara og síggja, at tað er mark fyri, hvussu nógv tú kanst krevja av fólki.

Hetta uppskot bjóðar allari fakfelagsrørsluni av á ógvuliga grundleggjandi økjum, og tað verður ikki á okkara vakt, at hetta fer stillisliga framvið.

Okkara inniliga áheitan á tinglimirnar er: Fellið hetta uppskotið! Tað er onki meir vandamikið fyri politisku skipanina enn at missa sambandið við gerandisdagin hjá púra vanligum fólkum.

Føroya Arbeiðarafelag
Føroya Fiskimannafelag
Havnar Arbeiðarafelag
Havnar Arbeiðskvinnufelag
Klaksvíkar Arbeiðskvinnufelag
Klaksvíkar Arbeiðsmannafelag

Tað valdar ein ótrúliga stórur naivitetur hjá summum politikkarum í Føroyum í nøkrum stór-politiskum málum.

Tað liggur eitt uppskot um VEÐURLAGSLÓG í Løgtinginum, har Føroyar skulu binda seg til netto-null útlát í 2050. Við øðrum orðum skal CO2 nú diktera gerandisdagin hjá føroyingum. 

Tey eru naiv sum halda at hetta er ein gagnligur málsetningur, tí slík tiltøk fara at spreingja elprísirnar upp í luftina og harvið beinleiðis gera skaða á kappingarføri, arbeiðspláss og húsarhaldini í Føroyum.

Fleiri siga at vit ikki kunnu avmarka ISLAM í Føroyum orsaka av grundlógini. Tað er naivt at halda, at islamistar nakrantíð fara at virða okkara grundlóg og harundir trúarfrælsi. Hygg bara til grannalondini…

Naiviteturin er fullkomin, tá politikkarar ongar avleiðingar síggja av fríari FOSTURTØKU og undirstrika at hetta er ein partur av framgongdini (progressivitetinum) í okkara samfelag.

Heimssøgan vísir rættiliga greitt, hvussu tað gekk hjá teimum samfeløgum, sum ofraðu síni børn fyri meiri grøði (karrieru og líknandi).

Lati okkum heldur brúka VIT OG SKIL við at seta okkum sum mál at orkuprísirnir fyrst og fremst eru kappingarførir. At verja føroysku virðini og tey frælsi vit hava framum islam. Og at tryggja øllum føroyingum tað sum tú og eg hava fingið – rættin til lív!

Steffan Klein Poulsen,
Løgtingsmaður fyri Miðflokkin

Arbeiðsmarknaður, almenna veitingar og kriminalitetur – ein hagfrøðilig greining av ikki vestligum tilflytarum í Danmark 

Hettar er eitt skriv ið lýsir hagtals sjónarmiðið. Hugt hevur verið eftir tilfar hjá Danmark Statestik fyri at eftirkannað tað sum Sjúrður førir fram. Er hettar ein grundaður ótti tá talan er um muslimar?  
Danir eru raskir at byggja hagtøl, framum fleiri onnur lond, innan nógv økir, tí er hettar ein fongur at leita í. Danir hava gjørt fleiri greiningar av útlendingum í Danmark. Hvat lýsa hesar greiningar hagtalsliga sæð? 
Serligur MENAPT-lond (Miðeystri, Norðurafrika, Afganistan, Pakistan og Turkaland) eru í miðdepilinum í hesi grein tí her er einamest talan um muslimar. 

Eru hesi úr MENAPT-lond (Miðeystri, Norðurafrika, Afganistan, Pakistan og Turkaland) sum flyta til Danmarkar minni integreraðir og eru hesi meira kriminellir fyri hvørt ættarlið? Og ikki sum ført verður fram at hesi verða integreraði yvir nøkur ættarlið? Tað vil siga hvørvur trupulleikin, um ein trupulleiki er í fyrsta ættarliði?  
Kosta hesir tilflytarar samfelagnum pening soleiðis at vælferðarsamfelagið kemur undir trýst, tí hesir tilflytarar gerast alt fleiri í tali?  
Hettar er soleiðis ikki ein roynd at lýsa partin við manglandi javnstøðu hjá kvinnum, manglandi tryggleika hjá samkyndum um muslimar flyta handavegin ella onnur sjónarmið sum kunna førast fram. Kanska turrisligt, men viðkomandi greining. 

Greining byggir á tilfar hjá Danmarks Statestik.  
Har er rúgvismikið tilfar til dømis á síðuni: https://integrationsbarometer.dk/tal-og analyser/kriminalitet, annað tilfar er eisini so sum “Indvandrere i Danmark”, “Analyse af børn af efterkommere med ikke-vestlig oprindelse”. Enn meira tilfar er atkomuligt á heimasíðuni hjá Danmarks Statestik.  
Greinin er skrivað sum ein hagfrøðilig greining – við prosenttølum og strukturellum avleiðingum sum grundarlagi. 

Tølini frá Danmarks Statistik vísa eitt greitt mynstur: fólk úr MENAPT-londum og eftirkomarar hava eitt munandi lægri knýti at arbeiðsmarknaðinum, eru yvir umboðað á almennari umsorgan (forsyrging) og hava hægri kriminalitetsindeks enn persónar við donskum uppruna. 

Kriminalitetur: indeks í mun til danskarar 

Eg endur gevið úr https://integrationsbarometer.dk/tal-og-analyser/filer-tal-og
analyser/arkiv/copy_of_NotatvedrrendekriminalitetblandtindvandrereogefterkommerefraMENAPTl
andene.pdf síða 2. 

“Mandlige indvandrere fra MENAPT-landene havde i 2023 et alderskorrigeret straffelovsindeks på 218, jf. tabel 1 på næste side. Det svarer til, at deres kriminalitetsniveau var omkring 2 gange højere end gennemsnittet for den mandlige befolkning under ét, når der er taget højde for aldersforskelle. 

Blandt de mandlige efterkommere fra MENAPT-landene var kriminalitetsniveauet højere. Straffelovsindekset for mandlige efterkommere fra MENAPT-landene lå således på 309 og var dermed omkring 3 gange højere end gennemsnittet for den mandlige befolkning under ét, når der er taget højde for aldersforskelle. 

Domme efter straffeloven omfatter bl.a. seksual-, volds- og ejendomsforbrydelser. Ejendomsforbrydelser er fx indbrud, hærværk og tyveri, herunder butikstyveri. Ser man specifikt på de personer, der er dømt for voldsforbrydelser (som afgrænset i boksen nedenfor), ligger indekset i 2023 for mandlige efterkommere med oprindelse i MENAPT-landene på 354, svarende til, at deres kriminalitetsniveau er omkring 3½ gange højere end gennemsnittet for den mandlige befolkning, når der er taget højde for aldersforskelle, jf. tabel 2 på næste  

Hettar verður eisini sett upp í eitt hagtalsyvirlit. 

Kelda: https://integrationsbarometer.dk/tal-og-analyser/filer-tal-og
analyser/arkiv/copy_of_NotatvedrrendekriminalitetblandtindvandrereogefterkommerefraMENAPTl
andene.pdf Síða 3.
 
Vit kunna soleiðis staðfesta at kriminalitetsindeks hjá fyrsta ættarliðið av monnum sum koma úr MENAPT-londum er Kriminalitetsindeks  229 í mun til 89 ella teir eru fleiri ferðir so kriminellir sum uppruna danir. Støðan versnar tí synirnir hjá hesum fyrru hava eitt Kriminalitetsindeks 354, tað vil siga tað hækkar í næsta ættarlið og hesir eru næstan 4 ferðir so kriminellir sum uppruna danir við teirra Kriminalitetsindeksi uppá 89. 

Soleiðis verða tilflytarar frá MENAPT-londum ikki meira integreraðir í samfelagið teir flyta til, eftir nøkur ættarlið, men beint tað øvugta, teir eru minni integreraða enn teirra foreldur, sum upprunaliga fluttu til Danmarkar.   
​

Kelda: https://integrationsbarometer.dk/tal-og-analyser/kriminalitet  

Vert er at leggja til merkis at hægri kriminalitetur hevur fíggjarligar fylgjur: politi, rættarskipan, fongsulsútreiðslur og sosialar fylgikostnaðir ikki minst fyri kvinnur og samkynd, sum eru útsettur bólkur tá talan er mun ágang frá muslimum. Hartil er tilvildarligur harðskapur móti tilvildarligum fólkum, sum eru á skeiva stað skeiva tíðarbilið eisini ein trupulleiki.  

Arbeiðsmarknaðurin: ein strukturellur munur 

Arbeiðsføri (Beskæftigelsesfrekvensin) hjá 16–64 ára gomlum MENAPT tilflytarum er munandi lægri enn hjá danskarum. Menn úr MENAPT londum hava eina arbeiðstøku á umleið 60% meðan tað hjá uppruna danskarum liggur á umleið 80%.  
Hjá kvinnum úr MENAPT londum liggur arbeiðsføri á umleið 55%. Til samanberingar liggja danskar kvinnur á 77%. Hetta merkir ein mun í arbeiðstiltøk á gott 20 prosentstig. 

Myndin vísir luttøkuna hjá monnum á arbeiðsmarknaðinum í tíðarskeiðinum 2015 til 2025 mánaða fyri mánað. Uppgjørt í prosentum. 

Kelda: https://integrationsbarometer.dk/tal-og-analyser/beskaeftigelse 

Myndin vísir luttøkuna hjá kvinnum á arbeiðsmarknaðinum í tíðarskeiðinum 2015 til 2025 mánaða fyri mánað. Uppgjørt í prosentum. 

Lægri luttøka á arbeiðsmarknaðinum hevur beinleiðis fíggjarligar avleiðingar: minni skattainntøkur per capita og størri sannlíkindir fyri at fáa almennar veitingar. 

Almenna veitingar: yvir umboðan í tølum 

Eg endurgevi beinleiðis úr https://uim.dk/nyhedsarkiv/2021/oktober/indvandrere-ogefterkommere-fra-ikke-vestlige-lande-koster-31-milliarder-kroner/ 

“Indvandrere og efterkommere fra ikke-vestlige lande koster 31 milliarder kroner.  
Det offentliges nettoudgift til indvandrere og efterkommere fra ikke-vestlige lande i 2018 er på 31 milliarder kroner.“ 

Aðra greiningar vísa at ikki-vestligir tilflytarar eru umleið 8% av arbeiðsføra fólkinum (16–64 ár), men teir eru 11% av teimum, ið eru á almennari veitingum. Hetta svarar til eina yvir umboðan á 
37,5%. Serliga er hettar galdandi innan kontanthjálp. 21% av øllum kontanthjálpsmóttakarum eru ikki-vestligir tilflytarar, hóast teir bert eru 8% av fólkinum. Hetta er ein yvir umboðan á 162%, ella 
umleið 2,6 ferðir so nógv, sum fólkatalið annars skuldi verið.

Myndin er tikin úr https://www.dst.dk/Site/Dst/Udgivelser/GetPubFile.aspx?id=52300&sid=indv2024 og talan er um síðu 107 

Myndin vísir at tilflytarar úr ikki vestligum londum fáa munandi meira frá tí almenna Av myndini síggja vit, millum annað, at aldursbólkinum 50–54 ár og uppeftir hava tilflytarar úr ikki vesturlendskum londum hægstu umboðan í almennari uppihaldsveitingum. 
Hjá 50–54 ára gomlum er lutfallið 41 prosent, samanborið við 19 prosent hjá persónum við donskum uppruna. Í aldursbólkinum 60–67 ár er lutfallið 63 prosent hjá tilflytarum úr ikkivesturlendskum londum, ímóti 35 prosent hjá persónum við donskum uppruna. 

Tá luttøkan á arbeiðsmarknaðinum er 20% lægri, og kontanthjálpslutfallið er fleiri ferðir so høgt, merkir tað eitt netto-útreiðslutrýst á almenna fíggjarkervið. Hetta er ein beinleiðis avleiðing av arbeiðs- og veitingartølunum. 

Útbúgving og ættarliðsmenning 

Greiningin av børnum av eftirkomarum vísir, at tað er ikki sjálvsagt, at næsta ættarlið integrerast arbeiðs- og útbúgvingarliga. Frá fyrstu tilflytarum til næsta ættarlið sæst ein betring í skúlaførleikum, men frá næsta ættarlið til børnum hjá triðja ættarlið sæst stagnatión. 

Hetta hevur týdning, tí ein demografisk framskriving vísir, at talið av børnum av eftirkomarum kann vaksa úr umleið 24.000 í 2018 til yvir 200.000 í 2060 í Danmark. Um arbeiðs- og útbúgvingar munurin heldur fram, flytur hettar tað strukturella búskaparliga trýstið víðari komandi áratíggir.

Myndin vísir støðuna í 2024. Myndin er tikin úr https://www.dst.dk/Site/Dst/Udgivelser/GetPubFile.aspx?id=52300&sid=indv2024 síða 16. 
Á myndini sæst munandi vøkstur í talinum av ikki vestligum tilflytarum frá 1994 til 2024. 

Hagfrøðilig samanumtøka. 
Tølini vísa: 
• lægri luttøku á arbeiðsmarknaðinum. 
• hægri yvir umboðan á almennari veitingum. 
• høg yvir umboðan á kontanthjálp. 
• hægri kriminaliteti hjá mannligum tilflytarum í fyrsta ættarliði 
• uppaftur hægri yvir umboðan í kriminaliteti hjá mannligum eftirkomarum í næsta ættarlið 
• Stagnatión í útbúgving millum ættarlið, tað vil siga at støðan stendur við. 

Í einum skatta grundaðum vælferðarsamfelagi merkir lægri arbeiðsluttøka og hægri almenna veitingar, at nettofíggjarliga javnvágin versnar. Danir missa pening uppá at hava hesi fólkini í Danmark. Eitt tíðarskeið kostaði tilflytarar líka nógv, sum Danmark brúkti uppá donsku verjuna.Hægri kriminalitetur økir eisini um almennar útreiðslur, og lækkar trygdina hjá borgarum. Tá hesar strukturellu faktorar samstundis eru galdandi fyri ein bólk av fólki, sum demografiskt veksur, teyverða fleiri og fleiri, verður talan um eina langtíðar búskaparliga avbjóðing og samanhangsmegin í samfelagnum dettur burtur.
 
Hetta er ein beinleiðis hagfrøðilig lesing av hagtølunum – við prosentum og strukturellum avleiðingum sum grundarlagi. 
 
Sjálvandi hagtøl eru løtt at manipulera soleiðis at ein sær tað ein vil síggja, harav verður úrslitið. Tey sum ynskja fleiri útlendingar til Danmarkar føra fram at tølini ganga rætta vegin, men har er lítil hjálp at heinta tí tað er so langt eftir á mál og fólk úr MENAPT-londum gerast alt fleiri og fleiri. Sum nevnt havi eg ikki tikið við rættindi hjá kvinnum, rættindi hjá samkyndum heldur ikki sannroyndina at vit, í Føroyum, í dag liva í einum tryggum samfelag, har flest øll kenna seg trygg og liva í virðing fyri hvørjum øðrum. Hesin trupulleikin er væl lýstur av øðrum. 

Niðurstøða. Haldi at Sjúrður Skaale hevur grein í sínum máli.

Fróði Magnusson 

Samstarvsráðharrarnir úr Danmark, Finnlandi, Føroyum, Grønlandi, Íslandi, Noregi, Svøríki og Álandi hittust í dag, 18. februar, í Keypmannahavn til fyrsta ráðharraráðsfundin undir formansskapinum hjá Danmark og Føroyum í Norðurlendska ráðharraráðnum.

Á fundinum umrøddu samstarvsráðharrarnir millum annað eina endurskoðan av Helsingforsavtaluni, sum er karmur um norðurlendska samstarvið í Norðurlendska ráðharraráðnum og Norðurlandaráðnum.

Ein av høvuðstættunum hjá formansskapinum hjá Danmark og Føroyum er, at Helsingforsavtalan verður dagførd, so Føroyar, Grønland og Áland fáa møguleika at gerast javnsettir partar í avtaluni. Seinasta broytingin í Helsingforsavtaluni varð gjørd í 1995.

Eirikur í Jákupsstovu, landsstýrismaður, sigur: “Føroyar hava luttikið í norðurlendska samstarvinum í meira enn 50 ár, og nærum líka leingi hava Føroyar ynskt fullgildugan limaskap. Tí er tað gleðiligt, at Norðanlondini eru komin hartil, at vit eru farin undir ítøkiliga at umrøða eina endurskoðan av Helsingforsavtaluni, sum skal tryggja javnsetta luttøku fyri øll átta norðurlond. Hetta kann loksins geva møguleika fyri fullgildugum limaskapi.”

Sirið Stenberg, samstarvsráðharri, hevði forfall til fundin. Í hennara stað luttók Eirikur í Jákupsstovu, landsstýrismaður í tilfeingis- og vinnumálum.

Uttanríkis- og mentamálaráðið

Landsstýriskvinnan í uttanríkis- og mentamálum, Sirið Stenberg, luttók 12. februar saman við danska verjumálaráðharranum, Troels Lund Poulsen, og grønlendsku landsstýriskvinnuni í uttanríkis- og granskingarmálum, Vivian Motzfeldt, á fleiri fundum í høvuðssætinum hjá NATO í Brússel. Á skránni var trygdarstøðan í Arktis og Norðuratlantshavi, har nýggja NATO-átakið Arctic Sentry var eitt av høvuðsevnunum.

Á fundunum hittu politisku umboðini úr Føroyum, Grønlandi og Danmark millum annað ovastu hernaðarligu leiðararnar í NATO, SACEUR og SACT. Eisini vóru fundir millum norðurlendsku verjumálaráðharrarnar og millum sameindu arktisku verjumálaráðharrarnar, har trygdarstøðan í økinum varð umrødd. Londini vóru samd um, at tað er neyðugt at raðfesta bæði trygdina og kapasitetirnar í Arktis og Norðuratlantshavi.

"Føroyar hava ein týðandi leiklut í trygdarpolitisku myndini í Norðuratlantshavi. Tí er umráðandi at hitta starvsfelagar úr londunum í Arktis og Norðuratlantshavi regluliga, m.a. fyri at umrøða, hvussu vit styrkja samstarvið um trygdina í økinum."
Sirið Stenberg, landsstýriskvinna í uttanríkis- og mentamálum

Broytingarnar í Arktis og Norðuratlantshavi hava beinleiðis týdning fyri Føroyar. Skiftið í trygdarpolitiska landslagnum ber við sær, at tað er avgerandi fyri Føroyar at taka virknan lut í altjóða samstarvi, sum kann fáa stóra ávirkan á okkara nærumhvørvi. Við luttøkuni á NATO-fundunum staðfesta Føroyar sín leiklut sum partur av einum breiðum samstarvi um trygd í Norðuratlantshavi, har endamálið er at varðveita frið og støðufesti í økinum.

Uttanríkis- og mentamálaráðið

Í dag hevur landsstýriskvinnan í uttanríkis- og mentamálum, Sirið Stenberg, undirritað nýtt semjuskjal um verjumál við Kanada saman við Grønlandi og Danmark. 

Semjuskjalið skal styrkja samstarvið millum londini á øllum økjum, sum snúgva seg um trygd og verju. Avtalan er í samsvari við tjóðartrygdarpolitikkin, sum Løgtingið einmælt samtykti í mai 2024, og er við til at styrkja Føroyar sum virknan part í trygdar- og verjupolitikki í Norðuratlantsøkinum.

Samstarvsøkini í semjuskjalinum eru býtt í fimm høvuðssúlur, sum fevna breitt, men hava til felags eina yvirskipaða kobling til verjumál. Sum dømi um viðkomandi øki kunnu nevnast venjingar, førleikamenning, vinnu- og ídnaðarsamstarv, nettrygd, trygd á sjónum, strategiskt samskifti, veitingartrygd, heilsuviðurskifti, tøkni og nýskapan. 

Bæði yvirskipaða endamálið at menna evnini at varðveita trygd og støðufesti í samstarvi við sameind, og ítøkiligu samtarvsøkini samsvara væl við raðfestingarnar hjá landsstýrinum við støði í tjóðartrygdarpolitikkinum. Mett verður tí, at við semjuskjalinum eru nýggir møguleikar fyri Føroyar at troyta á økjum, har tað í fleiri førum áður hevur verið lítið samstarv við onnur sameind.

“Norðuratlantshavið og norðurøkið hava fingið størri strategiskan týdning. Við hesum semjuskjali styrkja Føroyar, Danmark, Grønland og Kanada samstarvið sum tætt sameind á fleiri týdningarmiklum økjum í eina krevjandi tíð. Við støði í tjóðartrygdarpolitikkinum eru Føroyar til reiðar at taka størri ábyrgd og virka aktivt fyri støðufesti og trygd í Norðuratlantshavinum.”
Sirið Stenberg, landsstýriskvinna í uttanríkis- og mentamálum

Semjuskjalið varð undirritað í München av Sirið Stenberg, landsstýriskvinnu í uttanríkis- og mentamálum, grønlendsku uttanríkisráðfrúnni, Vivian Motzfeldt, danska verjumálaráðharranum, Troels Lund Poulsen, og kanadiska verjumálaráðharranum, David J. McGuinty.

Áðrenn avgerðina at skriva undir semjuskjalið, ráðførdi landsstýriskvinnan seg við Løgtingsins uttanlandsnevnd. 

Uttanríkis- og mentamálaráðið